ਅਸੀਂ ਤੁਹਾਡੀ ਮਦਦ ਕਿਵੇਂ ਕਰ ਸਕਦੇ ਹਾਂ?
ਅੱਪਡੇਟ ਲਾਗੂ ਹੋਣ ਦੀ ਮਿਤੀ ਨੂੰ ਕੀ ਹੋਵੇਗਾ?
15 ਮਈ ਨੂੰ ਇਸ ਅੱਪਡੇਟ ਦੇ ਲਾਗੂ ਹੋਣ ਤੋਂ ਬਾਅਦ, ਕਿਸੇ ਦਾ ਵੀ WhatsApp ਖਾਤਾ ਹਟਾਇਆ ਨਹੀਂ ਜਾਵੇਗਾ ਅਤੇ ਨਾ ਹੀ ਇਸਦਾ ਕੋਈ ਫੀਚਰ ਕੰਮ ਕਰਨਾ ਬੰਦ ਕਰੇਗਾ।
ਅੱਪਡੇਟ ਬਾਰੇ ਵਧੇਰੇ ਜਾਣਕਾਰੀ ਉਪਲਬਧ ਕਰਵਾਉਣ ਲਈ, ਅਸੀਂ ਪਿਛਲੇ ਕਈ ਹਫ਼ਤਿਆਂ ਤੋਂ WhatsApp ਵਿੱਚ ਸੂਚਨਾ ਦਿਖਾ ਰਹੇ ਹਾਂ। ਅਸੀਂ ਸਾਰੇ ਵਰਤੋਂਕਾਰਾਂ ਨੂੰ ਇਸ ਅੱਪਡੇਟ ਦੀ ਜਾਂਚ-ਪੜਤਾਲ ਕਰਨ ਲਈ ਪੂਰਾ ਸਮਾਂ ਦਿੱਤਾ ਹੈ ਅਤੇ ਜਿਹਨਾਂ ਨੂੰ ਹਾਲੇ ਤੱਕ ਇਸਦੀ ਜਾਂਚ-ਪੜਤਾਲ ਕਰਨ ਅਤੇ ਇਸਨੂੰ ਸਵੀਕਾਰ ਕਰਨ ਦਾ ਮੌਕਾ ਨਹੀਂ ਮਿਲਿਆ, ਉਹਨਾਂ ਨੂੰ ਅਸੀਂ ਦੁਬਾਰਾ ਇਸ ਬਾਰੇ ਯਾਦ ਕਰਵਾਉਣਾ ਚਾਹੁੰਦੇ ਹਾਂ। ਕੁਝ ਹਫ਼ਤਿਆਂ ਬਾਅਦ, ਵਰਤੋਂਕਾਰਾਂ ਨੂੰ ਪ੍ਰਾਪਤ ਹੋਣ ਵਾਲਾ ਰਿਮਾਇੰਡਰ ਉਹਨਾਂ ਨੂੰ ਸਥਾਈ ਤੌਰ 'ਤੇ ਦੇਖਣ ਨੂੰ ਮਿਲੇਗਾ।
ਸਥਾਈ ਤੌਰ 'ਤੇ ਰਿਮਾਇੰਡਰ ਮਿਲਣ ਤੋਂ ਬਾਅਦ ਕੀ ਹੋਵੇਗਾ?
ਹੁਣ ਜੇ ਤੁਸੀਂ ਅੱਪਡੇਟ ਨੂੰ ਸਵੀਕਾਰ ਨਹੀਂ ਕਰੋਗੇ ਤਾਂ ਤੁਸੀਂ WhatsApp ਦੇ ਕੁਝ ਸੀਮਿਤ ਫੀਚਰਾਂ ਦੀ ਹੀ ਵਰਤੋਂ ਕਰ ਸਕੋਗੇ। ਅਜਿਹਾ ਸਾਰੇ ਵਰਤੋਂਕਾਰਾਂ ਦੇ ਨਾਲ ਇੱਕੋ ਸਮੇਂ 'ਤੇ ਨਹੀਂ ਹੋਵੇਗਾ।
- ਤੁਸੀਂ ਆਪਣੀ ਚੈਟ ਸੂਚੀ ਤੱਕ ਪਹੁੰਚ ਨਹੀਂ ਕਰ ਸਕੋਗੇ, ਪਰ ਤੁਸੀਂ ਆਉਣ ਵਾਲੀਆਂ ਆਡੀਓ ਅਤੇ ਵੀਡੀਓ ਕਾਲਾਂ ਦਾ ਜਵਾਬ ਦੇ ਸਕੋਗੇ। ਜੇ ਤੁਸੀਂ ਸੂਚਨਾਵਾਂ ਨੂੰ ਸਮਰੱਥ ਕੀਤਾ ਹੋਇਆ ਹੈ ਤਾਂ ਤੁਸੀਂ ਉਸ ਨੂੰ ਛੂਹ ਕੇ ਸੁਨੇਹਾ ਪੜ੍ਹ ਸਕਦੇ ਹੋ ਅਤੇ ਉਸ ਦਾ ਜਵਾਬ ਦੇ ਸਕਦੇ ਹੋ ਜਾਂ ਮਿਸ ਹੋਈ ਆਡੀਓ ਜਾਂ ਵੀਡੀਓ ਕਾਲ ਨੂੰ ਮੁੜ-ਕਾਲ ਕਰ ਸਕਦੇ ਹੋ।
