Kutuma maudhui, nyaraka, mahali, waasiliani au viungo vya Vyumba vya Messenger

1. Fungua soga ya binafsi au ya kikundi.
2. Gusa Ambatisha. Kisha, gusa:
   • Kamera ili kupiga picha mpya au video kwa kamera yako. Kumbuka: Video zinazorekodiwa kwa kutumia WhatsApp zina kikomo cha MB16.
   • Maktaba ya Picha na Video ili kuchagua picha au video kutoka kwenye Gombo la Kamera la iPhone au albamu. Baada ya kuchagua picha au video, gusa Ongeza iliyopo chini upande wa kushoto ili kuchagua picha kadhaa au video kwa mara moja.
   • Waraka ili kuchagua waraka kutoka kwenye hifadhi yako ya iCloud au programu zingine kama vile Hifadhi ya Google, Dropbox na kadhalika. Kumbuka: Kutuma waraka kunapatikana tu kwa watumiaji wenye iOS 10 na matoleo mapya. Ukubwa wa faili unaoruhusiwa ni MB 100.
   • Chumba ili kuunda na kushiriki kiungo cha Vyumba vya Messenger.
   • Mahali ili kutuma mahali au sehemu za karibu.
   • Mwasiliani ili kutuma maelezo ya mwasiliani. Kwa kawaida, maelezo yote yaliyohifadhiwa katika kitabu cha anwani ya simu kuhusu mwasiliani aliyechaguliwa yatashirikiwa. Gusa vipengee kwenye skrini ya Shiriki Waasiliani ili kuondoa uteuzi kwenye maelezo ambayo hutaki kushiriki.
3. Unaweza pia kuongeza maelezo kwa picha na video. Badili kati ya picha ili kuongeza maelezo kwa kila moja.
4. Gusa Tuma.

Unaweza pia kushiriki viungo kwenye Facebook au video za Instagram, na zinaweza kuchezwa ndani ya WhatsApp. Mwonekano wa kuhakiki utajitokeza baada ya kubandika kiungo kwenye soga yako.

Kumbuka: Ili kutuma maudhui, nyaraka, viungo vya Vyumba vya Messenger, mahali au waasiliani, utahitaji kuruhusu programu kufikia Huduma ya Mahali, Waasiliani, Picha na Kamera ya iPhone yako kwenye Mipangilio > Faragha ya iPhone.

Kusambaza maudhui, nyaraka, mahali au waasiliani au viungo vya Vyumba vya Messenger

1. Fungua soga ya binafsi au ya kikundi.
2. Gusa na shikilia ujumbe unaotaka kusambaza, kisha gusa Sambaza. Unaweza kuchagua ujumbe kadhaa.
3. Gusa Sambaza.
4. Chagua soga unayotaka kusambazia ujumbe kisha gusa Sambaza.

Unaposambaza midia, nyaraka, maeneo, waasiliani au viungo vya Vyumba vya Messenger, huhitaji kupakia tena. Ujumbe wote ambao mwanzoni haukutumwa na wewe utaonyeshwa na lebo ya "Ulisambazwa".

Kumbuka: Maelezo hayatasambazwa pamoja na maudhui.