WhatsApp imekuwa ikiruhusu mtu yeyote aliye na nambari yako ya simu kukutumia ujumbe au kukuongeza kwenye kikundi. Hii ni sawa na jinsi mtu yeyote anavyoweza kukutumia ujumbe wa SMS au barua pepe ikiwa ana taarifa zako za mawasiliano.

Kimsingi, mipangilio ya faragha ya kikundi chako imewekwa kuwa Kila mtu ili uweze kuungana kwa urahisi na ndugu na marafiki, hata kama hawapo kwenye orodha ya unaowasiliana nao.

Kwa faragha zaidi, pia tumeongeza uwezo wa kudhibiti ni nani anaweza kukuongeza kwenye kikundi kwa kurekebisha Mipangilio yako ya WhatsApp.

Kumbuka: Mabadiliko kwenye mipangilio ya faragha ya kikundi hayawezi kufanywa kwenye WhatsApp Web au Desktop, lakini mipangilio kwenye simu yako itasawazishwa na WhatsApp Web na WhatsApp Desktop.

Kubadilisha mipangilio ya faragha ya kikundi

1. Nenda kwenye WhatsApp Mipangilio:
   • Android: Gusa Chaguo zaidi > Mipangilio > Akaunti > Faragha > Vikundi.
   • iPhone: Gusa Mipangilio > Akaunti > Faragha > Vikundi.
   • KaiOS: Bonyeza Chaguo > Mipangilio > Akaunti > Faragha > Vikundi.
2. Chagua mojawapo ya zifuatazo:
   • Kila mtu: Kila mtu, wakiwemo wasio kwenye kitabu cha anwani cha simu yako, wanaweza kukuongeza kwenye vikundi bila idhini yako.
   • Waasiliani Wangu: Walio kwenye kitabu chako cha anwani pekee ndio wanaweza kukuongeza kwenye vikundi bila idhini yako. Msimamizi wa kikundi ambaye hayupo kwenye kitabu chako cha anwani akijaribu kukuongeza kwenye kikundi, atapata arifa ibukizi itakayomwambia hawezi kukuongeza na itamuuliza aguse Alika kwenye Kikundi au abonyeze Endelea, ikifuatiwa na kitufe cha kutuma, ili atume mwaliko wa kikundi kupitia soga ya binafsi. Utakuwa na siku tatu za kukubali mwaliko kabla ya muda wake kuisha.
   • Waasiliani Wangu Isipokuwa...: Walio kwenye kitabu chako cha anwani pekee, isipokuwa wale unaowatenga, wanaweza kukuongeza kwenye vikundi bila idhini yako. Baada ya kuchagua Waasiliani Wangu Isipokuwa... unaweza kutafuta au kuchagua waasiliani wa kuwatenga. Msimamizi wa kikundi ambaye hujamjumuisha akijaribu kukuongeza kwenye kikundi, atapata arifa itakayomwambia hawezi kukuongeza na itamuuliza aguse Alika kwenye Kikundi ikifuatiwa na kitufe cha tuma, ili akutumie mwaliko wa kujiunga na kikundi kupitia soga ya binafsi. Utakuwa na siku tatu za kukubali mwaliko kabla ya muda wake kuisha.
3. Ukidokezewa, gusa NIMEMALIZA au bonyeza SAWA.

Rasilimali zinazohusiana:

Jinsi ya kuzuia na kuruhusu waasiliani: Android | iPhone | KaiOS