- ਕੁਝ ਹਫ਼ਤੇ ਇਹ ਸੀਮਿਤ ਫੀਚਰ ਮਿਲਣ ਤੋਂ ਬਾਅਦ, ਤੁਹਾਨੂੰ ਆਉਣ ਵਾਲੀਆਂ ਕਾਲਾਂ ਜਾਂ ਸੂਚਨਾਵਾਂ ਵੀ ਪ੍ਰਾਪਤ ਨਹੀਂ ਹੋਣਗੀਆਂ ਅਤੇ WhatsApp ਤੁਹਾਡੇ ਫ਼ੋਨ ਉੱਤੇ ਸੁਨੇਹੇ ਅਤੇ ਕਾਲਾਂ ਭੇਜਣਾ ਬੰਦ ਕਰ ਦੇਵੇਗਾ।
ਤੁਸੀਂ Android ਜਾਂ iPhone ਵਿੱਚ ਆਪਣੀ ਪੁਰਾਣੀ ਚੈਟ ਨੂੰ ਨਿਰਯਾਤ ਕਰ ਸਕਦੇ ਹੋ ਅਤੇ ਆਪਣੇ ਖਾਤੇ ਦੀ ਰਿਪੋਰਟ ਡਾਊਨਲੋਡ ਕਰ ਸਕਦੇ ਹੋ।
- ਤੁਸੀਂ ਆਪਣੇ-ਆਪ ਆਪਣੀ ਚੈਟ ਨਿਰਯਾਤ ਕਰ ਸਕਦੇ ਹੋ ਅਤੇ ਆਪਣੇ ਖਾਤੇ ਦੀ ਰਿਪੋਰਟ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਹਾਨੂੰ ਆਪਣੇ ਖਾਤੇ ਦੀ ਰਿਪੋਰਟ ਡਾਊਨਲੋਡ ਕਰਨ ਜਾਂ ਆਪਣੇ ਖਾਤੇ ਨੂੰ ਹਟਾਉਣ ਸਬੰਧੀ ਕੋਈ ਮਦਦ ਚਾਹੀਦੀ ਹੈ, ਤਾਂ ਤੁਸੀਂ ਇੱਥੇ ਸਾਡੇ ਨਾਲ ਸੰਪਰਕ ਕਰ ਸਕਦੇ ਹੋ।
ਜੇ ਤੁਸੀਂ ਅੱਪਡੇਟ ਨੂੰ ਸਵੀਕਾਰ ਨਹੀਂ ਕਰਦੇ ਹੋ, ਤਾਂ WhatsApp ਵੱਲੋਂ ਤੁਹਾਡਾ ਖਾਤਾ ਹਟਾਇਆ ਨਹੀਂ ਜਾਵੇਗਾ।
- ਇਹ ਗੱਲ ਧਿਆਨ ਵਿੱਚ ਰੱਖੋ ਕਿ ਇਸ ਸਥਿਤੀ ਵਿੱਚ ਸਾਡੀ ਅਕਿਰਿਆਸ਼ੀਲ ਵਰਤੋਂਕਾਰਾਂ ਨਾਲ ਸਬੰਧਿਤ ਮੌਜੂਦਾ ਨੀਤੀ ਲਾਗੂ ਹੋਵੇਗੀ।
- ਜੇ ਤੁਸੀਂ Android, iPhone ਜਾਂ KaiOS ਤੋਂ ਆਪਣਾ ਖਾਤਾ ਹਟਾਉਣਾ ਚਾਹੁੰਦੇ ਹੋ, ਤਾਂ ਸਾਡੀ ਬੇਨਤੀ ਹੈ ਕਿ ਤੁਸੀਂ ਆਪਣੇ ਫ਼ੈਸਲੇ ਉੱਤੇ ਮੁੜ ਵਿਚਾਰ ਜ਼ਰੂਰ ਕਰੋ। ਜੇ ਤੁਸੀਂ ਆਪਣਾ ਖਾਤਾ ਹਟਾਉਂਦੇ ਹੋ ਤਾਂ ਤੁਹਾਡੇ ਪੁਰਾਣੇ ਸੁਨੇਹਿਆਂ ਨੂੰ ਹਟਾ ਦਿੱਤਾ ਜਾਵੇਗਾ, ਤੁਹਾਨੂੰ ਤੁਹਾਡੇ ਸਾਰੇ WhatsApp ਗਰੁੱਪਾਂ ਵਿੱਚੋਂ ਹਟਾ ਦਿੱਤਾ ਜਾਵੇਗਾ ਅਤੇ ਤੁਹਾਡੇ WhatsApp ਦੇ ਸਾਰੇ ਬੈਕਅੱਪ ਵੀ ਹਟਾ ਦਿੱਤੇ ਜਾਣਗੇ। ਇਹ ਸਭ ਮੁੜ-ਬਹਾਲ ਕਰਨ ਵਿੱਚ ਅਸੀਂ ਤੁਹਾਡੀ ਮਦਦ ਨਹੀਂ ਕਰ ਸਕਾਂਗੇ।