تمام WhatsApp اکاؤنٹس موبائل فون نمبرز سے منسلک ہیں۔ چونکہ موبائل فراہم کنندگان کی جانب سے فون نمبرز کا دوبارہ استعمال کیا جانا عام بات ہے لہذا ممکن ہے کہ آپ کے موجودہ فون نمبر کے گزشتہ مالک نے WhatsApp استعمال کیا ہو۔

اگر آپ کے فون نمبر کے گزشتہ مالک نے اپنا WhatsApp اکاؤنٹ حذف نہیں کیا ہوا تو آپ اور آپ کے روابط کو نئے اکاؤنٹ پر WhatsApp فعال کرنے سے پہلے آپ کا نیا فون نمبر دکھائی دے گا۔ ممکن ہے کہ آپ کو اپنے فون نمبر سے کسی اور کی پروفائل کی تصویر اور بمتعلق بھی منسلک دکھائی دے۔

فکر کی کوئی بات نہیں ہے۔ اس کا مطلب صرف یہ ہے کہ سابقہ اکاؤنٹ حذف نہیں ہوا تھا لہذا پرانی معلومات بدستور سسٹم میں موجود ہے۔ اس کا یہ مطلب نہیں ہے کہ اس فون نمبر کے سابقہ مالک کو اس WhatsApp اکاؤنٹ تک کسی بھی قسم کی رسائی ہے جسے آپ اپنے نئے فون نمبر کے ساتھ فعال کر رہے ہیں۔ آپ کی گفتگوئیں اور دیگر WhatsApp ڈیٹا محفوظ ہے۔

دوبارہ استعمال ہونے والے فون نمبرز سے وابستہ الجھنوں کو ختم کرنے میں مدد کیلئے، ہم اکاؤنٹ کی غیر فعالیت کو مانیٹر کرتے ہیں۔ اگر کوئی اکاؤنٹ 45 دن استعمال نہ کیا گیا ہو اور پھر کسی مختلف موبائل آلے پر نئے طور پر فعال ہو جائے تو ہم اس اسے نمبر کے دوبارہ استعمال ہونے کی علامت تصور کرتے ہیں۔ اس وقت، ہم فون نمبر سے منسلک پرانا اکاؤنٹ ڈیٹا حذف کر دیں گے جیسے کہ پروفائل کی تصویر اور بمتعلق۔