અમે તમને કેવી રીતે મદદ કરી શકીયે?
તમે જે ખોળી રહ્યા છો તેને ગોતવા માટે તમે નીચે આપેલા વિષયો પણ જોઈ શકો છો.
ગ્રૂપ બનાવવા અને તેમાં આમંત્રણ આપવા વિશે
ગ્રૂપ કેવી રીતે બનાવવું
- WhatsAppમાં ચેટ ટેબ પર જાઓ.
- નવી ચેટ
- જો ચેટ ટેબ પર તમારી કોઈ ચેટ હાજર હોય, તો માત્ર નવું ગ્રૂપ પર દબાવો.
- ગ્રૂપમાં ઉમેરવા માટે સંપર્કો શોધો અથવા પસંદ કરો. પછી આગળ પર દબાવો.
- ગ્રૂપનો વિષય લખો. રાખેલો વિષય એ ગ્રૂપનું નામ હશે જે બધા સભ્યો જોઈ શકશે.
- વિષયની મર્યાદા 25 અક્ષરોની છે.
- વૈકલ્પિક રીતે, કેમેરાની નિશાની દબાવીને ગ્રૂપનો ફોટો ઉમેરો. તમે ફોટો ઉમેરવા માટે ફોટો લો કે ફોટો પસંદ કરો અથવા તો વેબ પર શોધો પસંદ કરી શકો છો. સેટ થઈ જવા પર, આ ફોટો તમારી ચેટ ટેબમાં તે ગ્રૂપની બાજુમાં દેખાશે.
- બધું થઈ જાય એટલે બનાવો પર દબાવો.
લિંક મોકલીને ગ્રૂપમાં આમંત્રિત કરવા વિશે
જો તમે ગ્રૂપ એડમિન હો, તો તમે લોકો સાથે માત્ર એક લિંક શેર કરીને તેઓને ગ્રૂપમાં આમંત્રિત કરી શકો છો. કોઈ ગ્રૂપમાં જોડાવા આમંત્રણની લિંક શેર કરવા માટે:
- WhatsApp ગ્રૂપ ચેટમાં જઈને, ગ્રૂપના વિષય પર દબાવો.
- વૈકલ્પિક રીતે, ચેટ ટેબમાં ગ્રૂપને ડાબી બાજુ ખસેડો. પછી વધુ > ગ્રૂપની માહિતી પર દબાવો.
- લિંક મારફતે ગ્રૂપમાં આમંત્રિત કરો પર દબાવો.
- લિંક શેર કરો, લિંક કોપિ કરો, અથવા QR કોડ પસંદ કરો.
એડમિન કોઈ પણ સમયે અગાઉ મોકલેલી આમંત્રણ લિંકને લિંક પાછી ખેંચો વાપરીને અમાન્ય કરી શકે છે અને નવી લિંક બનાવી શકે છે.
નોંધ: જે પણ WhatsApp વપરાશકર્તા સાથે તમે આમંત્રણ લિંક શેર કરશો તે ગ્રૂપમાં જોડાઈ શકે છે, તેથી આ સુવિધાનો માત્ર ભરોસાપાત્ર લોકો માટે ઉપયોગ કરો. એ લિંક કોઈ વ્યક્તિ બીજા લોકોને ફોરવર્ડ કરી શકે છે, જે પછી ગ્રૂપ એડમિનની વધુ મંજૂરી વગર ગ્રૂપમાં જોડાઈ શકે છે.