मीडिया फाइल्स, डॉक्युमेंट्स, लोकेशन, संपर्क किंवा Messenger रूम्स च्या लिंक्स पाठवणे

1. वैयक्तिक किंवा ग्रुप चॅट उघडा.
2. अटॅच करा वर टॅप करा. त्यानंतर पुढील पर्याय उपलब्ध असतील:
   • तुमच्या कॅमेरामधून फोटो किंवा व्हिडिओ घेण्यासाठी कॅमेरा वर टॅप करा. टीप : WhatsApp वर व्हिडिओ रेकॉर्ड करण्याची कमाल मर्यादा 16MB इतकी आहे.
   • तुमच्या iPhone च्या कॅमेरा रोल किंवा अल्बममधून फोटो किंवा व्हिडिओ निवडण्यासाठी फोटो आणि व्हिडिओ लायब्ररी वर टॅप करा. फोटो किंवा व्हिडिओ निवडल्यानंतर, एकाचवेळी एकाहून अधिक फोटो किंवा व्हिडिओ निवडण्यासाठी, तळाशी डाव्या कोपऱ्यात असलेल्या जोडा वर टॅप करा.
   • iCloud Drive किंवा Google Drive, Dropbox इ. सारख्या अन्य ॲप्समधून डॉक्युमेंट्स निवडण्यासाठी डॉक्युमेंट्स वर टॅप करा. टीप: डॉक्युमेंट्स पाठवण्याची सोय फक्त iOS 10 आणि त्यापुढील आवृत्ती वापरणाऱ्या वापरकर्त्यांसाठी उपलब्ध आहे. तुम्ही जास्तीत जास्त 100 MB साइझचे डॉक्युमेंट पाठवू शकता.
   • 'Messenger रूम्स' ची लिंक तयार करण्यासाठी आणि ती शेअर करण्यासाठी रूम वर टॅप करा.
   • तुमचे लोकेशन किंवा जवळपासचे ठिकाण पाठवण्यासाठी लोकेशन वर टॅप करा.
   • संपर्काची माहिती पाठवण्यासाठी संपर्क वर टॅप करा. बाय डिफॉल्ट, तुम्ही निवडलेल्या संपर्कांची फोनच्या ॲड्रेस बुकमध्ये स्टोअर केलेली सर्व माहिती शेअर केली जाईल. तुम्हाला जी माहिती शेअर करायची नाही आहे तिची निवड रद्द करण्यासाठी, संपर्क शेअर करा स्क्रीनवरील दिसणाऱ्या माहितीवर टॅप करा.
3. तुम्ही फोटो किंवा व्हिडिओला कॅप्शनदेखील देऊ शकता. प्रत्येक फोटोला कॅप्शन देण्यासाठी फोटो एकामागून एक स्वाइप करत कॅप्शन देत चला.
4. पाठवा वर टॅप करा.

तुम्ही Facebook किंवा Instagram वरील व्हिडिओंच्या लिंक देखील पाठवू शकता. या लिंक्स थेट WhatsApp मधूनच प्ले करता येतात. तुम्ही तुमच्या चॅटमध्ये लिंक पेस्ट केल्यानंतर त्या लिंकचे पूर्वावलोकन दाखवले जाईल.

टीप: मीडिया फाइल्स, डॉक्युमेंट्स, 'Messenger रूम्स' च्या लिंक्स, लोकेशन किंवा संपर्क पाठवण्यासाठी, तुम्हाला तुमच्या iPhone च्या लोकेशन सर्व्हिसेस, संपर्क, फोटो आणि कॅमेरा ॲक्सेस करणे आणि त्यासाठी iPhone सेटिंग्ज > गोपनीयता मध्ये जाऊन ॲप परवानग्या देणे आवश्यक असेल.

मीडिया फाइल्स, डॉक्युमेंट्स, लोकेशन, संपर्क किंवा Messenger रूम्स च्या लिंक्स शेअर करणे

1. वैयक्तिक किंवा ग्रुप चॅट उघडा.
2. तुम्हाला जो मेसेज फॉरवर्ड करायचा आहे त्यावर टॅप करून होल्ड करा आणि त्यानंतर फॉरवर्ड करा वर टॅप करा. तुम्ही एकापेक्षा जास्त मेसेजेसही निवडू शकता.
3. फॉरवर्ड करा वर टॅप करा.
4. तुम्हाला तो मेसेज ज्या चॅटला फॉरवर्ड करायचा आहे ते चॅट निवडा आणि त्यानंतर फॉरवर्ड करा वर टॅप करा.

तुम्ही मीडिया फाइल्स, डॉक्युमेंट्स, लोकेशन, संपर्क किंंवा 'Messenger रूम्स' च्या लिंक फॉरवर्ड केल्यावर तुम्हाला ते सर्व पुन्हा अपलोड करावे लागणार नाही. तुम्ही फॉरवर्ड केलेले, पण तुम्ही स्वत: तयार न केलेले मेसेजेस "फॉरवर्ड केलेले" या लेबलसह प्रदर्शित केले जातील.

टीप: मीडिया फाइलसोबत तिचे कॅप्शन फॉरवर्ड केले जाणार नाही.