WhatsApp વાપરવાનો શ્રેષ્ઠ અનુભવ મેળવવા માટે, અમે તમને WhatsAppને તમારા ફોનના સંપર્કોમાં પ્રેવશની મંજૂરી આપવાની ભારપૂર્વક ભલામણ કરીએ છીએ. WhatsAppને તમારા ફોનના સંપર્કો સાથે વાપરવા વિશે અહીં કેટલીક જાણકારી આપવામાં આવી છે.

WhatsApp તમારા સંપર્કો કેવી રીતે વાપરે છે

તમે આ લેખમાં WhatsApp તમારા સંપર્કો કેવી રીતે વાપરે છે એના વિશે વધુ જાણી શકો છો. ટૂંકમાં, અમે તમારી પ્રાઇવસીની કદર કરીએ છીએ અને અમે તમારી વ્યક્તિગત માહિતી કોઈને વેચી નથી, વેચતા નથી અને વેચીશું પણ નહિ.

તમારા સંપર્કોમાં પ્રવેશની મંજૂરી કેવી રીતે આપવી

જો તમે શરૂઆતમાં WhatsAppને તમારા ફોનના સંપર્કોમાં પ્રવેશની મંજૂરી આપી ન હતી, તો તમે તમારા ફોનનાં સેટિંગમાં જઈને પ્રવેશની મંજૂરી આપી શકો છો:

1. iPhone સેટિંગ > પ્રાઇવસીમાં જાઓ.
2. સંપર્કો પર દબાવો.
3. ખાતરી કરો કે WhatsApp ચાલુ કરેલું હોય.

જો WhatsApp રાખોડી રંગનું દેખાય કે પ્રાઇવસી સેટિંગમાં ન દેખાતું હોય

આ સમસ્યા ભાગ્યે જ ઊભી થાય છે, પણ તે થોડા પ્રમાણમાં વપરાશકર્તાઓને નડે છે ખરી. ખાતરી કરો કે તમે iPhone સેટિંગ > સામાન્ય > મર્યાદાઓમાં કોઈ મર્યાદા સેટ કરી નથી. નહિતર, મોટે ભાગે એવું બની શકે કે તમારે તમારા ફોનને રિસ્ટોર કરવો પડે. કેવી રીતે બેકઅપ લેવો અને માહિતી ફરી પાછી મેળવવી તેના વિશે વધુ જાણકારી મેળવવા માટે કૃપા કરીને Appleની સપોર્ટ વેબસાઇટ પર જાઓ.

જો તમે WhatsAppને તમારા સંપર્કોમાં પ્રવેશની મંજૂરી ન આપો

અમે WhatsAppને તમારા ફોનના સંપર્કોમાં પ્રવેશની મંજૂરી આપવાની ભારપૂર્વક ભલામણ કરીએ છીએ. તેમ છતાં, તમે મંજૂરી આપ્યા વગર માર્યાદિત રીતે WhatsApp વાપરી શકો છો.

જો તમે WhatsAppને તમારા સંપર્કોમાં પ્રવેશની મંજૂરી ન આપો, તો પણ તમને આ સુવિધાઓ મળશે:

• બીજા WhatsApp વપરાશકર્તાઓ અને ગ્રૂપના મેસેજ મેળવી શકશો
• WhatsAppનાં સેટિંગ બદલી શકશો

તમને આ સુવિધાઓ નહિ મળેે:

• કોઈ પણ સંપર્કના માત્ર ફોન નંબર જોઈ શકશો, નામ નહિ.
• નવાં ગ્રૂપ અથવા બ્રોડકાસ્ટ લિસ્ટ બનાવી નહિ શકો.

જો સંપર્કો ખૂટતા હોય

જો તમે WhatsApp પર તમારા કેટલાક સંપર્કો જોઈ શકતા ન હો, તો આ કરી જુઓ:

આંતરરાષ્ટ્રીય નંબરો માટે:

• ખાતરી કરો કે તમે પૂરાં આંતરરાષ્ટ્રીય ફોર્મેટમાં સાચો નંબર ઉમેર્યો હોય.

જો તમે iOSનું 11.3 કે તેની ઉપરનું વર્ઝન વાપરતા હો, અને ખૂટતા સંપર્કો કોઈ એક્સચેન્જ એકાઉન્ટમાં સચવાતા હોય, તો કદાચ તમારા એકાઉન્ટ એડમિનિસ્ટ્રેટર WhatsApp કે બીજી ઍપને તમારા સંપર્કોમાં પ્રવેશની મંજૂરી આપતા ન હોય. તમે આનો ઉકેલ આ મુજબ મેળવી શકો છો:

• તમારા એક્સચેન્જ સંપર્કોની નકલ તમારા ફોનની એડ્રેસ બુકમાં કે iCloudમાં કરીને.
• તમારા આઇટી એડમિનિસ્ટ્રેટરને તમારા iPhoneમાં WhatsAppને એક સંચાલિત ઍપ બનાવવાનું કહીને.

નોંધ:

• એક્સચેન્જ એકાઉન્ટ એ વર્ક એકાઉન્ટ હોય તેવું સંભવ છે.
• જો આ સમસ્યા હજી પણ નડે અથવા તમને iOSનું વર્ઝન શોધવામાં કે તમારા સંપર્કો iCloudમાં આયાત કરવામાં તકલીફ પડે, તો કૃપા કરીને મદદ માટે Apple સપોર્ટનો સંપર્ક કરો.