ચેટને આર્કાઇવ કરવાની સુવિધા તમને તમારા ચેટ લિસ્ટમાંથી કોઈ વ્યક્તિગત કે ગ્રૂપ ચેટને છુપાવવાની સગવડ આપે છે. જેથી, તમે વાતચીતને વ્યવસ્થિત ગોઠવી શકો.

નોંધ:

• ચેટને આર્કાઇવ કરવાથી ન તો ચેટ ડિલીટ થાય છે કે ન તો તેનો iCloud પર બેકઅપ લેવાય છે.
• આર્કાઇવ કરેલી વ્યક્તિગત કે ગ્રૂપ ચેટમાં જ્યારે તમને કોઈ નવો મેસેજ મળશે ત્યારે તે આર્કાઇવમાંથી નીકળી જશે.

કોઈ ચેટ કે ગ્રૂપને આર્કાઇવ કરવા માટે

1. ચેટ ટેબમાં, તમે જે ચેટ કે ગ્રૂપને આર્કાઇવ કરવા માગો છો તેને ડાબે સરકાવો.
2. આર્કાઇવ કરો પર દબાવો.

તમે WhatsApp સેટિંગ > ચેટ > બધી ચેટ આર્કાઇવ કરો પર જઈને બધી ચેટ એકસાથે આર્કાઇવ કરી શકો છો.

આર્કાઇવ કરેલી ચેટ કે ગ્રૂપ જોવા માટે

1. ચેટ ટેબમાં સૌથી ઉપર સુધી જાઓ અને પછી નીચે ખેંચો.
2. આર્કાઇવ કરેલી ચેટ પર દબાવો.

કોઈ ચેટ કે ગ્રૂપને આર્કાઇવમાંથી પાછું લાવવા માટે

1. આર્કાઇવ કરેલી ચેટ સ્ક્રીનમાં, તમે જે ચેટ કે ગ્રૂપને આર્કાઇવમાંથી પાછું લાવવા માગો છો તેને ડાબે સરકાવો.
2. આર્કાઇવમાંથી પાછું લાવો પર દબાવો.

તમે કોઈ સંપર્કનું નામ અથવા તે સંપર્કે મોકલેલો કોઈ મેસેજ શોધીને તમારી જાતે ચેટને આર્કાઇવમાંથી પાછી લાવી શકો છો:

1. ચેટ ટેબમાં, શોધ બાર પર દબાવો.
2. તમે જે ચેટને આર્કાઇવમાંથી પાછી લાવવા માગતા હો તે ચેટનું નામ કે તેનું લખાણ લખો.
3. તમે જે ચેટને આર્કાઇવમાંથી પાછી લાવવા માગો છો તેને ડાબે સરકાવો.
4. આર્કાઇવમાંથી પાછું લાવો પર દબાવો.

સંબંધિત લેખો:

Android | વેબ અને ડેસ્કટોપ | KaiOS પર કોઈ ચેટ કે ગ્રૂપને કેવી રીતે આર્કાઇવમાં ઉમેરી કે તેમાંથી પાછું લાવી શકાય