તમે લેબલ વાપરીને તમારી ચેટ અને મેસેજને ગોઠવી અને સરળતાથી શોધી શકો છો. તમે જુદા જુદા રંગોવાળા લેબલ બનાવી શકો છો અને આખી ચેટ અથવા કોઈ ચેટની અંદરના ખાસ મેસેજ પર લેબલ લગાવી શકો છો.

લેબલ લગાડવા માટે

કોઈ ચેટ કે મેસેજ પર દબાવી રાખો > લેબલ પર દબાવો > તમે કોઈ નવું કે પહેલાંથી હોય એવું લેબલ ઉમેરી શકો છો.

નોંધ: તમે વધુમાં વધુ 20 લેબલ બનાવી શકો છો.

લેબલ કરેલું કન્ટેન્ટ શોધવા માટે

કોઈ લેબલ સાથે સંકળાયેલું બધું કન્ટેન્ટ શોધવા માટે:

• તમારી ચેટ સ્ક્રીન > વધુ વિકલ્પો > લેબલ પર જઈને > લેબલ પર દબાવો.

તમારી ચેટ સ્ક્રીન પરથી, તમે કોઈ સંપર્કના પ્રોફાઇલ ફોટા કે ગ્રૂપના ફોટા પર દબાવીને પણ ચેટ સાથે સંકળાયેલા બધાં લેબલ જોઈ શકો છો.

લેબલનું સંચાલન કરવા માટે

તમારા લેબલનું સંચાલન કરવા માટે, તમારી ચેટ સ્ક્રીન > વધુ વિકલ્પો > લેબલ પર જાઓ.

અહીં તમે:

• લેબલ કરેલી વસ્તુઓ પર એક્શન લઈ શકો છો. કોઈ લેબલ પર દબાવો > કોઈ વસ્તુ પર દબાવી રાખો > ઉપરની પટ્ટી પર કોઈ એક્શન પસંદ કરો (દા.ત., લેબલમાં ફેરફાર કરો અથવા ડિલીટ કરો).
• લેબલમાં ફેરફાર કરી શકો છો. લેબલ > વધુ વિકલ્પો > લેબલમાં ફેરફાર કરો પર દબાવો.
• કોઈ રંગ ઉમેરી શકો છો. લેબલ > વધુ વિકલ્પો > રંગ પસંદ કરો પર દબાવો. જો કોઈ ચેટ પર બે કે તેથી વધારે રંગીન લેબલ લગાડેલાં હશે, તો તેમને એકની ઉપર એક ભેગાં કરવામાં આવશે. આમ ભેગાં કર્યાં હોય, ત્યારે સૌથી છેલ્લે ઉમેરાયેલા લેબલનો રંગ બતાવવામાં આવશે.
• લેબલને ડિલીટ કરી શકો છો. લેબલ > વધુ વિકલ્પો > લેબલ ડિલીટ કરો પર દબાવો.
• નવું બ્રોડકાસ્ટ બનાવી શકો છો. લેબલ > વધુ વિકલ્પો > ગ્રાહકોને મેસેજ મોકલો પર દબાવો.

લેબલમાંથી નવું બ્રોડકાસ્ટ લિસ્ટ બનાવવા માટે

તમારા લેબલમાંથી તમે પસંદ કરેલા વાચકો માટે બ્રોડકાસ્ટ લિસ્ટ બનાવી શકો છો. લેબલ પરથી કોઈ બ્રોડકાસ્ટ લિસ્ટ બનાવવા માટે:

1. WhatsApp Business ઍપ ખોલો.
2. વધુ વિકલ્પો > લેબલ પર જાઓ.
3. જે લેબલ માટે બ્રોડકાસ્ટ બનાવવું હોય તેને પસંદ કરો.
4. વધુ વિકલ્પો > ગ્રાહકોને મેસેજ મોકલો પર જાઓ.
5. તમારા મેસેજને ડ્રાફ્ટ કરવા માટે સ્ક્રીનની નીચે જમણી બાજુ પર રહેલી લીલા રંગની ખરાની નિશાની પર દબાવો.

એ લેબલ લગાડેલી બધી ચેટમાં વ્યક્તિગત રીતે બ્રોડકાસ્ટ મેસેજ મોકલવામાં આવશે. બ્રોડકાસ્ટ લિસ્ટ વિશે વધુ જાણવા માટે, આ લેખ વાંચો.