صوتی کالنگ خصوصیت آپ کو اپنے روابط کو WhatsApp کا مفت استعمال کر کے کال کرنے کی سہولت دیتی ہے چاہے وہ کسی دوسرے ملک میں ہی کیوں نہ ہوں۔ صوتی کالنگ آپ کے سیلولر پلان کے صوتی منٹ کے بجائے آپ کے فون کا انٹرنیٹ کنکشن استعمال کرتی ہے۔ ڈیٹا چارجز لاگو ہو سکتے ہیں۔ اس وقت، صوتی کالنگ +7 iOS پر چلنے والے iPhones پر دستیاب ہے۔

نوٹ: آپ WhatsApp کے ذریعے ایمرجنسی سروس کے نمبرز تک رسائی نہیں کر سکتے (مثلاً امریکہ میں 911) ایمرجنسی کالز کرنے کے لیے، آپ کو متبادل ذرائع ابلاغ استعمال کرنے ہوں گے۔

صوتی کال کرنے کیلئے:

1. آپ جس رابطے کو صوتی کال کرنا چاہتے ہیں اس کی چیٹ کھولیں۔
2. صوتی کال پر ٹیپ کریں۔

صوتی کال موصول کرنا

اگر آپ کو کوئی صوتی کال کرے اور آپ کا فون لاک ہو تو آپ کو آنے والی WhatsApp آڈیو... اسکرین دکھائی دے گی جہاں آپ یہ کر سکتے ہیں:

• دائیں جانب نیلے تیر کے بٹن کو سوائپ کر کے جواب دینے کیلئے سلائیڈ کریں ۔
• اگر آپ یاددہانی کروانا چاہتے ہیں تو مجھے یاددہانی کروائیں پر ٹیپ کریں اور انتخاب کریں کہ آپ کب یاددہانی کرانا چاہتے ہیں، جب میں رخصت ہوں یا 1 گھنٹے میں۔
• کال کو مسترد کرنے کیلئے iPhone کے سائیڈ بٹن کو دو بار دبائیں۔

اگر آپ کو کوئی صوتی کال کرے اور آپ کا فون ان لاک ہو تو آپ کو آنے والی WhatsApp آڈیو... اسکرین دکھائی دے گی جہاں آپ یہ کر سکتے ہیں:

• نیلے چیک بٹن کو ٹیپ کر کے قبول کریں ۔
• مسترد کریں کو ٹیپ کریں۔
• اگر آپ یاددہانی کروانا چاہتے ہیں تو مجھے یاددہانی کروائیں پر ٹیپ کریں اور انتخاب کریں کہ آپ کب یاددہانی کرانا چاہتے ہیں، جب میں رخصت ہوں یا 1 گھنٹے میں۔
• ایک فوری پیغام کے ساتھ کال کو مسترد کرنے کیلئے پیغام بھیجیں پر ٹیپ کریں۔

صوتی اور ویڈیو کالز کے بیچ سوئچ کرنا

صوتی کال کو ویڈیو کال پر سوئچ کرنے کیلئے:

1. صوتی کال کے دوران، ویڈیو کال پر ٹیپ کریں۔
2. جس رابطے کو آپ صوتی کال کر رہے ہیں اسے ویڈیو کال پر سوئچ کرنے کی درخواست نظر آئے گی اور وہ اس سوئچ کو قبول یا مسترد کر سکتے ہیں۔

ویڈیو کال سے صوتی کال پر سوئچ کرنے کیلئے:

1. ویڈیو کال کے دوران، ویڈیو آف کریں پر ٹیپ کریں جو اس رابطے کو مطلع کر دے گا جسے آپ ویڈیو کال کر رہے ہیں۔
2. ٓجب رابطہ اپنی ویڈیو آف کر دے گا تو کال صوتی کال پر سوئچ ہو جائے گی۔

گروپ صوتی کال کرنا

گروپ کالنگ WhatsApp کے ذریعے چار تک شرکاء کو آپس میں صوتی کال کرنے کی سہولت دیتی ہے۔

گروپ سے گروپ صوتی کال کرنے کیلئے:

1. اس گروپ پر جائیں جسے آپ صوتی کال کرنا چاہتے ہیں۔
2. نئی کال پر ٹیپ کریں۔
3. ان رابطوں کو تلاش کریں یا منتخب کریں جنہیں آپ کال پر شامل کرنا چاہتے ہیں۔
4. صوتی کال پر ٹیپ کریں۔

کالز کے ٹیب سے گروپ صوتی کال کرنے کیلئے:

1. کالز کے ٹیب پر جائیں۔
2. نئی کال > نئی گروپ کال پر ٹیپ کریں۔
3. ان رابطوں کو تلاش کریں یا منتخب کریں جنہیں آپ کال پر شامل کرنا چاہتے ہیں۔
4. صوتی کال پر ٹیپ کریں۔

کسی انفرادی چیٹ سے گروپ صوتی کال کرنے کیلئے:

1. ان رابطوں میں سے کسی ایک کے ساتھ چیٹ کھولیں جسے آپ صوتی کال کرنا چاہتے ہیں۔
2. صوتی کال پر ٹیپ کریں۔
3. جب رابطہ ویڈیو کال کا جواب دے تو شرکاء شامل کریں پر ٹیپ کریں۔
4. جس دوسرے رابطے کو آپ کال میں شامل کرنا چاہتے ہوں اسے تلاش یا منتخب کریں۔
5. شامل کریں پر ٹیپ کریں۔

نوٹ:

• اطمینان کر لیں کہ آپ اور آپ کے روابط کے پاس صوتی کال کرتے یا موصول کرتے وقت مستحکم انٹرنیٹ کنکشن ہو۔ صوتی کال کے معیار کا انحصار کمزور ترین کنکشن والے رابطے پر ہو گا۔
• جب آپ گروپ صوتی کال موصول کریں گے تو آنے والی WhatsApp آڈیو... اسکرین پر کال پر موجود شرکاء دکھائی دیں گے اور فہرست میں موجود پہلا رابطہ وہ شریک ہو گا جس نے آپ کو شامل کیا ہو گا۔
• گروپ صوتی کال کے دوران آپ کال کو ویڈیو کال پر سوئچ نہیں کر پائیں گے۔
• آپ گروپ صوتی کال کے دوران کسی رابطے کو ہٹا نہیں سکتے۔ کال سے غیر منسلک ہونے کیلئے رابطے کو اپنا فون منقطع کرنا ہو گا۔
• گروپ صوتی کال کی سرگزشت کالز ٹیب میں ظاہر ہو گی۔ آپ کال سے انفرادی رابطے ملاحظہ کرنے کیلئے کال کی سرگزشت پر ٹیپ کر سکتے ہیں۔
• اگرچہ کسی ایسے شخص کے ساتھ گروپ صوتی کال میں ہونا ممکن ہے جسے آپ نے بلاک کیا ہوا ہو، مگر آپ کسی ایسے رابطے کو کال میں شامل نہیں کر سکتے جسے آپ نے یا جس نے آپ کو بلاک کیا ہوا ہو۔

صوتی کالز کرنے کا طریقہ سیکھیں: Android | Windows Phone