Kupiga simu ya video kuna kuwezesha kupiga simu ya video kwa waasiliani wako kwa kutumia WhatsApp.

Piga simu ya video

1. Fungua soga ya kibinafsi ya mwasiliani unayetaka kumpigia simu kwa video.
2. Gusa Simu ya Video.

Mbadala, fungua WhatsApp, kisha gusa kichupo cha Simu > Simu Mpya. Tafuta mwasiliani unayetaka kumpigia simu, kisha gusa Simu ya video.

Pokea simu ya video

Kama simu yako imefungwa, utapokea arifa ya Simu ya video inaingia... kutoka kwa WhatsApp wakati mtu fulani anapokupigia simu ya video. Unaweza:

• Kutelezesha arifa kushoto, kisha gusa Angalia > Kubali.
• Mbadala, unaweza kutelezesha taarifa kulia kukubali simu.
• Kutelezesha arifa kushoto, kisha gusa Angalia > Kataa.
• Kutelezesha arifa kushoto, kisha gusa Angalia > Ujumbe kukataa simu na kutuma ujumbe wa haraka.

Kama simu yako imefungwa, lakini haupo kwenye WhatsApp, utapokea arifa ya Simu ya video inaingia... kutoka kwa WhatsApp wakati mtu fulani anapokupigia. Unaweza:

• Vuta arifa chini, kisha gusa Kubali au gusa arifa kukubali simu.
• Vuta arifa chini, kisha gusa Kataa.
• Vuta arifa chini, kisha gusa Ujumbe kukataa simu na kutuma ujumbe wa haraka.

Ikiwa simu yako imefunguliwa na upo kwenye WhatsApp, utaona skrini ya Simu ya video ya WhatsApp inaingia wakati mtu fulani anapokupigia. Unaweza:

• Kubali
• Kataa
• Nikumbushe, kisha chagua kama unataka kukumbushwa Ndani ya saa 1 au Ninapoondoka.
• Ujumbe kukataa simu na kutuma ujumbe wa haraka.

Badili kutoka kwa simu ya video kwenda kwa simu ya sauti

1. Ukiwa kwenye simu ya video, gusa Zima Video, kumjulisha mwasiliani unayepigia simu kwa video.
2. Mara mwasiliani akizimapo video yake, simu itabadilishwa na kuwa simu ya sauti.

Badili kutoka kwa simu ya sauti kuenda kwa simu ya video

1. Ukiwa kwenye simu ya sauti, gusa simu ya video > Badilisha.
2. Mwasiliani unayempigia simu ataona ombi la kubadilisha kuenda kwenye simu ya video na anaweza kukubali au kukataa ubadilisho huo.

Piga simu ya video ya kikundi

Kupiga simu ya kikundi kunaruhusu hadi washiriki wanane kupigiana simu za video kwa kutumia WhatsApp.

Kupiga simu ya video ya kikundi kutoka kwenye soga ya kikundi

1. Fungua soga ya kikundi unayotaka kupigia simu ya video.
2. Kama soga yako ya kikundi ina washiriki watano ama zaidi, gusa Simu ya Kikundi.
• Kama soga yako ya kikundi ina washiriki wanne au pungufu, gusa Simu ya Video. Kwa hali hii, simu itaanza mara moja.
3. Tafuta mwasiliani unayetaka kuongeza kwenye simu, kisha gusa Simu ya Video.

Piga simu ya video ya kikundi kutoka kwenye kichupo cha Simu

1. Fungua WhatsApp, kisha gusa kichupo cha Simu.
2. Gusa Simu Mpya > Simu Mpya ya Kikundi.
3. Tafuta mwasiliani unayetaka kuongeza kwenye simu, kisha gusa Simu ya Video.

Kupiga simu ya video ya kikundi kutoka kwa soga ya kibinafsi

1. Fungua soga ya kibinafsi na moja wapo ya waasiliani unayetaka kuwapigia simu ya video.
2. Gusa Simu ya Video.
3. Mara mshiriki anapokubali simu, gusa Ongeza Mshiriki.
4. Tafuta mwasiliani mwingine unayetaka kumuongeza kwenye simu, kisha gusa Ongeza.
5. Gusa Ongeza Mwasiliani kama unataka kuongeza waasiliani zaidi.

Dokezo:

• Hakikisha kwamba wewe na waasiliani wako mna muunganisho imara wa intaneti unapiga au kupokea simu za video. Ubora wa simu ya video utategemea mwasiliani aliye na muunganisho dhaifu.
• Unapopokea simu ya video ya kikundi, skrini ya arifa Simu ya video ya kikundi inayoingia au Simu ya WhatsApp ya video itaonyesha washiriki waliopo kwenye simu sasa, na mwasiliani aliye wa kwanza kwenye orodha atakuwa mshiriki aliyekuongeza.
• Wakati wa simu ya video ya kikundi, una chaguo la kuzima video yako kwa kubofya Zima Video.
• Huwezi kuondoa mwasiliani wakati mko kwenye simu ya video ya kikundi. Mwasiliani atahitaji kukata simu ili kujiondoa kutoka kwa simu hiyo.
• Historia ya simu ya video ya kikundi itaonekana kwenye kichupo cha Simu. Unaweza kugusa historia ya simu ili kuangalia waasiliani binafsi kwenye simu hiyo.
• Ingawa kuna uwezekano wa kuwa katika simu ya video ya kikundi pamoja na mtu uliyemzuia, huwezi kuongeza mwasiliani ambaye umemzuia kwenye simu au mwasiliani aliyekuzuia.

Rasilimali zinazohusika:

Jinsi ya kupiga simu ya video kwenye Android