Unaweza kucheleza na kurejesha historia yako ya soga ya WhatsApp ukitumia iCloud.

Kumbuka:

• Historia za soga ya WhatsApp haihifadhiwi kwenye seva zetu.
• Ujumbe na midia unayocheleza hazilindwi kwa ufumbaji wa mwisho hadi mwisho wa WhatsApp wakati vipo kwenye iCloud.
• Hatuna uwezo wa kukurejeshea ujumbe wowote ulioufuta.

Kucheleza kwenye iCloud

Kucheleza mwenyewe

Unaweza kujichelezea soga zako wakati wowote unapotaka.

Nenda kwenye Mipangilio ya WhatsApp> Soga > Chelezo ya Soga > Cheleza Sasa.

Kucheleza kiotomatiki

Unaweza kutumia uchelezaji wa kiotomatiki, unaoratibiwa kwa kugusa Cheleza Kiotomatiki kisha uchague marudio ya kucheleza.

Kufanya hivyo kutacheleza soga na midia yako kwenye akaunti yako ya iCloud. Unaweza kuchagua kujumuisha au kutojumuisha video kwenye chelezo. Mchakato wa uchelezaji wa iCloud unaweza kuchukua muda kukamilika, kutegemea muunganisho wako wa intaneti na ukubwa wa chelezo.

Mahitaji

• Sharti uwe umeingia kwenye akaunti ukitumia kitambulisho cha Apple ambacho huwa unatumia kufikia iCloud.
• Lazima uwe na iOS 9 au matoleo ya baadaye na sharti uwe umewasha iCloud Drive.
• Sharti pawe na nafasi ya kutosha kwenye iCloud na iPhone yako. Unahitaji angalau mara 2.05 ya nafasi kwenye akaunti yako ya iCloud na kwenye simu yako kuliko ukubwa kamili wa chelezo yako.

Ikiwa una wasiwasi kuhusu matumizi ya data ya mtandao wa simu, tunapendekeza ucheleze kwenye iCloud yako kwa kutumia Wi-Fi pekee.

Kurejesha kutoka kwenye chelezo ya awali

Ikiwa uliwahi kucheleza iPhone yako ukitumia iCloud au iTunes, huenda utaweza kurudisha soga zako za WhatsApp kwa kurejesha iPhone yako kutoka kwenye chelezo ya awali. Kwa maelezo zaidi kuhusu kucheleza na kurejesha iPhone yako, tembelea tovuti ya Msaada wa Apple.

Kuhamisha historia ya soga

Unaweza kujitumia barua pepe iliyo na historia yako ya soga ikiwa ungependa kuhifadhi soga.

Kumbuka: Ikiwa upo Ujerumani, huenda itakubidi usasishe WhatsApp kabla ya kutumia kipengele cha kuhamisha soga.

1. Fungua soga ya binafsi au ya kikundi ambayo ungependa kuhifadhi.
2. Gusa jina la mwasiliani au mada ya kikundi.
3. Gusa Hamisha Soga.
4. Chagua iwapo unataka Kuambatisha Midia au kutuma barua pepe Bila Midia.
5. Fungua programu ya Barua pepe. Pia unaweza kugusa Zaidi ili upate hiari zaidi.
6. Weka barua pepe yako kisha uguse Tuma.

Rasilimali zinazohusiana:

• Jinsi ya kurejesha historia yako ya soga

• Imeshindwa kuunda au kurejesha chelezo ya iCloud