عارضی طور پر پابندی لگے اکاؤنٹس کے بارے میں
اگر آپ کو ایپ میں پیغام موصول ہو جس کے مطابق آپ کے اکاؤنٹ ‘پر عارضی طور پر پابندی لگی ہے’ تو اس کا مطلب ہے کہ آپ ممکنہ طور پر آفیشل WhatsApp ایپ استعمال کرنے کے بجائے WhatsApp کا غیر معاونت یافتہ ورژن استعمال کر رہے ہیں یا آپ پر ناقابل قبول طریقوں سے معلومات کے حصول کا شبہ ہے، جسے اسکریپنگ بھی کہا جاتا ہے۔ اگر آپ عارضی طور پر پابندی لگنے کے بعد آفیشل ایپ پر سوئچ نہیں کرتے یا اسکریپنگ جاری رکھتے ہیں تو ممکن ہے کہ آپ کے WhatsApp استعمال کرنے پر مستقل پابندی لگا دی جائے۔
اسکریپنگ کسی بھی غیر اجازت یافتہ مقصد کے لیے خودکار یا مینوئل ٹول کے ذریعے کسی مخصوص ہدف کے مطابق یا بڑے پیمانے پر معلومات حاصل کرنا ہے۔ اس طرح سے صارف کی معلومات کا حصول، بشمول فون نمبرز، صارف کی پروفائل کی تصاویر اور WhatsApp سے اسٹیٹسز، ہماری سروس کی شرائط کی خلاف ورزی ہے۔
غیر معاونت یافتہ ایپس، جیسے کہ WhatsApp Plus، GB WhatsApp یا ایپس جو آپ کی WhatsApp چیٹس کو فونز کے بیچ منتقل کرنے کا دعوی کرتی ہیں دراصل WhatsApp کے تبدیل شدہ اور بنا اجازت والے ورژنز ہیں۔ یہ غیر آفیشل ایپس فریقین ثالث کی جانب سے بنائی گئی ہیں اور ہماری سروس کی شرائط کی خلاف ورزی کرتی ہیں۔ WhatsApp ان تیسری پارٹی کی ایپس کو سپورٹ نہیں کرتا کیونکہ ہم ان کے سیکیورٹی کے طریقوں کی توثیق نہیں کر سکتے۔
آفیشل WhatsApp ایپ پر سوئچ کرنے کا طریقہ
ممکن ہے کہ آفیشل WhatsApp ایپ پر منتقل ہونے سے پہلے آپ کو اپنی پرانی چیٹس کا بیک اپ لینا پڑے۔ آپ جو غیر معاونت یافتہ ایپ استعمال کر رہے ہیں اس کا نام تعین کرے گا کہ آیا آپ کو اپنی پرانی چیٹس منتقل کرنے کی ضرورت ہے یا نہیں۔ مزید آپشنز > سیٹنگز > مدد > ایپ کی معلومات پر ٹیپ کر کے ایپ کا نام تلاش کریں۔ ایپ کے نام کے لحاظ سے مندرجہ ذیل مراحل فالو کریں: WhatsApp Plus یا GB WhatsApp۔
Android صارفین کے لیے، اگر آپ WhatsApp Plus یا GB WhatsApp جیسی کوئی ایپ استعمال کر رہے ہیں تو ہم تجویز کرتے ہیں کہ آپ آفیشل WhatsApp ایپ ڈاؤن لوڈ کرنے سے پہلے اپنی پرانی چیٹس محفوظ کر لیں۔
GB WhatsApp
آپ کی پرانی چیٹس محفوظ اور منتقل کرنے کیلئے ہم مندرجہ ذیل مراحل فالو کرنے کی تجویز دیتے ہیں۔ ان مراحل کو فالو نہ کرنے کی وجہ سے پرانی چیٹس ضائع ہو سکتی ہے۔ براہ کرم نوٹ کریں کہ ہم یہ ضمانت نہیں دیتے کہ ان پرانی چیٹس کی منتقلی کامیاب ہوگی کیونکہ WhatsApp غیر آفیشل ایپس کو سپورٹ نہیں کرتا۔
- اپنی عارضی پابندی کے ختم ہونے کا انتظار کریں۔ ٹائمر آپ کو پابندی کی مدت دکھائے گا۔
- GB WhatsApp میں، مزید آپشنز > چیٹس > چیٹس کا بیک اپ لیں پر ٹیپ کریں۔
- فون کی ترتیبات پر جائیں > اسٹوریج > فائلز پر ٹیپ کریں۔
- فولڈر GB WhatsApp تلاش کریں اور اسے منتخب کرنے کیلئے ٹیپ کریں اور دبا کر رکھیں۔
- بالائی دائیں کونے میں، مزید > نیا نام رکھیں پر ٹیپ کریں اور فولڈر کا نیا نام ‘WhatsApp’ رکھ دیں۔
- Play اسٹور پر جائیں اور آفیشل WhatsApp ایپ ڈاؤن لوڈ کریں۔ اگر آپ Play اسٹور تک رسائی حاصل نہیں کر سکتے تو یہاں ایپ ڈاؤن لوڈ کریں۔
- WhatsApp میں، اپنے فون نمبر کی توثیق کریں۔ اس مضمون میں توثیق کرنے کا طریقہ جانیں۔
- بیک اپ مل جانے کی اسکرین پر، بحال کریں > اگلا پر ٹیپ کریں۔
- WhatsApp کو آپ کی موجودہ چیٹس لوڈ کرنی چاہئیں۔
WhatsApp Plus
اگر آپ کی پرانی چیٹس پہلے محفوظ ہوئی ہوں تو انہیں خود کار طور پر آفیشل WhatsApp ایپ پر منتقل ہو جانا چاہیئے۔ ہمارے امدادی مرکز میں اپنی پرانی چیٹ کو محفوظ کرنے کا طریقہ سیکھیں۔
- Play اسٹور پر جائیں اور آفیشل WhatsApp ایپ ڈاؤن لوڈ کریں۔ اگر آپ Play Store تک رسائی حاصل نہیں کر سکتے تو یہاں ایپ ڈاؤن لوڈ کریں۔
- اپنے فون نمبر کی توثیق کریں۔ اس مضمون میں توثیق کرنے کا طریقہ جانیں۔