તમે Android, iPhone અને KaiOS પર ગમતો વિકલ્પ પસંદ કરીને તમને ગ્રૂપમાં કોણ ઉમેરી શકે તે નક્કી કરી શકો છો.

1. WhatsApp સેટિંગમાં જાઓ:
   • Android પર: વધુ વિકલ્પો > સેટિંગ > એકાઉન્ટ > પ્રાઇવસી > ગ્રૂપ પર દબાવો.
   • iPhone પર: સેટિંગ > એકાઉન્ટ > પ્રાઇવસી > ગ્રૂપ પર દબાવો.
   • KaiOS પર: વિકલ્પો > સેટિંગ > એકાઉન્ટ > પ્રાઇવસી > ગ્રૂપ પર દબાવો.
2. નીચેનામાંથી એક વિકલ્પ પસંદ કરો:
   • બધા: દરેક વ્યક્તિ, તમારી એડ્રેસ બુકના સંપર્કોમાં ન હોય તે લોકો પણ તમારી મંજૂરી વગર તમને ગ્રૂપમાં ઉમેરી શકે.
   • મારા સંપર્કો: તમારા ફોનની એડ્રેસ બુકમાં હોય માત્ર તે જ સંપર્કો તમને ગ્રૂપમાં તમારી મંજૂરી વગર ઉમેરી શકે. તમારા ફોનની એડ્રેસ બુકમાં ન હોય તેવા કોઈ ગ્રૂપ એડમિન જો તમને ગ્રૂપમાં ઉમેરવાનો પ્રયત્ન કરે, તો તેમને મેસેજ મળશે કે તેઓ તમને ગ્રૂપમાં ઉમેરી નહિ શકે અને તેમને ગ્રૂપમાં આમંત્રિત કરો કે ચાલુ રાખો પર દબાવવા માટે અને ત્યારબાદ વ્યક્તિગત ચેટ દ્વારા ગ્રૂપમાં જોડાવાનું અંગત આમંત્રણ મોકલવા માટે 'મોકલો' બટન પર દબાવવા માટે પૂછવામાં આવશે. તમારી પાસે આમંત્રણ સ્વીકારવા માટે ત્રણ દિવસનો સમય હશે, ત્યારબાદ આમંત્રણની લિંક કામ નહિ કરે.
   • આ સિવાયના મારા સંપર્કો…: તમે જેમને બાકાત રાખ્યા હોય તે સિવાયના તમારા ફોનની એડ્રેસ બુકના સંપર્કો જ તમને ગ્રૂપમાં તમારી મંજૂરી વગર ઉમેરી શકે. આ સિવાયના મારા સંપર્કો… પસંદ કર્યા પછી તમારે જે સંપર્કોને બાકાત રાખવા હોય તેમને શોધી કે પસંદ કરી શકો છો. તમે બાકાત રાખેલા કોઈ ગ્રૂપ એડમિન જો તમને ગ્રૂપમાં ઉમેરવાનો પ્રયત્ન કરે, તો તેમને મેસેજ મળશે કે તેઓ તમને ગ્રૂપમાં ઉમેરી નહિ શકે અને તેમને ગ્રૂપમાં આમંત્રિત કરો પર દબાવવા માટે અને ત્યારબાદ વ્યક્તિગત ચેટ દ્વારા ગ્રૂપમાં જોડાવાનું અંગત આમંત્રણ મોકલવા માટે 'મોકલો' બટન પર દબાવવા માટે પૂછવામાં આવશે. તમારી પાસે આમંત્રણ સ્વીકારવા માટે ત્રણ દિવસનો સમય હશે, ત્યારબાદ આમંત્રણની લિંક કામ નહિ કરે.
3. જો પૂછવામાં આવે, તો થઈ ગયું અથવા ઓકે પર દબાવો.

નોંધ: WhatsApp વેબ કે ડેસ્કટોપ પર ગ્રૂપ પ્રાઇવસી સેટિંગ ઉપલબ્ધ નથી.