iPhone پر WhatsApp میں دستیاب رنگ ٹونز کے علاوہ کسی اور رنگ ٹون کو منتخب کرنے کا کوئی طریقہ نہیں ہے۔ آپ ایپ کے بند ہونے کی حالت کیلئے WhatsApp سیٹنگز > اطلاعات کے ذریعے رنگ ٹون تبدیل کر سکتے ہیں۔ یہاں آپ پیغامات، گروپ پیغامات اور WhatsApp کالز کیلئے مختلف رنگ ٹونز کا انتخاب کر سکتے ہیں۔

iOS 10، iOS 11 اور iOS 12 اور تیسری پارٹی کے کال کے انضمام کے ساتھ، WhatsApp وائس کالز کیلئے استعمال کی جانے والی رنگ ٹون وہی ہو گی جو فون کی Contacts ایپ کے اندر رابطے کی معلومات میں سیٹ ہے۔

iOS 10، iOS 11 اور iOS 12 پر WhatsApp وائس کالز کیلئے حسب منشاء رنگ ٹون سیٹ کرنے کیلئے:

1. اپنے iPhone کی Contacts ایپ پر جائیں۔
2. جس رابطے کے لیے حسبِ منشا رنگ ٹون منتخب کرنی ہو، اس پر ٹیپ کریں۔
3. اسکرین کے بالائی دائیں کونے میں ترمیم کریں پر ٹیپ کریں۔
4. رنگ ٹون کا انتخاب کریں۔
5. اپنے iPhone کو ری اسٹارٹ کریں۔

نوٹ: پیغامات کیلئے حسبِ منشا اطلاعات کی آوازیں WhatsApp سیٹنگز > اطلاعات میں سیٹ کی جا سکتی ہیں۔

اہم: iOS 10 میں ایک خرابی ہونے کی وجہ سے، جب تک آپ اپنے iPhone کو دوبارہ ری اسٹارٹ نہیں کریں گے (پاور اور ہوم کے بٹنوں کو 10 سیکنڈ کیلئے دبا کر رکھیں) ممکن ہے کہ آپ کی اطلاعات کی آوازیں ٹھیک طور پر نہ چل پائیں۔