اگر آپ کو iCloud سے بیک اپ لینے یا بحال کرنے میں مسائل درپیش ہوں تو زیادہ امکانات اس بات کے ہیں کہ مسئلہ iCloud اکاؤنٹ کے ساتھ ہے نہ کہ WhatsApp کے ساتھ۔ اگر آپ کو iCloud کے حوالے سے مدد درکار ہو تو براہ کرم Apple سپورٹ سے رابطہ کریں۔
بیک اپ بنانے سے قاصر ہیں
اگر آپ iCloud بیک اپ بنانے سے قاصر ہیں تو:
- توثیق کر لیں کہ آپ اسی Apple ID سے سائن ان ہیں جسے آپ iCloud تک رسائی کیلئے استعمال کرتے ہیں۔
- توثیق کر لیں کہ iCloud Drive آن ہے۔
- اگر آپ نے اپنی Apple ID استعمال کرنے والے کسی بھی آلے کیلئے iCloud Drive آن کی ہے تو بیک اپ بنانے کیلئے iOS 9 یا جدید ورژن پر اپ ڈیٹ کر لیں۔
- توثیق کر لیں کہ آپ کے پاس اپنے iCloud اکاؤنٹ پر بیک اپ بنانے کیلئے درکار جگہ موجود ہے۔ آپ کے پاس اپنے iCloud اکاؤنٹ میں بیک اپ کے اصل سائز سے کم از کم 2.05 گنا زیادہ جگہ ہونی چاہیئے۔
- اگر آپ کسی موبائل ڈیٹا نیٹ ورک پر بیک اپ لینے کی کوشش کر رہے ہیں تو iCloud کے لیے موبائل ڈیٹا کے استعمال کو فعال کر لیں:
- WhatsApp کی ترتیبات > چیٹس > چیٹ بیک اپ > ابھی بیک اپ لیں پر جا کر مینوئل بیک اپ لیں۔
- کسی اور نیٹ ورک پر مینوئل بیک اپ لینے کی کوشش کریں۔ ترجیحی طور پر وہ نیٹ ورک جس سے آپ سب سے زیادہ منسلک ہوتے ہوں۔
بیک اپ بحال نہیں کر سکتے
اگر آپ iCloud بیک اپ بحال کرنے سے قاصر ہیں تو:
- توثیق کر لیں کہ آپ اسی فون نمبر اور iCloud اکاؤنٹ سے ڈیٹا بحال کرنے کی کوشش کر رہے ہیں جس پر بیک اپ بنایا گیا تھا۔
- توثیق کر لیں کہ آپ کے iPhone پر بیک اپ بحال کرنے کیلئے درکار جگہ دستیاب ہے۔ آپ کے پاس اپنے iCloud اکاؤنٹ میں اور فون پر بیک اپ کے اصل سائز سے کم از کم 2.05 گنا زیادہ جگہ ہونی چاہیئے۔
- اگر بیک اپ iCloud Drive کے ذریعے بنایا گیا تھا تو آپ اس بیک اپ کو صرف iOS 9 یا اس سے جدید ورژن والے iPhone پر ہی بحال کر پائیں گے۔
- اگر آپ نے اپنی Apple ID استعمال کرنے والے کسی بھی آلے پر iCloud Drive کو آن کیا ہے تو آپ اپنے iPhone پر ڈیٹا بحال نہیں کر پائیں گے جب تک کہ اس پر iOS 9 یا اس سے جدید ورژن نہ ہو۔
- کسی اور نیٹ ورک سے بحالی کی کوشش کریں۔ ترجیحی طور پر وہ نیٹ ورک جس سے آپ سب سے زیادہ منسلک ہوتے ہوں۔
- iCloud سے سائن آؤٹ کریں اور اپنا iPhone بند کر کے ری اسٹارٹ کریں۔ پھر واپس iCloud میں سائن ان کریں اور دوبارہ بحال کرنے کی کوشش کریں۔
متعلقہ مضامین: