ہم کس طرح آپ کی مدد کر سکتے ہیں؟
پڑھنے کی رسیدیں چیک کرنے کا طریقہ
آپ کے بھیجے گئے ہر پیغام کے ساتھ چیک کے نشانات ظاہر ہوتے ہیں۔ ہر ایک کا یہ مطلب ہوتا ہے:
جب گروپ کے تمام ممبرز کو آپ کا پیغام وصول ہو جائے گا تو گروپ چیٹ میں دوسرا چیک کا نشان ظاہر ہوگا۔ جب گروپ کے سبھی ممبرز آپ کا پیغام پڑھ لیں گے تو دو نیلے چیک کے نشانات ظاہر ہوں گے۔
پیغام کی معلومات
آپ جو بھی پیغام بھیجیں گے اس کے لیے آپ کو ایک پیغام کی معلومات کی اسکرین دکھائی دے گی جس میں تفصیل ہو گی کہ آپ کا پیغام کب ڈیلیور ہوا، وصول کنندہ نے کب پڑھا یا اسے کب پلے کیا۔
پیغام کی معلومات کی اسکرین دیکھنے کے لیے:
- انفرادی یا گروپ چیٹ کھولیں۔
- پیغام کو بائيں سے دائیں سوائپ کریں۔
- متبادل طور پر اپنے بھیجے ہوئے پیغام کو ٹیپ کر کے دبا کر رکھیں اور مینو سے معلومات کا انتخاب کریں۔
پیغام کی معلومات کی اسکرین پر یہ دکھائی دیتا ہے:
ڈیلیور شدہ:
- آپ کا پیغام آپ کے وصول کنندہ کے فون پر ڈیلیور ہو گیا ہے لیکن وصول کنندہ نے اسے دیکھا نہیں۔
پڑھ لیا یا دیکھ لیا:
- وصول کنندہ نے آپ کے پیغام کو پڑھ لیا ہے یا آپ کی تصویر، آڈیو فائل یا ویڈیو کو دیکھ لیا ہے۔
- وصول کنندہ نے آپ کا صوتی پیغام دیکھ لیا ہے لیکن پلے نہیں کیا۔
پلے شدہ:
- وصول کنندہ نے آپ کے صوتی پیغام کو پلے کر لیا ہے۔
نوٹ: جب کوئی ممبر گروپ چھوڑے گا تو پیغام کی معلومات کی اسکرین بدستور تمام ممبرز کے ساتھ اصل معلومات دکھائے گی، بشمول اس ممبر کے جس نے گروپ چھوڑ دیا ہو۔
پڑھنے کی رسیدیں موجود نہ ہونا
اگر آپ کو اپنے بھیجے ہوئے پیغام کے ساتھ دو نیلے چیک کے نشان دکھائی نہ دیں:
- آپ یا آپ کے وصول کنندہ نے شاید رازداری کی ترتیبات میں پڑھنے کی رسیدوں کو غیر فعال کر رکھا ہو۔
- وصول کنندہ نے شاید آپ کو بلاک کر رکھا ہو۔
- ممکن ہے کہ وصول کنندہ کا فون بند ہو۔
- وصول کنندہ نے شاید آپ کے ساتھ ہونے والی گفتگو کو اب تک کھولا نہ ہو۔
- ہو سکتا ہے آپ یا آپ کے وصول کنندہ کو کنکشن میں مسائل کا سامنا ہو۔
پڑھنے کی رسیدوں کو آف کریں
اپنی پڑھنے کی رسیدوں کو آف کرنے کیلئے، ترتیبات > اکاؤنٹ > رازداری پر جائیں اور پڑھنے کی رسیدیں کو غیر فعال کریں۔
نوٹ: ایسا کرنے سے گروپ چیٹس کیلئے پڑھنے کی رسیدیں یا صوتی پیغامات کیلئے پلے کرنے کی رسیدیں غیر فعال نہیں ہوں گی۔ ان ترتیبات کو آف کرنے کا کوئی طریقہ نہیں ہے۔