જો તમે કોઈ સંપર્ક પાસેથી WhatsApp મેસેજ અને કૉલ મેળવવા માગતા ન હો, તો તમે તેમની સાથે સંપર્ક તોડી શકો છો. જો તમને લાગે કે તેઓ આપત્તિજનક કન્ટેન્ટ કે સ્પામ મોકલી રહ્યા છે તો પણ તમે તેમની જાણ કરી શકો છો.

કોઈની સાથે સંપર્ક તોડવા માટે

1. વિકલ્પો > સેટિંગ > એકાઉન્ટ > પ્રાઇવસી > સંપર્ક તોડેલા નંબર > નવો ઉમેરો... પર દબાવો
2. તમારે જેમની સાથે સંપર્ક તોડવો છે તેને શોધો અથવા પસંદ કરો.
3. સંપર્ક તોડો પર દબાવો.

કોઈની સાથે સંપર્ક તોડવા માટે કેટલીક બીજી વૈકલ્પિક રીતો આ છે:

• તમારા ચેટ લિસ્ટમાંથી જેની સાથે સંપર્ક તોડવો છે તેની ચેટ પસંદ કરીને, પછી વિકલ્પો > સંપર્ક જુઓ > સંપર્ક તોડો > સંપર્ક તોડો પર દબાવો.
• જેની સાથે સંપર્ક તોડવો તે સંપર્ક સાથેની ચેટ ખોલો, પછી વિકલ્પો > સંપર્ક જુઓ > સંપર્ક તોડો > સંપર્ક તોડો પર દબાવો.

અજાણ્યા ફોન નંબર સાથેનો સંપર્ક તોડવા માટે

કોઈ અજાણ્યા ફોન નંબર સાથે સંપર્ક તોડવા માટે તમારી પાસે બે વિકલ્પો છે:

• તમારા ચેટ લિસ્ટમાંથી અજાણ્યા ફોન નંબર સાથેની ચેટ પસંદ કરો, પછી વિકલ્પો > સંપર્ક જુઓ > સંપર્ક તોડો > સંપર્ક તોડો પર દબાવો.
• અજાણ્યા ફોન નંબર સાથેની ચેટ ખોલો, પછી વિકલ્પો > સંપર્ક જુઓ > સંપર્ક તોડો > સંપર્ક તોડો પર દબાવો.

નોંધ:

• જેમની સાથે સંપર્ક તોડ્યો છે એવી વ્યક્તિઓ તમને હવે કૉલ કે મેસેજ કરી શકશે નહિ.
• તમે ક્યારે છેલ્લે જોયું, ઓનલાઇન છો કે નહિ અને તમારા પ્રોફાઇલ ફોટોમાં કરેલો કોઈ પણ ફેરફાર, તમે જે વ્યક્તિ કે નંબર સાથે સંપર્ક તોડ્યો છે એ હવે જોઈ શકશે નહિ.
• કોઈ પણ વ્યક્તિ કે નંબર સાથે સંપર્ક તોડવાથી એ તમારા સંપર્ક લિસ્ટમાંથી દૂર નહિ થાય, અને તમે પણ તેમના સંપર્ક લિસ્ટમાંથી દૂર નહિ થાઓ. કોઈ સંપર્કને ડિલીટ કરવા માટે, તમારે તે સંપર્કને તમારા ફોનની એડ્રેસ બુકમાંથી ડિલીટ કરવો જરૂરી છે.
• જો તમને ચિંતા હોય કે તમે જેની સાથે સંપર્ક તોડી રહ્યા છો એ વ્યક્તિને એની જાણ થશે કે નહિ, તો કૃપા કરીને આ લેખ વાંચો.

કોઈની સાથે સંપર્ક જોડવા માટે

1. વિકલ્પો > સેટિંગ > એકાઉન્ટ > પ્રાઇવસી > સંપર્ક તોડેલા નંબર પર દબાવો.
2. તમારે જેની સાથે સંપર્ક જોડવો હોય તે સંપર્કને પસંદ કરો.
3. સંપર્ક જોડો પર દબાવો.

કોઈની સાથે સંપર્ક જોડવા માટેની બે વૈકલ્પિક રીતો આ છે:

• તમારા ચેટ લિસ્ટમાંથી જેની સાથે સંપર્ક જોડવો છે તેની ચેટ પસંદ કરો, પછી વિકલ્પો > સંપર્ક જુઓ > સંપર્ક જોડો પર દબાવો.
• જેની સાથે સંપર્ક જોડવો છે તે સંપર્ક સાથેની ચેટ ખોલો, પછી વિકલ્પો > સંપર્ક જુઓ > સંપર્ક જોડો પર દબાવો.

નોંધ:

• જો તમે કોઈ સંપર્ક સાથે સંપર્ક જોડો છો, તો તમે તેમની સાથે સંપર્ક તોડ્યો હતો એ સમય દરમિયાનના કોઈ પણ મેસેજ કે કૉલ મેળવી શકશો નહિ.
• તમારા ફોનની એડ્રેસ બુકમાં પહેલાં સેવ ન હતા તેવા કોઈ સંપર્ક કે ફોન નંબર સાથે જો તમે સંપર્ક જોડો છો, તો તમારા ડિવાઇસમાં આવા સંપર્ક કે ફોન નંબરને પાછો મેળવી શકાશે નહિ.

સંપર્કની જાણ કરવા માટે

1. તમે જે વપરાશકર્તા સાથે સંપર્ક તોડવા માગતા હો તેની સાથેની ચેટ ખોલો
2. વિકલ્પો પર દબાવો અને સંપર્ક જુઓ પસંદ કરો
3. વપરાશકર્તા વિશે જાણ કરો પર દબાવો.

નોંધ: એક વાર જાણ થઈ જાય એટલે તમે જેના વિરુદ્ધ જાણ કરી છે તે વપરાશકર્તા કે ગ્રૂપ તરફથી તાજેતરમાં તમને મોકલેલા મેસેજની સાથેસાથે તમારી તાજેતરની વાતચીતની માહિતી WhatsAppને મળે છે.

એક વાર જોઈ શકાય એવા ફોટો કે વીડિયોની જાણ કરવા માટે

1. એક વાર જોઈ શકાય એવો ફોટો કે વીડિયો ખોલો.
2. નીચેના ખૂણે વિકલ્પો પર દબાવો.
3. જાણ કરો પર દબાવો.

એક વાર જોઈ શકાય એવા મેસેજ વિશે વધુ જાણવા માટે, આ લેખ વાંચો.