કોઈ વ્યક્તિગત કે ગ્રૂપ ચેટમાં આવેલા મેસેજને બીજી વ્યક્તિ કે ગ્રૂપને ફોરવર્ડ કરવા માટે ફોરવર્ડ કરો સુવિધાનો ઉપયોગ કરો. ફોરવર્ડ કરેલા મેસેજને “ફોરવર્ડ કરેલો મેસેજ” લેબલથી દર્શાવવામાં આવે છે, જે તમને જાણવામાં મદદ કરે છે કે મોકલેલો મેસેજ તમારા મિત્ર કે સંબંધીએ જાતે લખ્યો હતો કે એ મેસેજ અસલમાં કોઈ બીજાએ બનાવ્યો હતો.

જ્યારે તમે કોઈ મેસેજ ફોરવર્ડ કરો, ત્યારે તમે તેને એક સમયે વધુમાં વધુ પાંચ ચેટ સાથે શેર કરી શકો છો. જો કોઈ મેસેજ પહેલેથી જ ફોરવર્ડ કરવામાં આવ્યો હોય, તો તમે તેને વધુમાં વધુ એક ગ્રૂપ ચેટ સહિત પાંચ ચેટને ફોરવર્ડ કરી શકો છો. જ્યારે કોઈ મેસેજ ઘણી બધી વખત ફોરવર્ડ કરેલો હોય, ત્યારે તેને એક સમયે ફક્ત એક જ ચેટ પર ફોરવર્ડ કરી શકાય છે.

મેસેજ ફોરવર્ડ કરવા માટે

1. કોઈ વ્યક્તિગત કે ગ્રૂપ ચેટમાં, તમે ફોરવર્ડ કરવા માગતા હો એ મેસેજ પર દબાવી રાખો, પછી ફોરવર્ડ કરો પર દબાવો.
   • એકસાથે વધારે મેસેજ ફોરવર્ડ કરવા માટે, પહેલો મેસેજ પસંદ કર્યા પછી તમે બીજા વધારે મેસેજ પણ પસંદ કરી શકો છો.
2. ફોરવર્ડ કરો પર દબાવો.
3. જેમાં મેસેજ ફોરવર્ડ કરવો હોય તેવી વ્યક્તિગત કે ગ્રૂપ ચેટ શોધો અથવા પસંદ કરો.
4. ફોરવર્ડ કરો પર દબાવો.

નોંધ:

• તમે મીડિયા, લોકેશન અથવા સંપર્કો પણ ફોરવર્ડ કરી શકો છો, જેથી તમારે એને ફરીથી અપલોડ કરવા નહિ પડે.
• તમે જે મેસેજ મોકલો છો એ જો તમે બનાવ્યા ન હોય, તો એ મેસેજ પર “ફોરવર્ડ કરેલો મેસેજ”નું લેબલ તમને અને એ મેસેજ મેળવનાર કોઈ પણ વ્યક્તિને દેખાશે.

સંબંધિત લેખો:

• ફોરવર્ડ કરવાની મર્યાદા વિશે
• Android | વેબ અને ડેસ્કટોપ | KaiOS પર મેસેજ કેવી રીતે ફોરવર્ડ કરવા