گروپ کی رازداری کی سیٹنگز تبدیل کرنے کا طریقہ
WhatsApp پر ہمیشہ سے اس بات کی اجازت ہے کہ اگر کسی کے پاس آپ کا فون نمبر ہو تو وہ آپ کو پیغام بھیج سکتا ہے یا کسی گروپ میں شامل کر سکتا ہے۔ یہ بالکل ایسا ہی ہے جیسے اگر کسی کے پاس آپ کے رابطہ کی معلومات ہوں تو وہ آپ کو SMS پیغام یا ای میل بھیج سکتا ہے۔
ڈیفالٹ طور پر، آپ کی گروپ کی رازداری کی سیٹنگز ہر کوئی پر سیٹ ہوتی ہیں تاکہ آپ WhatsApp پر آسانی سے دوستوں اور فیملی سے منسلک ہو سکیں چاہے وہ آپ کے رابطوں کی فہرست میں موجود نہ ہوں۔
اضافی رازداری کے لیے، آپ WhatsApp سیٹنگز ایڈجسٹ کر کے یہ کنٹرول کر سکتے ہیں کہ کون آپ کو گروپس میں شامل کر سکتا ہے۔
نوٹ: WhatsApp ویب یا ڈیسک ٹاپ پر گروپ کی رازداری کی سیٹنگز میں تبدیلی نہیں کی جا سکتی، لیکن آپ کے فون کی سیٹنگز WhatsApp ویب اور ڈیسک ٹاپ کے ساتھ مطابقت پذیر ہوں گی۔
گروپ کی رازداری کی سیٹنگز تبدیل کریں
- WhatsApp سیٹنگز پر جائیں:
- Android: مزید آپشنز
- iPhone: سیٹنگز > اکاؤنٹ > رازداری > گروپس پر ٹیپ کریں۔
- KaiOS: آپشنز > سیٹنگز > اکاؤنٹ > رازداری > گروپس کو دبائیں۔
- Android: مزید آپشنز
- مندرجہ ذیل میں سے کوئی ایک آپشن منتخب کریں:
- ہر کوئی: وہ لوگ جو آپ کے فون کی ایڈریس بک کے روابط میں نہیں ہیں انہیں سمیت ہر کوئی آپ کی منظوری کے بغیر آپ کو گروپس میں شامل کر سکتا ہے۔
- میرے روابط: صرف آپ کے فون کی ایڈریس بک میں موجود روابط ہی آپ کی منظوری کے بغیر آپ کو گروپس میں شامل کر سکتے ہیں۔ اگر کوئی گروپ ایڈمن جو آپ کے فون کی ایڈریس بک میں نہیں ہے، آپ کو کسی گروپ میں شامل کرنے کی کوشش کرتا ہے تو اسے ایک پاپ اپ موصول ہوگا جس پر لکھا ہوگا کہ وہ آپ کو شامل نہیں کر سکتا اور گروپ میں مدعو کریں پر ٹیپ کرنے یا جاری رکھیں کو دبانے کے لیے کہا جائے گا، اس کے بعد ‘بھیجیں’ کے بٹن کو ٹیپ کرنے کے لیے کہا جائے گا تاکہ آپ کو انفرادی چیٹ کے ذریعے ذاتی گروپ دعوت بھیجی جا سکے۔ آپ کے پاس دعوت قبول کرنے کے لیے تین دن ہوں گے جس کے بعد اس کی میعاد ختم ہو جائے گی۔
- میرے روابط سوائے…: صرف آپ کے فون کی ایڈریس بک میں موجود روابط ہی آپ کی منظوری کے بغیر آپ کو گروپس میں شامل کر سکتے ہیں سوائے ان کے جنہیں آپ نے خارج کیا ہو۔ میرے روابط سوائے… منتخب کرنے کے بعد آپ خارج کرنے کے لیے روابط تلاش یا منتخب کر سکتے ہیں۔ اگر آپ کا خارج کردہ کوئی گروپ ایڈمن آپ کو کسی گروپ میں شامل کرنے کی کوشش کرتا ہے تو اسے ایک پاپ اپ موصول ہوگا جس پر لکھا ہوگا کہ وہ آپ کو شامل نہیں کر سکتا اور اس سے گروپ میں مدعو کریں پر ٹیپ کرنے کیلئے کہا جائے گا، اس کے بعد ‘بھیجیں’ کے بٹن کو ٹیپ کرنے کے لیے کہا جائے گا تاکہ آپ کو انفرادی چیٹ کے ذریعے ذاتی گروپ دعوت بھیجی جا سکے۔ آپ کے پاس دعوت قبول کرنے کے لیے تین دن ہوں گے جس کے بعد اس کی میعاد ختم ہو جائے گی۔
- اگر کہا جائے تو ہوگیا پر ٹیپ کریں یا ٹھیک ہے دبائیں۔
متعلقہ مضامین:
روابط کو بلاک اور انبلاک کرنے کا طریقہ: Android | iPhone | KaiOS