જ્યારે તમે વ્યસ્ત કે ઓફિસની બહાર હો, ત્યારે તમે તમારા બધા કે અમુક સંપર્કોને આપમેળે ગેરહાજરીનો મેસેજ જાય તેવું સેટ કરી શકો છો. તમે કોઈ ચોક્કસ સમય માટે પણ ગેરહાજરીનો મેસેજ ચાલુ કરીને તેને આપમેળે મોકલવા માટે ગોઠવી શકો છો, દાખલા તરીકે, તમારો બિઝનેસ બંધ હોય તે કલાકો દરમિયાન.

ગેરહાજરીનો મેસેજ સેટ કરવા:

1. વધુ વિકલ્પો > બિઝનેસ ટૂલ > ગેરહાજરીનો મેસેજ પર દબાવો.
2. ગેરહાજરીનો મેસેજ મોકલો ચાલુ કરો.
3. મેસેજમાં ફેરફાર કરવા માટે તેના પર દબાવો > ઓકે પર દબાવો.
4. સમયમાં જઈને નીચેનામાંથી પસંદ કરો:
   • કાયમ મોકલો પસંદ કરો જો તમે દર વખતે આપમેળે મેસેજ મોકલવા માગતા હો.
   • મરજી મુજબનો સમય પસંદ કરો જો તમે કોઈ ખાસ સમય માટે આપમેળે મેસેજ મોકલવા માગતા હો.
   • કામકાજના કલાકો સિવાય પસંદ કરો જો તમે માત્ર કામકાજના કલાકો સિવાય આપમેળે મેસેજ મોકલવા માગતા હો. આ વિકલ્પ જ્યારે તમે તમારી બિઝનેસ પ્રોફાઇલમાં કામકાજના કલાકો સેટ કર્યા હોય ત્યારે જ ઉપલબ્ધ હોય છે. આ બધું કેવી રીતે કરવું તેના વિશે આ લેખમાં શીખો.
5. મેળવનારાઓની નીચે આમાંથી કોઈ એક પસંદ કરો:
   • બધા પસંદ કરો જો તમે ઇચ્છતા હો કે કામકાજના સમય પછી તમને મેસેજ મોકલનારને આપમેળે મેસેજ મોકલવામાં આવે.
   • એડ્રેસ બુક સિવાયના બધા પસંદ કરો જો તમે ઇચ્છતા હો કે તમારી એડ્રેસ બુક સિવાયના નંબરોને આપમેળે મેસેજ મોકલવામાં આવે.
   • આમના સિવાય બધા... પસંદ કરો જો તમે ઇચ્છતા હો કે પસંદ કરેલા અમુક સિવાય બધાને આપમેળે મેસેજ મોકલવામાં આવે.
   • માત્ર આમને જ મોકલો... પસંદ કરો જો તમે ઇચ્છતા હો કે પસંદ કરેલા સંપર્કોને આપમેળે મેસેજ મોકલવામાં આવે.
6. સેવ કરો પર દબાવો.

નોંધ: તમારા ફોનમાં એક્ટિવ ઇન્ટરનેટ કનેક્શન હોય, ફક્ત ત્યારે જ ગેરહાજરીના મેસેજ મોકલવામાં આવે છે.