فوری جوابات کے ساتھ، آپ اپنے اکثر بھیجے جانے والے پیغامات کے لیے کی بورڈ شارٹ کٹس بنا سکتے ہیں۔ آپ اپنے فوری جوابات میں ٹیکسٹ یا ایموجیز استعمال کر سکتے ہیں۔

فوری جوابات سیٹ کرنے کے لیے:

1. سیٹنگز > کاروباری ٹولز> فوری جوابات پر جائيں۔
2. نیا فوری جواب بنانے کے لیے اوپر بائيں کونے میں موجود پلس (+) آئیکن پر ٹیپ کریں۔
3. پیغام کے نیچے، اپنے فوری جواب کا پیغام لکھنے کے لیے ٹیپ کریں۔
4. فوری جواب کے لیے کی بورڈ شارٹ کٹ تیار کرنے کے لیے /شارٹ کٹ پر ٹیپ کریں۔

5. فوری جواب تیزی سے تلاش کرنے کیلئے کلیدی لفظ سیٹ کریں۔

   نوٹ: اگر آپ کے پاس فہرست میں متعدد فوری جوابات محفوظ ہوں تو ان کی زمرہ بندی کرنے کیلئے کلیدی الفاظ کافی کارآمد ثابت ہوتے ہیں۔ آپ ہر فوری جواب کے لیے تین تک کلیدی الفاظ شامل کر سکتے ہیں۔

6. محفوظ کریں پر ٹیپ کریں۔

فوری جوابات کا استعمال کرنے کے لیے:

1. چیٹ کھولیں۔
2. متن درج کرنے کی فیلڈ میں، ""/"" کے بعد پہلے سے سیٹ شدہ فوری جواب ٹائپ کریں۔
3. فوری جواب منتخب کریں۔ پیغام کا ٹمپلیٹ خود بخود ٹیکسٹ درج کرنے کی فیلڈ میں نمودار ہو جائے گا۔
4. آپ پیغام میں ترمیم کر سکتے ہیں یا بس بھیجیں پر ٹیپ کریں۔

فوری جوابات کی زمرہ بندی کرنا

اگر آپ کے پاس متعدد پہلے سے سیٹ شدہ جوابات ہوں تو آپ کلیدی الفاظ اور استعمال کے لحاظ سے ان کی زمرہ بندی کر سکتے ہیں۔ موجودہ گفتگو میں ظاہر ہونے والے فوری جوابات کیلئے کلیدی الفاظ پہلے دکھائی دیتے ہیں، اس کے بعد وہ فوری جوابات آتے ہیں جنہیں بالکل حال ہی میں استعمال کیا گیا ہو۔ مثال کے طور پر: اگر آپ کے پاس ماہانہ اسپیشلز کیلئے کوئی فوری جواب محفوظ ہے تو آپ اس میں ‘اسپیشلز’ اور ‘ماہانہ’ جیسے کلیدی الفاظ شامل کر سکتے ہیں۔ اب، جب آپ کے کسٹمر کے کسی پیغام میں ان دونوں میں سے کوئی بھی لفظ موجود ہوگا تو یہ فوری جواب سرفہرست آ جائے گا۔ اگر کلیدی الفاظ کے لحاظ سے متعدد فوری جواب میچ ہوئے تو حروف کی ترتیب کے لحاظ سے ان کی زمرہ بندی ہو گی۔

میں اپنا فوری جواب محفوظ کرنے سے کیوں قاصر ہوں؟

اپنے فوری جوابات محفوظ کرتے ہوئے آپ کو کچھ مخصوص پابندیاں ذہن نشین رکھنی چاہئیں۔ ان میں یہ شامل ہیں:

• زیادہ سے زیادہ 50 فوری جوابات محفوظ کرنے کی اجازت ہے۔
• فوری جواب کے شارٹ کٹ کی لمبائی زیادہ سے زیادہ 25 کریکٹرز ہو سکتی ہے۔
• شارٹ کٹ میں سے ابتدائی یا اختتامی خالی جگہیں ہٹا دی جاتی ہیں۔
• تمام شارٹ کٹس کی ابتدا فارورڈ سلیش '/' سے ہونی ضروری ہے۔
• ہر فوری جواب کے لیے زیادہ سے زیادہ 3 کلیدی الفاظ کی اجازت ہے۔
• کلیدی الفاظ میں خالی جگہیں یا مندرجہ ذیل کوئی بھی کریکٹر استعمال نہیں کیا جا سکتا: '!', '#', '$', '%', '&', '(', ')', '*', '+', '-', '.', '/', '\', ':', ';', '<', '=', '>', '?', '@', '[', ']', '^', '_', '`', '{', '|', '}', '~', '×', '÷', '""'.
  • ایک کلیدی لفظ کی زیادہ سے زیادہ لمبائی 15 کریکٹرز ہے۔

نوٹ: شارٹ کٹ اور فوری جوابات دونوں میں ایموجیز استعمال کی جا سکتی ہیں۔