જો તમે WhatsApp સાથે કનેક્ટ ના થઈ શકતા હો, તો મોટાભાગે એવું તમારા ઇન્ટરનેટ કનેક્શન કે પછી તમારા ફોનનાં સેટિંગમાં કોઈ મુશ્કેલી હોવાના કારણે થાય. બની શકે કે WhatsAppને ડિલીટ કરીને ફરી ઇન્સ્ટોલ કરવાની જરૂર ન પડે.

સમસ્યાનો ઉકેલ

ઇન્ટરનેટ કનેક્શનને લગતી મોટાભાગની સમસ્યાઓ નીચેનાં પગલાં ભરીને દૂર કરી શકાય છે:

• તમારા ફોનને બંધ કરીને ફરીથી ચાલુ કરો.
• Apple App Store પર ઉપલબ્ધ લેટેસ્ટ વર્ઝનથી WhatsAppને અપડેટ કરો.
• iPhone સેટિંગ ખોલો અને એરપ્લેન મોડ ચાલુ અને બંધ કરો.
• iPhone સેટિંગ ખોલો > સેલ્યુલર પર દબાવો અને મોબાઇલ ડેટા ચાલુ કરો.
• iPhone સેટિંગ ખોલો > વાઇ-ફાઇ પર દબાવો અને વાઇ-ફાઇ બંધ અને ચાલુ કરો.
• કોઈ જુદા વાઇ-ફાઇ હોટસ્પોટથી કનેક્ટ કરવાનો પ્રયત્ન કરો.
• ખાતરી કરો કે વાઇ-ફાઇ સ્લીપ મોડમાં ચાલુ રહે.
• તમારા વાઇ-ફાઇ રાઉટરને રીબૂટ કરો.
• મોબાઇલ સેવા પૂરી પાડનારી તમારી કંપનીનો સંપર્ક કરો અને ખાતરી કરો કે તમારાં APN સેટિંગ સાચી રીતે રાખેલાં છે.
• iPhone સેટિંગ ખોલો > જનરલ > રીસેટ> રીસેટ નેટવર્ક સેટિંગ > રીસેટ નેટવર્ક સેટિંગ પર દબાવો. (આમ કરવાથી તમે સેવ કરેલા વાઇ-ફાઇના બધા પાસવર્ડ ડિલીટ થઈ જશે).
• તમારા ફોન માટે ઉપલબ્ધ લેટેસ્ટ વર્ઝનથી તમારા iPhoneની ઓપરેટિંગ સિસ્ટમને અપગ્રેડ કે રીસ્ટોર કરો.
• જો તમે લૉક ખોલેલો iPhone કે કોઈ પ્રિ-પેઇડ સિમ કાર્ડ વાપરતા હો, તો તમારે સિમ કાર્ડ માટેના તમારા ફોનનાં APN સેટિંગને કદાચ ગોઠવવાની જરૂર પડે. વિગતો અને સૂચનાઓ માટે તમારા મોબાઇલ ઓપરેટરનો સંપર્ક કરો.
• તમે સામાન્ય રીતે વાપરતા ન હો એવા વાઇ-ફાઇ કનેક્શન પર WhatsApp સાથે કનેક્ટ થવામાં મુશ્કેલી આવી રહી હોય, તો નેટવર્ક એડમિનિસ્ટ્રેટરનો સંપર્ક કરો.
• ખાતરી કરો કે તમે બીજા દ્વારા સંચાલિત વાઇ-ફાઇ નેટવર્ક ન વાપરી રહ્યા હો, જેમ કે તમારી ઑફિસ કે યુનિવર્સિટીનું નેટવર્ક. બની શકે કે આ નેટવર્ક પર બીજાં કનેક્શન પ્રતિબંધિત કે માર્યાદિત કરેલાં હોય.
• WhatsAppને પ્રોક્સી કે VPN સેવાઓ પર વાપરવા માટે ડિઝાઇન કરેલું નથી, તેથી આવી સેવાઓ માટે અમે સપોર્ટ આપી શકતા નથી.
• રોમિંગ બંધ કરો.

WhatsApp મેસેજ માટેનાં નોટિફિકેશન મેળવવામાં પડતી સમસ્યાઓ માટે, આ લેખ વાંચો.