جب WhatsApp کالز کے حوالے سے مسائل درپیش ہوں تو براہ کرم کسی مختلف نیٹ ورک (جیسے کہ موبائیل ڈیٹا کے بجائے Wi-Fi کنکشن یا اس کے برعکس) سے منسلک ہو کر کوشش کریں۔ ممکن ہے کہ آپ کا موجودہ نیٹ ورک UDP (یوزر ڈیٹاگرام پروٹوکول) کیلئے مناسب طور پر کنفیگر نہ ہو جس کی وجہ سے WhatsApp کالنگ کے درست طور پر کام کرنے میں رکاوٹ پیش آ سکتی ہے۔

اگر آپ اپنے Wi-Fi کنکشن سے منسلک ہونے کے بعد WhatsApp کالز کا تبادلہ کرنے سے قاصر ہوں تو WhatsApp کالنگ کے درست طور پر کام کرنے کیلئے یہ یقینی بنا لیں کہ آپ کے راؤٹر کی سیکورٹی سیٹنگز اور فائر وال کی کنفیگریشن مخصوص قسم کے کنکشنز بلاک تو نہیں کر رہے۔

اگر UDP یا فائر وال کی سیٹنگز کے حوالے سے آپ کے کسی بھی قسم کے اضافی سوالات ہوں تو مزید معلومات کیلئے براہ کرم اپنے سروس کے فراہم کنندہ یا نیٹ ورک کے منتظم سے رابطہ کریں۔

آپ کا بیٹری سیور اور بلوٹوتھ کنکشن بھی WhatsApp کالز میں مسائل پیدا کر سکتے ہیں۔ اگر آپ کا بیٹری سیور فعال ہے یا بلوٹوتھ منسلک ہے تو براہ کرم انہیں غیر فعال کریں اور اگر مسئلہ بدستور برقرار رہے تو ہمیں آگاہ کریں۔

اس کے علاوہ، براہ کرم اپنے آلے کو ری اسٹارٹ کریں اور یقینی بنائیں کہ کوئی اور ایپلیکیشن آپ کا مائیکرو فون، ائیر پیس یا کیمرے استعمال تو نہیں کر رہی۔ براہ کرم ہمیں یہ بھی آگاہ کریں کہ آیا آپ کو یہی مسئلہ WhatsApp کے ساتھ دیگر ایپلیکیشنز پر بھی درپیش ہے؟