Simu ya sauti inakuruhusu kupigia waasiliani wako simu bure kwa kutumia WhatsApp, hata kama upo kwenye nchi nyingine. Kupiga simu ya sauti kunatumia muunganisho wa intaneti wa simu yako badala ya dakika za mpango wako wa simu ya mkononi. Gharama za data zinaweza kutumika.

Kupiga simu ya sauti

1. Fungua soga ya kibinafsi na mwasiliani unayetaka kumpigia simu.
2. Gusa Simu ya sauti.

Mbadala, fungua WhatsApp, kisha gusa kichupo cha Simu gusa > Simu Mpya. Tafuta mwasiliani unayetaka kumpigia simu, kisha gusa Simu ya Sauti.

Kupokea simu ya sauti

Kama simu yako imefungwa, utaona kwenye skrini ya Sauti ya WhatsApp... inaingia wakati mtu anakupigia simu, ambapo unaweza:

• Kutelezesha kulia sogeza kujibu ili kujibu simu.
• Kugusa Nikumbushe, kisha chagua kama unataka kukumbushwa Ninapoondoka au Kwa muda wa saa 1.
• Kukataa simu kwa kubonyeza mara mbili kitufe cha kuwasha iliyopo pembeni mwa iPhone.

Kama simu yako haijafungwa, utaona skrini inayoingia ya Sauti ya WhatsApp... wakati mtu fulani anakupigia simu, ambapo unaweza:

• Kugusa Kubali.
• Kugusa Kataa.
• Kugusa Nikumbushe, kisha chagua kama unataka kukumbushwa Ninapoondoka au Kwa muda wa saa 1.
• Kugusa Ujumbe kukataa simu kwa ujumbe wa haraka.

Kubadilisha kati ya simu za sauti na simu za video

Kubadilisha kutoka kwa simu ya sauti kuenda kwa simu ya video

1. Ukiwa kwenye simu ya sauti, gusa simu ya video > Badilisha.
2. Mwasiliani unayempigia ataona ombi la kubadilisha kuenda kwenye simu ya video na anaweza kukubali au kukataa ubadilisho huo.

Kubadilisha kutoka kwa simu ya video kwenda kwa simu ya sauti

1. Unapokuwa kwenye simu ya video, gusa Zima Video, ambayo itamjulisha mwasiliani unayejaribu kuwasilianaye kwa simu ya video.
2. Mara tu mwasiliani akizima video yake, simu itabadilishwa na kuwa simu ya sauti.

Kupigia simu ya sauti ya kikundi

Kupiga simu ya kikundi kunaruhusu hadi washiriki wanane kupigiana simu kwa kutumia WhatsApp.

Kupiga simu ya sauti ya kikundi kutoka kwenye soga ya kikundi

1. Fungua soga ya kikundi unachotaka kukipigia simu ya sauti.
• Kama soga yako ya kikundi ina washiriki watano au zaidi, gusa Simu ya kikundil.
2. Kama soga yako ya kikundi ina washiriki wanne au pungufu, gusa Simu ya Sauti. Kwa hali hii, simu itaanza maramoja.
3. Tafuta mwasiliani unayetaka kumuongeza kwenye simu, kisha gusa Simu ya Sauti.

Kupigia kikundi simu ya video kutoka kwenye kichupo cha Simu

1. Fungua WhatsApp, kisha gusa kichupo cha Simu.
2. Gusa Simu Mpya > Simu Mpya ya Kikundi.
3. Tafuta mwasiliani unayetaka kumuongeza kwenye simu, kisha gusa Simu ya Sauti.

Kupiga simu ya kikundi kutoka kwa soga ya kibinafsi

1. Fungua soga ya kibinafsi na moja wapo ya waasiliani unayetaka kuwapigia simu.
2. Gusa Simu ya sauti.
3. Mara mshiriki anapokubali simu, gusa Ongeza Mshiriki.
4. Tafuta mwasiliani mwingine unayetaka kumuongeza kwenye simu, kisha gusa Ongeza.
5. Gusa Ongeza Mshiriki kama unataka kuongeza waasiliani zaidi.

Dokezo:

• Hakikisha kwamba wewe na waasiliani wako muna muunganisho wa Intaneti imara wakati munapiga au kupokea simu za video za kikundi. Ubora wa simu utategemea mwasiliani aliye na muunganisho dhaifu.
• Ukipokea simu ya kikundi, skrini inayoingia ya Sauti ya WhatsApp... itaonyesha washiriki waliopo kwenye simu hiyo, na mwasiliani wa kwanza katika orodha atakuwa mwasiliani aliyekuongeza.
• Unapokuwa kwenye simu ya kikundi, hutaweza kubadilisha simu ili iwe simu ya video.
• Huwezi kuondoa mwasiliani wakati wa simu ya kikundi. Mwasiliani atahitaji kukata simu ili kujiondoa kutoka kwenye simu hiyo.
• Historia ya simu ya kikundi itaonekana kwenye kichupo cha Simu. Unaweza kugusa historia ya simu kuangalia waasiliani binafsi kwenye simu hiyo.
• Ingawaje kuna uwezekano wa kuwa kwenye simu ya video ya kikundi pamoja na mtu uliyemzuia, huwezi kuongeza mwasiliani ambaye umemzuia kwenye simu au mwasiliani aliyekuzuia.
• Upigaji wa simu unapatikana kwenye iPhone zinazotumia iOS 9 au mpya.
• Huwezi kufikia nambari za huduma za dharura kupitia WhatsApp kama vile 911 Marekani. Kupiga simu za dharura, lazima ufanye mipango mbadala ya mawasiliano.

Rasilimali zinazohusiana:

Jinsi ya kupiga simu ya sauti kwenye Android