WhatsApp चा गप्पा इतिहास आमच्या सर्व्हर वर साठविला जात नाही. कोणतेही डिलीट केलेले संदेश आम्ही पुनर्संचयित करू शकत नाही. तुम्ही आमचे iCloud बॅकअप फिचर वापरून तुमच्या गप्पा इतिहासाचा बॅकअप घेऊ शकता आणि तो पुनर्संचयित करू शकता. iCloud वर साठविलेले संदेश आणि मीडिया हे WhatsApp च्या एन्ड टू एन्ड एन्क्रिप्शनने सुरक्षित केलेले नसतात.

• iCloud बॅकअप
• iCloud समस्या निवारण
• iPhone बॅकअप
• गप्पा एक्स्पोर्ट अर्थात निर्यात करणे

iCloud बॅकअप

तुमच्या गप्पांचा स्वतः बॅकअप घेण्यासाठी WhatsApp > सेटिंग्ज > गप्पा > गप्पा बॅकअप येथे जाऊन आत्ता बॅकअप करा वर टॅप करा. तुम्ही ऑटो बॅकअप निवडून स्वयंचलित पद्धतीने ठराविक कालांतराने बॅकअप घेऊ शकता तसेच तुम्ही बॅकअप किती काळाने घेतला जावा ते देखील निवडू शकता. यामुळे तुमच्या गप्पा आणि मीडिया तुमच्या iCloud खात्यावर बॅकअप केल्या जातील. तुम्हाला बॅकअप मध्ये व्हिडिओ समाविष्ट करायचे आहेत की नाहीत ते तुम्ही निवडू शकता. तुमचे इंटरनेट कनेक्शन आणि बॅकअप साईझ यावर iCloud बॅकअप प्रक्रिया पूर्ण होण्याचा अवधी अवलंबून आहे.

आवश्यक पूर्तता

• तुमचे iCloud वापरण्यासाठी तुम्ही Apple ID वापरून लॉग इन करणे गरजेचे आहे.
• तुमच्याकडे iOS 7 किंवा त्या नंतरची आवृत्ती असणे गरजेचे आहे.
  • iOS 8 आणि पुढील आवृत्तींसाठी *: *iCloud Drive हे चालू वर सेट करणे आवश्यक आहे.
  • iOS 7 साठी: Documents & Data हे ON वर सेट असणे गरजेचे आहे.
• तुमच्या iCloud आणि iPhone मध्ये पुरेशी जागा असणे गरजेचे आहे.
  • तुमच्या बॅकअप साठी लागणाऱ्या जागेपेक्षा तुमच्या फोन मध्ये आणि तुमच्या iCloud खात्यामध्ये २.०५ पट अधिक जागा असणे आवश्यक आहे.

सेल्युलर डेटा वर iCloud वापरणे

तुम्ही जर तुमच्या सेल्युलर डेटा बाबत साशंक असाल, तर आम्ही अशी शिफारस करतो की तुम्ही तुमचा iCloud बॅकअप वाय-फाय पुरताच मर्यादित ठेवावा.

iCloud मधून गप्पा इतिहास पुनर्संचयित करणे

1. गप्पा इतिहासामधून iCloud बॅकअप पुनर्संचयित करण्यासाठी प्रथम WhatsApp > सेटिंग्ज > गप्पा > गप्पा बॅकअप येथे जाऊन iCloud बॅकअप अस्तित्वात आहे का याची खात्री करून घ्या.
2. अखेरचा बॅकअप कधी घेतला होता हे जर तुम्हाला दिसत असेल तर ॲप डिलीट करून App Store मधून परत WhatsApp इंस्टॉल करा.
3. फोन नंबर पडताळून झाला की, तुमचा गप्पा इतिहास पुनर्संचयित करण्यासाठी स्क्रीनवरील सूचनांचा अवलंब करा.

टीप :

• iCloud चा बॅकअप करण्यासाठी ज्या काही किमान पूर्तता असतात त्या सर्व iCloud पुनर्संचयनासाठी देखील असतात.
• जो फोन नंबर बॅकअपसाठी वापरण्यात आला होता तोच फोन नंबर पुनर्संचयनासाठी वापरणे गरजेचे आहे. तुम्ही दुसऱ्या WhatsApp खात्यावरून गप्पा इतिहास पुनर्संचयित करू शकत नाही.
  • iCloud खाते आणि WhatsApp वर एकच नंबर वापरल्याने जर तुम्ही iCloud खाते परिवारासोबत शेअर केले, तरी स्वतंत्र फोन नंबरमुळे तुम्ही तुमचे WhatsApp बॅकअप स्वतंत्र ठेऊ शकता.

iCloud समस्या निवारण

जर तुम्हाला iCloud वर बॅकअप घेणे किंवा पुनर्संचयन करणे यामध्ये काही अडचणी येत असतील तर हे शक्यतो iCloud खात्यामधील काही समस्यांमुळे होण्याची शक्यता असते, WhatsApp मुळे नाही. जर तुम्हाला iCloud बद्दल समस्या असतील तर कृपया Apple सपोर्ट शी संपर्क साधा.

