વોઇસ કૉલિંગ તમને મફતમાં WhatsApp વાપરીને તમારા સંપર્કોને કૉલ કરવાની સગવડ પૂરી પાડે છે, પછી ભલે તેઓ બીજા દેશમાં હોય. વોઇસ કૉલ તમારા ફોનનું ઇન્ટરનેટ કનેક્શન વાપરીને કરવામાં આવે છે નહિ કે તમારા મોબાઇલ પ્લાનની વોઇસ મિનિટ વાપરીને. ઇન્ટરનેટનો ચાર્જ લાગી શકે છે. હાલમાં, વોઇસ કૉલ કરવાની સુવિધા iPhoneનાં iOS 7 અને તેની ઉપરનાં વર્ઝન પર ઉપલબ્ધ છે.

નોંધ: તમે WhatsApp દ્વારા ઇમર્જન્સી સેવાઓના નંબરો નથી લગાડી શકતા (દાખલા તરીકે, યુનાઇટેડ સ્ટેટ્સમાં 911 નંબર). ઇમર્જન્સી કૉલ કરવા માટે તમારે એવા સંપર્ક માટેની બીજી સગવડ કરવી પડશે.

વોઇસ કૉલ કરવા માટે:

1. તમે જેની સાથે વોઇસ કૉલ કરવા માગતા હો તેની ચેટ ખોલો.
2. વોઇસ કૉલ પર દબાવો.

વોઇસ કૉલ મેળવવા વિશે

જો તમારો ફોન લૉક કરેલો હોય, તો તમને કોઈ વોઇસ કૉલ કરે ત્યારે તમારી સ્ક્રીન પર WhatsApp ઓડિયો... કૉલ આવતો જોશો, ત્યાં તમે આ કરી શકો છો:

• જવાબ આપવા ખસેડો વાદળી રંગના તીરનાં બટનને જમણી બાજુ સરકાવીને આમ કરી શકાશે.
• મને યાદ આપવો દબાવીને જો તમે પોતાને યાદ અપાવવા માગતા હો, તો જયારે હું નીકળું અથવા 1 કલાકમાં પસંદ કરો.
• iPhoneનાં સાઇડ બટનને બે વાર દબાવીને કૉલને કાપો.

જો તમારો ફોન લૉક કરેલો ન હોય, તો જ્યારે તમને કોઈ વોઇસ કૉલ કરશે ત્યારે તમને આવતા WhatsApp ઓડિયો...ની સ્ક્રીન જોવા મળશે, જ્યાં તમે આ કરી શકો છો:

• ઉપાડવા માટે વાદળી નિશાનીવાળું ખરાનું બટન દબાવીને ઉપાડો.
• કાપો પર દબાવો.
• મને યાદ આપવો દબાવીને જો તમે પોતાને યાદ અપાવવા માગતા હો, તો જયારે હું નીકળું અથવા 1 કલાકમાં પસંદ કરો.
• તરત મેસેજ મોકલીને કૉલ કાપવામેસેજ પર દબાવો.

વોઇસ કૉલ અને વીડિયો કૉલ વચ્ચે ફેરબદલ કરવા વિશે

વોઇસ કૉલમાંથી વીડિયો કૉલમાં બદલવા માટે:

1. વોઇસ કૉલ પર હો ત્યારે, વીડિયો કૉલ પર દબાવો.
2. તમે જેની સાથે વોઇસ કૉલ પર હો એ સંપર્કને વીડિયો કૉલ પર બદલવાની વિનંતી દેખાશે અને તેઓ આ ફેરબદલની વિનંતી સ્વીકારી કે નકારી શકે છે.

વીડિયો કૉલને વોઇસ કૉલમાં બદલાવા માટેે:

1. વીડિયો કૉલ પર હો ત્યારે, વીડિયો બંધ કરો પર દબાવો, એમ કરવાથી તમારા સંપર્કને જણાવવામાં આવશે કે તમે વીડિયો કૉલ કરી રહ્યા છો.
2. જ્યારે તે સંપર્ક તેમનો વીડિયો બંધ કરી દે, ત્યારે તે વીડિયો કૉલ એક વોઇસ કૉલમાં બદલાઈ જશે.

