तुमचे प्रोफाइल कसे संपादित करावे
तुम्ही WhatsApp सेटिंग्जमध्ये जाऊन तुमचा प्रोफाइल फोटो, तुमचे नाव आणि तुमची माहिती संपादित करू शकता.
तुमच्या प्रोफाइल फोटोमध्ये बदल करणे
- WhatsApp सेटिंग्ज वर जा.
- तुमच्या प्रोफाइल फोटोवर टॅप करा.
- त्यानंतर हे करा:
- सध्या प्रोफाइल फोटो लावलेला नसल्यास फोटो जोडा वर टॅप करा. तुम्ही फोटो घेऊ शकता किंवा आधीच असलेल्या फोटोंमधून फोटो निवडू शकता.
- सध्या प्रोफाइल फोटो लावलेला असल्यास आणि त्यात बदल करायचे असल्यास संपादित करा > संपादन यावर टॅप करा. तुम्ही फोटो हटवणे, फोटो घेणे किंवा फोटो निवडणे यांपैकी एक पर्याय वापरू शकता.
तुमच्या प्रोफाइल नावात बदल करणे
- WhatsApp सेटिंग्ज वर जा.
- तुमच्या प्रोफाइल फोटोवर टॅप करा आणि त्यानंतर तुमच्या नावावर टॅप करा.
- तुमचे नवीन नाव एंटर करा.
- तुमच्या नावामध्ये कमाल २५ कॅरॅक्टर्स असू शकतात.
- नावामध्ये इमोजी टाकण्यासाठी इमोजी
वर टॅप करा.
- पूर्ण झाले वर टॅप करा.
ग्रुप्समधील ज्या वापरकर्त्यांच्या ॲड्रेस बुकमध्ये तुमचा संपर्क आणि संपर्क माहिती समाविष्ट नाही, त्यांना तुमचे हे प्रोफाइल नाव दिसेल.
'माझ्याबद्दल' मध्ये बदल करणे
- WhatsApp सेटिंग्ज वर जा.
- तुमच्या प्रोफाइल फोटोवर टॅप करा.
- माझ्याबद्दल या फील्डवर टॅप करा.
- त्यानंतर तुम्ही हे करू शकता:
- आधीपासून उपलब्ध असलेल्या पर्यायांपैकी एक पर्याय निवडा.
- सध्या यावर सेट केले आहे वर टॅप करा आणि तुमची सध्याची माहिती बदला. 'माझ्याबद्दल' मध्ये लिहिलेल्या मजकुरात कमाल १३९ कॅरॅक्टर्स असू शकतात.
टीप:
- 'माझ्याबद्दल' हे फील्ड रिकामे ठेवता येणार नाही.
- तुमचा प्रोफाइल फोटो आणि 'माझ्याबद्दल' कोण पाहू शकते हे तुम्ही तुमच्या गोपनीयता सेटिंग्जमधून नियंत्रित करू शकता.
- तुम्ही एखाद्या संपर्कास ब्लॉक केले असेल तर त्या व्यक्तीला तुमच्या प्रोफाइल फोटोमध्ये किंवा 'माझ्याबद्दल' मध्ये केलेले बदल दिसणार नाहीत.
संबंधित लेख:
- पुढील प्लॅटफॉर्म्सवर तुमचे प्रोफाइल कसे संपादित करावे: Android | वेब आणि डेस्कटॉप | KaiOS
- तुमची गोपनीयता सेटिंग्ज कशी बदलावीत
- तुमची ग्रुप गोपनीयता सेटिंग्ज कशी बदलावीत