آپ WhatsApp کے اندر سے اپنا اکاؤنٹ حذف کر سکتے ہیں۔ اپنے اکاؤنٹ کو حذف کرنا ایک ایسا ناقابل واپسی عمل ہے جسے ہم منسوخ نہیں کر سکتے، چاہے آپ نے غلطی سے ہی ایسا کیا ہو۔

اپنے اکاؤنٹ کو حذف کرنے کیلئے

1. ‏WhatsApp کھولیں۔
2. ترتیبات > اکاؤنٹ > میرا اکاؤنٹ حذف کریں پر جائیں۔
3. اپنا فون نمبر مکمل بین الاقوامی فارمیٹ میں درج کریں اور میرا اکاؤنٹ حذف کریں پر ٹیپ کریں۔

اپنا اکاؤنٹ حذف کرنے سے یہ ہو گا:

• آپ کے اکاؤنٹ کی معلومات اور پروفائل کی تصویر حذف ہو جائے گی۔
• آپ کو تمام WhatsApp گروپس سے ہٹا دیا جائے گا۔
• آپ کے فون اور iCloud بیک اپ سے WhatsApp کے پرانے پیغامات حذف ہو جائیں گے۔

اگر آپ اپنا اکاؤنٹ حذف کرتے ہیں تو:

• آپ اپنے اکاؤنٹ تک دوبارہ رسائی حاصل نہیں کر سکتے۔
• آپ کی WhatsApp معلومات حذف کرنے میں حذف کرنے کا عمل شروع ہونے کی تاریخ سے 90 دن تک کا وقت لگ سکتا ہے۔ آپ کی معلومات کی کاپیاں 90 دن کے بعد بھی بیک اپ اسٹوریج میں برقرار رہ سکتی ہیں جنہیں ہم کسی حادثہ، سافٹ ویئر کی خرابی یا ڈیٹا ضائع ہونے کی کسی اور صورت میں بحال کرنے کیلئے استعمال کر سکتے ہیں۔ اس وقت کے دوران آپ کی معلومات WhatsApp پر آپ کیلئے دستیاب نہیں ہوں گی۔
• اس سے دیگر صارفین کے پاس موجود آپ سے متعلق معلومات متاثر نہیں ہوتی، جیسے کہ آپ کے انہیں بھیجے گئے پیغامات کی کاپی۔
• کچھ مواد کی کاپیاں جیسے کہ لاگ ریکارڈز ہمارے ڈیٹا بیس میں برقرار رہ سکتی ہیں مگر یہ ذاتی شناخت کاران سے وابستہ نہیں ہوتی ہیں۔
• ہم آپ کی معلومات قانونی مسائل، شرائط کی خلاف ورزی یا نقصان سے بچاؤ کی کوششوں جیسی چیزوں کیلئے بھی برقرار رکھ سکتے ہیں۔
• براہ کرم مزید معلومات کے لیے، ہماری رازداری کی پالیسی کا قانون اور تحفظ سیکشن ملاحظہ کریں۔
• دیگر Facebook کمپنیوں کے ساتھ شیئر کردہ آپ کی ذاتی معلومات بھی حذف ہو جائیں گی۔

متعلقہ مضامین:

اپنا اکاؤنٹ حذف کرنے کا طریقہ جانیں: Android ‏| KaiOS