तुम्ही आणि एखादी व्यक्ती यांच्यामधील मेसेजेस आणि कॉल्स हे एन्ड-टू-एन्ड एन्क्रिप्शनने सुरक्षित आहेत का हे पडताळून पाहण्यासाठी तुमच्या प्रत्येक चॅटला एक स्वतंत्र सुरक्षा कोड असतो. हा कोड तुम्हाला संपर्क माहिती स्क्रीनमध्ये क्यु आर कोड आणि ६०-अंकी कोड अशा दोन्ही स्वरूपात मिळू शकतो. प्रत्येक चॅटसाठी एक युनिक कोड असतो. तुम्ही ज्यांना मेसेजेस पाठवत आहात त्या व्यक्तीसोबत त्या कोडची तुलना करून तुम्ही पाठवलेले मेसेजेस एन्ड-टू-एन्ड एन्क्रिप्शनने सुरक्षित आहेत का याची पडताळणी करता येते. सुरक्षा कोड म्हणजे तुमच्याशी शेअर केलेल्या स्पेशल किल्लीचे दर्शनीय स्वरूप असते. काळजी करू नका, ही खरी किल्ली नसते, खरी किल्ली नेहमीच गुप्त ठेवली जाते.

एन्ड-टू-एन्ड एन्क्रिप्शन मध्ये वापरण्यात येणारे सुरक्षा कोड कधीकधी बदलू शकतात. तुम्ही किंवा तुमच्या संपर्क यादीतील एखाद्या संपर्काने WhatsApp परत इंस्टॉल केल्याने किंवा फोन बदलल्याने असे होऊ शकते.

सुरक्षा कोड बदलल्याची नोटिफिकेशन्स मिळवण्यासाठी:

1. WhatsApp सेटिंग्ज उघडा.
2. खाते > सुरक्षा यावर टॅप करा.
3. इथे, सुरक्षा नोटिफिकेशन्स दाखवा यावर टॅप करून तुम्ही सुरक्षा नोटिफिकेशन्स सुरू करू शकता.

टीप: हे फीचर तुमच्यासोबत एन्ड-टू-एन्ड एन्क्रिप्शनने सुरक्षित असलेले चॅट करणाऱ्या संपर्कासाठीच उपलब्ध आहे.

तुमच्या संपर्काचा सुरक्षा कोड वैध आहे का हे तुम्ही नेहमीच तपासून पाहू शकता. ते कसे करावे हे जाणून घेण्यासाठी एन्ड-टू-एन्ड एन्क्रिप्शनबद्दलचा हा लेख पहा.