ગ્રૂપ વોઇસ કૉલ કરવા વિશે

ગ્રૂપ કૉલ WhatsAppનો ઉપયોગ કરીને વધુમાં વધુ ચાર સભ્યોને વોઇસ કૉલથી એકબીજા સાથે વાત કરવાની સુવિધા આપે છે.

ગ્રૂપમાંથી ગ્રૂપ વોઇસ કૉલ કરવા માટે આમ કરો:

1. તમે જે ગ્રૂપમાંથી કૉલ કરવા માગતા હો એ ગ્રૂપમાં જાઓ.
2. નવો કૉલ પર દબાવો.
3. કૉલમાં તમે જે સંપર્કો ઉમેરવા માગતા હો એને શોધો અને પસંદ કરો.
4. વોઇસ કૉલ પર દબાવો.

કૉલ ટેબમાંથી ગ્રૂપ વોઇસ કૉલ કરવા માટે:

1. કૉલ ટેબમાં જાઓ.
2. નવો કૉલ > નવો ગ્રૂપ કૉલ પર દબાવો.
3. કૉલમાં તમે જે સંપર્કો ઉમેરવા માગતા હો એને શોધો અને પસંદ કરો.
4. વોઇસ કૉલ પર દબાવો.

વ્યક્તિગત ચેટમાંથી ગ્રૂપ વીડિયો કૉલ કરવા માટે:

1. તમે જે સંપર્ક સાથે વોઇસ કૉલ કરવા માગતા હો, તેની ચેટ ખોલો.
2. વોઇસ કૉલ પર દબાવો.
3. જ્યારે તે સંપર્ક કૉલ ઉપાડે, ત્યારે સભ્ય ઉમેરો દબાવો.
4. તે કૉલમાં ઉમેરવા માટે વધુ સંપર્કો શોધો અથવા લિસ્ટમાંથી તેમને પસંદ કરો.
5. ઉમેરો પર દબાવો.

નોંધ:

• ખાતરી કરો કે ગ્રૂપ વૉઇસ કૉલ કરતી કે મેળવતી વખતે, તમારા અને તમારા સંપર્કો પાસે અસરકારક ઇન્ટરનેટ કનેક્શન હોય. વોઇસ કૉલની ગુણવત્તાનો આધાર સૌથી ખરાબ કનેક્શન ધરાવતા સંપર્ક પર રહેશે.
• ગ્રૂપ વોઇસ કૉલ મેળવતી વખતે, WhatsApp ઓડિયો... સ્ક્રીન પર તે કૉલમાં હોય એ બધા સભ્યો દેખાશે, અને લિસ્ટમાં પહેલા દેખાતા સંપર્કે તમને ઉમેર્યાં હશે.
• ગ્રૂપ વોઇસ કૉલ પર હો એ દરમિયાન તમે એ વોઇસ કૉલને વીડિયો કૉલમાં બદલી શકશો નહિ.
• ગ્રૂપ વોઇસ કૉલ પર હો એ દરમિયાન તમે કોઈ પણ સંપર્કને એ કૉલમાંથી દૂર કરી શકશો નહિ. એ કૉલમાંથી બહાર નીકળવા માટે, તે સંપર્કે પોતે તેમના કૉલને કાપવો પડશે.
• કૉલ ટેબમાં ગ્રૂપ વૉઇસ કૉલની હિસ્ટરી દેખાશે. તમારા વીડિયો કૉલમાં ભાગ લેનારા સંપર્કોને જોવા માટે તમે તે કૉલની હિસ્ટરી પર દબાવી શકો છો.
• બની શકે કે જેની સાથે તમે સંપર્ક તોડ્યો હોય એ વ્યક્તિ ગ્રૂપ વોઇસ કૉલમાં હોય, પણ તમે કે તમારી સાથે સંપર્ક તોડેલી વ્યક્તિ એકબીજાને કૉલમાં ઉમેરી શકશે નહિ.

કેવી રીતે વોઇસ કૉલ કરવો તે આના પર શીખો: Android | Windows Phone