आवश्यक पूर्तता
- जो फोन नंबर तुमचा स्वतःचा असतो त्याचेच व्हेरिफिकेशन तुम्ही करू शकता. यासाठी तुम्ही मोबाईल नंबर किंवा लँडलाईन (स्थिर) नंबर वापरू शकता.
- तुम्ही जो फोन नंबर सत्यापित करू इच्छित आहात त्यावर तुम्ही फोन कॉल्स किंवा एसएमएस प्राप्त करू शकत असला पाहिजे.
- तुमचे कॉल ब्लॉकिंग सेटिंग, ॲप्स किंवा टास्क किलर्स डिसेबल असायला हवेत.
- जर तुम्ही मोबाईल फोन द्वारे तुमचा नंबर सत्यापित करत असाल तर मोबाईल डेटा किंवा वाय-फाय मार्फत तुमच्याकडे सक्रिय इंटरनेट कनेक्शन असणे गरजेचे आहे. जर तुम्ही रोमिंग मध्ये असाल किंवा जर कनेक्शन चांगले नसेल तर ही पडताळणी सुरळीतपणे चालणार नाही. तुमच्या फोनवरील ब्राउझर वरून https://www.whatsapp.com/business/ चालू करा आणि तुम्ही इंटरनेट कनेक्शनशी जोडले गेले आहात का ते तपासून बघा.
- जर तुम्ही लँडलाईन वरून पडताळणी करत असाल तर व्हेरिफिकेशन कोड प्राप्त करण्यासाठी मला कॉल करा वर टॅप करा.
पडताळणी कशी कराल
- तुमचा फोन नंबर एंटर करा :
- ड्रॉप डाऊन लिस्ट मधून देश निवडा. यामुळे डावीकडे आपोआप तुमचा कंट्री कोड एंटर केला जाईल.
- उजवीकडील चौकटीमध्ये मोबाईल नंबर एंटर करा. उजवीकडील चौकटीमध्ये तुमचा फोन नंबर लिहा. तुमच्या फोन नंबर अगोदर 0 लावू नका.
- पुढे वर टॅप करून व्हेरिफिकेशन कोड प्राप्त करा. तुम्ही मला कॉल करा वापरून फोन कॉल द्वारे देखील कोड प्राप्त करू शकता.
एसएमएस किंवा फोन कॉल मार्फत प्राप्त झालेला सहा अंकी व्हेरिफिकेशन कोड एंटर करा.
- टीप : तुमच्याकडे iCloud कीचेन सक्षम केलेली असल्यास आणि यापूर्वी या नंबरचे व्हेरिफिकेशन केले गेले असल्यास नवीन एसएमएस कोड प्राप्त न करता आपोआपच पडताळणी होऊ शकते.
लँडलाईन साठी एक्सटेंशन नंबर वापरणे
व्हेरिफिकेशन प्रक्रिया पूर्ण करण्यासाठी लँडलाइन एक्सटेंशन नंबरला सपोर्ट केला जात नाही. तुमच्या फोन नंबरच्या पडताळणीसाठी तुमच्या लँडलाईन नंबरचे एक्सटेंशन्स वापरू नका. सुरक्षेच्या उद्देशाने, तुमच्या व्यवसाय खात्यासाठी तुम्ही जो नंबर वापरणार असाल केवळ त्याच लँडलाइन नंबरवर सहा-अंकी व्हेरिफिकेशन कोड पाठविला जातो.
जर तुम्ही एसएमएस द्वारे सहा अंकी कोड प्राप्त केला नाहीत
समस्यांचे निराकरण
तुम्हाला व्हेरिफिकेशन प्रक्रियेमध्ये अडचणी येत असतील तर खालील उपाय करून बघा :
- तुमचा फोन रीबूट करा (फोन रीबूट करण्यासाठी तो बंद करा ३० सेकंद प्रतीक्षा करा आणि तो परत सुरु करा).
- WhatsApp Business ची जुनी आवृत्ती हटवून नवीन आवृत्ती इंस्टॉल करा.
योग्य पणे संदेश प्राप्त होत आहेत का हे पाहण्यासाठी कोणत्याही मोबाईल वरून एक टेस्ट एसएमएस ज्या फोनवर तुम्ही सत्यापन करीत आहात त्यावर संदेश पाठवून बघा. यामुळे तुमच्याकडे चांगले कनेक्शन आहे की नाही हे तपासता येईल.(यासाठी तुमच्या स्वतःच्या फोनवर तुम्ही ज्या स्वरूपात कंट्री कोड सहित तुमचा WhatsApp Business नंबर एंटर केलेला आहे तसाच लिहा).
- टीप : आम्ही सुरक्षा कारणांमुळे तुमचा व्हेरिफिकेशन कोड अन्य पद्धतींद्वारे पाठवू शकत नाही.