ગ્રૂપમાંથી કેવી રીતે બહાર નીકળવું

જો તમે કોઈ ગ્રૂપમાંથી બહાર નીકળો છો, તો તમને તે ગ્રૂપમાંથી દૂર કરવામાં આવશે. જોકે તમને એ ગ્રૂપ તમારી ચેટ ટેબમાં દેખાતું રહેશે અને તમે એની ચેટ હિસ્ટરી જોઈ શકશો. જો તમે જ એકલા ગ્રૂપ એડમિન હો અને તમે ગ્રૂપમાંથી બહાર નીકળી જાઓ, તો બાકીના સભ્યોમાંથી કોઈની પણ એડમિન તરીકે પસંદગી કરવામાં આવે છે.

કોઈ ગ્રૂપમાંથી બહાર નીકળવા માટે:

1. જેમાંથી બહાર નીકળવું હોય તે WhatsApp ગ્રૂપ ચેટ ખોલીને ગ્રૂપના વિષય પર દબાવો.
   • વૈકલ્પિક રીતે, ચેટ ટેબમાં જે ગ્રૂપમાંથી બહાર નીકળવું હોય તે ગ્રૂપ પર દબાવી રાખો. વધુ વિકલ્પો પર દબાવો.
2. ગ્રૂપમાંથી બહાર નીકળો > બહાર નીકળો પર દબાવો.

ગ્રૂપને ડિલીટ કેવી રીતે કરવું

તમે કોઈ ગ્રૂપમાંથી બહાર નીકળો પછી, તમારી પાસે એ ગ્રૂપને ડિલીટ કરવાનો વિકલ્પ છે. તમે ગ્રૂપને ડિલીટ કરો પછી તમે તમારી ચેટ ટેબમાં એ ગ્રૂપને હવે જોઈ શકશો નહિ અને એ ગ્રૂપની ચેટ હિસ્ટરી ભૂંસાઈ જશે. ગ્રૂપમાંથી બહાર નીકળ્યા પછી ગ્રૂપને ડિલીટ કરવા માટે:

1. જેને ડિલીટ કરવું હોય તે WhatsApp ગ્રૂપ ચેટ ખોલીને ગ્રૂપના વિષય પર દબાવો.
   • વૈકલ્પિક રીતે, ચેટ ટેબમાં જે ગ્રૂપને ડિલીટ કરવું હોય તે ગ્રૂપ પર દબાવી રાખો.
2. ગ્રૂપ ડિલીટ કરો > ડિલીટ કરો પર દબાવો.
   • જો તમે તમારા ફોનમાંથી ગ્રૂપના મીડિયાને ડિલીટ કરવા માગતા ન હો, તો ખાતરી કરો કે મારા ફોનમાંથી મીડિયા ડિલીટ કરો પર ખરાની નિશાની ન હોય.