लाईव्ह लोकेशन हे फीचर तुम्हाला तुमचे सध्याचे स्थान वैयक्तिक चॅट किंवा ग्रुप चॅटमध्ये ठराविक काळासाठी तात्काळ शेअर करण्याची अनुमती देते. तुम्ही तुमचे लाईव्ह लोकेशन शेअर करायचे की नाही किंवा किती काळ शेअर करायचे हे नियंत्रित करू शकता. तसेच तुमचे लाईव्ह लोकेशन शेअर करणे तुम्ही कधीही थांबवू शकता. एकदा का थांबवले किंवा ते कालबाह्य झाले तर त्यानंतर तुमचे लाईव्ह लोकेशन शेअर केले जाणार नाही. तुमचे लाईव्ह लोकेशन शेअर केलेल्या व्यक्तींना स्थिर थंबनेल प्रतिमा म्हणून तुमचे स्थान दिसत राहील आणि तुमचे शेवटी अपडेट केलेले स्थान पाहण्यासाठी तुम्ही प्रतिमेवर टॅप करू शकता.

हे फीचर एन्ड टू एन्ड एन्क्रिप्ट केलेले आहे, याचा अर्थ तुमचे लाईव्ह लोकेशन तुम्ही ज्या व्यक्तींबरोबर शेअर केले आहे त्यांनाच फक्त ते दिसेल इतर कोणालाही नाही. WhatsApp च्या सुरक्षेबद्दल अधिक जाणून घेण्यासाठी, कृपया WhatsApp सुरक्षितता ला भेट द्या. WhatsApp च्या गोपनीयता पद्धतींच्या अधिक माहितीसाठी तुम्ही आमचे गोपनीयता धोरण देखील वाचू शकता.

तुमचे लाईव्ह लोकेशन शेअर करणे

1. तुमच्या फोनच्या सेटिंग्ज मध्ये गोपनीयता > स्थान सेवा > WhatsApp > नेहमी वर टॅप करून WhatsApp साठी स्थान परवानग्या चालू करा. तुम्ही असेही करू शकता, तुमच्या फोनच्या सेटिंग्ज > WhatsApp > स्थान > नेहमी वर जाऊ शकता.
2. वैयक्तिक किंवा ग्रुप चॅट उघडा.
3. संलग्न करा > स्थान > लाईव्ह लोकेशन शेअर करा वर टॅप करा.
4. तुम्हाला जेवढ्या कालावधीसाठी तुमचे लाईव्ह लोकेशन शेअर करायचे आहे तो कालावधी निवडा. निवडलेल्या कालावधीनंतर तुमचे लाईव्ह लोकेशन शेअर होणे बंद होईल.
   • तुम्हाला हवे असल्यास, टिप्पणी जोडा.
5. पाठवा वर टॅप करा.

लाईव्ह लोकेशन शेअर करणे थांबवणे

विशिष्ट वैयक्तिक चॅट किंवा ग्रुप चॅटमध्ये तुमचे लाईव्ह लोकेशन शेअर करणे थांबवणे

1. वैयक्तिक किंवा ग्रुप चॅट उघडा.
2. शेअर करणे थांबवा > शेअर करणे थांबवा वर टॅप करा.

सर्व वैयक्तिक चॅट किंवा ग्रुप चॅटमध्ये तुमचे लाईव्ह लोकेशन शेअर करणे थांबवणे

1. WhatsApp वर सेटिंग्ज > खाते > गोपनीयता > लाईव्ह लोकेशन येथे जा.
2. शेअर करणे थांबवा > शेअर करणे थांबवा वर टॅप करा.

टीप :

• तुम्ही तुमच्या फोनच्या सेटिंग्ज > गोपनीयता> लोकेशन सर्व्हिसेस > WhatsApp > कधीही नाही वर जाऊन कधीही WhatsApp साठी स्थान परवानग्या बंद करू शकता.
• तुम्ही असेही करू शकता, तुमच्या फोनच्या सेटिंग्ज > WhatsApp > स्थान> कधीही नाहीवर जा.

संबंधित लेख :

Android वर लाईव्ह लोकेशन कसे वापरायचे