ગ્રૂપ કૉલિંગની સુવિધાથી વધુમાં વધુ 8 સભ્યો WhatsApp વાપરીને મફતમાં એકબીજાને વોઇસ કૉલ કરી શકે છે. વૉઇસ કૉલિંગ તમારા મોબાઇલ પ્લાનની મિનિટને બદલે તમારા ફોનનું ઇન્ટરનેટ કનેક્શન વાપરે છે. ઇન્ટરનેટનો ચાર્જ લાગી શકે છે. ગ્રૂપ વોઇસ કૉલ મેળવતી વખતે, WhatsApp ઓડિયો... સ્ક્રીન પર તે કૉલમાં હોય એ બધા સભ્યો દેખાશે, અને લિસ્ટમાં પહેલા દેખાતા સંપર્કે તમને ઉમેર્યાં હશે. પહેલાંના બધા ગ્રૂપ વોઇસ કૉલ 'કૉલ' ટેબમાં દેખાશે. કૉલમાં ભાગ લેનારા દરેક સભ્યને જોવા માટે તમે પહેલાંના બધા કૉલ પર દબાવી શકો છો.

ગ્રૂપમાં વોઇસ કૉલ કરવા વિશે

ગ્રૂપ ચેટમાંથી ગ્રૂપ વોઇસ કૉલ કરવા માટે

1. તમે જે ગ્રૂપ ચેટમાંથી વોઇસ કૉલ કરવા માગતા હો એ ગ્રૂપ ખોલો.
2. જો તમારા ગ્રૂપ ચેટમાં નવ કે તેથી વધુ સભ્યો હોય, તો ગ્રૂપ કૉલ પર દબાવો.
• જો તમારા ગ્રૂપ ચેટમાં આઠ કે તેથી ઓછા સભ્યો હોય, તો વોઇસ કૉલ પર દબાવો. આ કિસ્સામાં કૉલ તરત જ શરૂ થઈ જશે.
3. તમે કૉલમાં ઉમેરવા માગો છો એવા સંપર્કો શોધો, પછી વોઇસ કૉલ પર દબાવો.

કૉલ ટેબમાંથી ગ્રૂપ વોઇસ કૉલ કરવા માટે

1. WhatsApp ખોલો, પછી કૉલ ટેબ પર દબાવો.
2. નવો કૉલ > નવો ગ્રૂપ કૉલ પર દબાવો.
3. તમે કૉલમાં ઉમેરવા માગો છો એવા સંપર્કો શોધો, પછી વોઇસ કૉલ પર દબાવો.

વ્યક્તિગત ચેટમાંથી ગ્રૂપ વોઇસ કૉલ કરવા માટે

1. તમે જે વ્યક્તિગત સંપર્ક સાથે વોઇસ કૉલ કરવા માગતા હો, તેની ચેટ ખોલો.
2. વોઇસ કૉલ પર દબાવો.
3. સંપર્ક કૉલ સ્વીકારી લે, પછી સભ્યને ઉમેરો પર દબાવો.
4. તમે કૉલમાં ઉમેરવા માગતા હો એવો બીજો સંપર્ક શોધો, પછી ઉમેરો પર દબાવો.
5. જો તમે વધુ સભ્યોને ઉમેરવા માગતા હો, તો સભ્યને ઉમેરો પર દબાવો.

• ખાતરી કરો કે ગ્રૂપ વૉઇસ કૉલ કરતી કે મેળવતી વખતે, તમારા અને તમારા સંપર્કો પાસે સારી ગુણવત્તાવાળું ઇન્ટરનેટ કનેક્શન હોય. વોઇસ કૉલની ગુણવત્તાનો આધાર સૌથી ખરાબ કનેક્શન ધરાવતા સંપર્ક પર રહેશે.
• ગ્રૂપ વોઇસ કૉલ પર હો એ દરમિયાન તમે એ વોઇસ કૉલને વીડિયો કૉલમાં બદલી શકશો નહિ.
• ગ્રૂપ વોઇસ કૉલ પર હો એ દરમિયાન તમે કોઈ પણ સંપર્કને એ કૉલમાંથી દૂર કરી શકશો નહિ. એ કૉલમાંથી બહાર નીકળવા માટે, તે સંપર્કે પોતે તેમના કૉલને કાપવો પડશે.
• બની શકે કે જેની સાથે તમે સંપર્ક તોડ્યો હોય એ વ્યક્તિ ગ્રૂપ વોઇસ કૉલમાં હોય, પણ તમે કે તમારી સાથે સંપર્ક તોડેલી વ્યક્તિ એકબીજાને કૉલમાં ઉમેરી શકશે નહિ.
• વોઇસ કૉલની સુવિધા iPhoneનાં iOS 9 અને તેની ઉપરનાં વર્ઝન પર ઉપલબ્ધ છે.
• તમે WhatsApp દ્વારા ઇમર્જન્સી સેવાઓના નંબરો નથી લગાડી શકતા; જેમ કે, યુનાઇટેડ સ્ટેટ્સમાં 911 નંબર. ઇમર્જન્સી કૉલ કરવા માટે, તમારે વાતચીત વ્યવહારની બીજી સગવડો કરવી પડશે.

સંબંધિત લેખો:

• Android | iPhone પર વોઇસ કૉલ કેવી રીતે કરવો
• Android પર ગ્રૂપ વોઇસ કૉલ કેવી રીતે કરવો