जर तुम्ही बॅकअप तयार करू शकत नसाल तर कृपया खालील उपाय करून बघा :

• खात्री करून घ्या की जो Apple ID हा iCloud खाते बॅकअपसाठी वापरण्यात आला होता तोच वापरून तुम्ही साइन इन करत आहात.
• खात्री करून घ्या की iCloud Drive चालू वर सेट केले आहे.
• जर तुम्ही iOS 7 असलेल्या iPhone वर बॅकअप घेत असाल तर खात्री करून घ्या की तोच Apple ID वापरून इतर कोणत्याही डिव्हाइस वर तुम्ही iCloud Drive चालू वर सेट केलेले नाही.
  • जर तुम्ही Apple ID वापरून iCloud Drive चालू वर सेट ठेवले तर तुम्ही iOS 7 वर डेटा अपलोड करू शकत नाही. तुम्ही जरी पूर्वी iCloud Drive चालू ठेवले होते व नंतर ते बंद केले तरी iOS 7 डिव्हाइस वर तुम्ही बॅकअप घेऊ शकत नाही. बॅकअप करण्यासाठी तुम्ही iOS 8 किंवा त्याहून नवीन आवृत्तीमध्ये अपडेट होणे आवश्यक आहे.
  • तुम्ही खात्री करून घ्या की iCloud खात्यामध्ये बॅकअप साठी पुरेशी जागा उपलब्ध आहे.
• जर तुम्ही सेल्युलर डेटा नेटवर्क वापरून बॅकअप घेत असाल तर खात्री करून घ्या की तुम्ही iCloud साठी सेल्युलर डेटा वापर सक्षम केला आहे.
• WhatsApp > सेटिंग्ज > गप्पा > गप्पा बॅकअप > आत्ता बॅकअप घ्या येथे जाऊन स्वतः बॅकअप घ्या.
• स्वतः बॅकअप घेत असताना दुसरे नेटवर्क वापरा - शक्यतो ज्या नेटवर्कला तुम्ही जास्त कनेक्टेड असता त्याला प्राधान्य द्या.

जर तुम्ही बॅकअप पुनर्संचयित करू शकत नसाल, तर कृपया खालील उपाय करून बघा :

• खात्री करून घ्या की जो फोन नंबर आणि iCloud खाते बॅकअपसाठी वापरण्यात आले होते तोच फोन नंबर आणि खाते पुनर्संचयनासाठी वापरत आहात.
• तुमच्या iPhone वर पुनर्संचयनासाठी पुरेशी रिक्त जागा आहे ना याची खात्री करून घ्या.
• जर iCloud Drive वापरून बॅकअप घेतला असेल तर, ज्या iPhone वर iOS 8 किंवा त्या अगोदरच्या आवृत्ती आहेत त्यावर तुम्ही बॅकअप पुनर्संचयित करू शकणार नाही .
• जर तुम्ही Apple ID वापरून iCloud Drive इतर कोणत्याही डिव्हाइससाठी चालू केले असेल, आणि तुमच्या iPhone वर iOS 8 किंवा त्या पुढील आवृत्ती नसेल तर तुम्ही बॅकअप पुनर्संचयित करू शकणार नाही.
• दुसऱ्या नेटवर्कचा वापर करून पुनर्संचयन करून बघा - शक्यतो ज्या नेटवर्कला तुम्ही जास्त कनेक्टेड असता त्याला प्राधान्य द्या.

iPhone बॅकअप

तुम्ही iTunes किंवा iCloud वापरून जर पूर्वी बॅकअप केला असेल, तर तुम्ही तुमच्या जुन्या iPhone बॅकअप वरून तुमच्या WhatsApp गप्पा पुनर्संचयित करू शकता. तुमचा iPhone बॅकअप आणि पुनर्संचयित कसा कराल याविषयी माहिती हवी असल्यास Apple च्या सपोर्ट वेबसाईटवर जा.

गप्पा एक्स्पोर्ट अर्थात निर्यात करणे

तुम्हाला जर एखादे संभाषण जतन करून ठेवायचे आले तर ते तुम्ही स्वतःला ई-मेल देखील करू शकता :

1. तुम्हाला ज्या WhatsApp गप्पा जतन करायच्या आहेत त्या उघडा.
2. संपर्काच्या नावावर किंवा गट विषयावर टॅप करा.
3. तळापर्यंत स्क्रोल करून गप्पा निर्यात करा वर टॅप करा.
4. तुम्हाला ई-मेल मध्ये मीडिया संलग्न करा किंवा मीडिया नसलेली ई-मेल करा ते निवडा.
5. Mail ॲप निवडा. किंवा अधिक पर्यायांसाठी अधिक वर टॅप करा.
6. तुमचा ई-मेल ॲड्रेस प्रविष्ट करा आणि पाठवा वर टॅप करा.

यांवर संदेश पुनर्संचयित कसे करायचे ते पहा येथे: Android | Windows Phone