પ્રાઇવસી અને સુરક્ષા અમારા ડીએનએમાં છે, એટલે જ અમે શરૂથી અંત સુધીની સુરક્ષા પૂરી પાડીએ છીએ. જ્યારે શરૂથી અંત સુધી સુરક્ષિત હોય, ત્યારે તમારા મેસેજ, ફોટા, વીડિયો, વોઇસ મેસેજ, ડોક્યુમેન્ટ, સ્ટેટસ અપડેટ અને કૉલ ખોટા હાથમાં પડવા સામે સુરક્ષિત છે.

WhatsAppની શરૂથી અંત સુધીની સુરક્ષા, એ વાતની ખાતરી કરે છે કે તમે અને તમે જેની સાથે વાતચીત કરો છો એ જ માત્ર એકબીજાના મેસેજ વાંચી શકે, બીજું કોઈ જ નહિ, WhatsApp પણ નહિ. તમારા મેસેજ લૉકથી સુરક્ષિત હોય છે, અને માત્ર તમારી અને મેળવનાર પાસે જ એને ખોલીને વાંચવા માટેની ખાસ ચાવી હોય છે. વધુ સુરક્ષા માટે, તમે મોકલો છો એ દરેક મેસેજ એક અલગ લૉક અને ચાવીથી સુરક્ષિત છે. આ બધું આપમેળે થાય છે: તમારા મેસેજ સુરક્ષિત રાખવા માટે ના તો કોઈ સેટિંગ ચાલુ કરવાની જરૂર છે કે ના તો કોઈ ખાનગી ચેટ માટે સેટઅપની જરૂર છે.

નોંધ: શરૂથી અંત સુધીની સુરક્ષા હંમેશાં ચાલુ હોય છે. શરૂથી અંત સુધીની સુરક્ષાને બંધ કરવાની કોઈ રીત નથી.

પસંદગીના દેશોમાં ઉપલબ્ધ WhatsApp પેમેન્ટ, નાણાકીય સંસ્થઓમાં એકાઉન્ટ વચ્ચે ટ્રાન્સફરને શક્ય બનાવે છે. કાર્ડ અને બેંકના નંબરોને ઉચ્ચ ગુણવત્તાવાળા સુરક્ષિત નેટવર્ક પર સાચવવામાં આવે છે. જોકે, નાણાકીય સંસ્થાઓ આ પેમેન્ટને લગતી માહિતી મેળવ્યા વગર પૈસાની લેવડદેવડ પૂરી કરી શકતી ન હોવાથી, આ પેમેન્ટ શરૂથી અંત સુધી સુરક્ષિત કરેલા નથી હોતા.

સંપર્કની માહિતીવાળી સ્ક્રીનમાં “સુરક્ષા કોડની ખાતરી કરો”ની સ્ક્રીન શું છે?

તમારી દરેક ચેટ માટે એક ખાસ સુરક્ષા કોડ હોય છે, જેનો ઉપયોગ તમે કરેલા કૉલ અને મોકલેલા મેસેજ શરૂથી અંત સુધી સુરક્ષિત છે તેની ખાતરી કરવા માટે થાય છે.

નોંધ: ખાતરી કરવાની પ્રક્રિયા વૈકલ્પિક છે અને તેનો ઉપયોગ તમે મોકલેલા મેસેજ શરૂથી અંત સુધી સુરક્ષિત છે એની માત્ર ખાતરી કરવા માટે કરાય છે.

આ કોડને સંપર્કની માહિતીવાળી સ્ક્રીન પર QR કોડ અને 60 આંકડાવાળા નંબર રૂપે જોઈ શકાય છે. આ કોડ દરેક ચેટમાં જુદો હોય છે અને ચેટમાં જે મેસેજ મોકલો છો એ શરૂથી અંત સુધી સુરક્ષિત છે તેની ખાતરી કરવા માટે તમે આવા કોડને બન્ને વ્યક્તિઓની ચેટમાં સરખાવી શકો છે. સુરક્ષા કોડ તો ખાલી તમારા બન્ને વચ્ચે શેર કરેલી એક ખાસ ચાવી તરીકે દેખાય છે - અને ચિંતા ના કરતા, તે અસલી ચાવી નથી હોતી, એને હંમેશાં ખાનગી જ રખાય છે.

ચેટ શરૂથી અંત સુધી સુરક્ષિત છે તેની ખાતરી કરવા માટે

1. ચેટ ખોલો.
2. સંપર્કની માહિતીવાળી સ્ક્રીન ખોલવા માટે તે સંપર્કના નામ પર દબાવો.
3. QR કોડ અને 60 અંકના નંબરને જોવા ડેટા કવચ પર દબાવો.

જો તમે અને તમારો સંપર્ક એકબીજાની સાથે હો, તો તમારામાંથી કોઈ પણ QR કોડને સ્કેન કરી શકે છે અથવા તો 60 અંકનો નંબર સરખાવી શકે છે. જો તમે QR કોડને સ્કેન કરો અને કોડ ખરેખર સરખો હોય, તો એક લીલા રંગની ખરાની નિશાની દેખાશે. બન્ને મેળ ખાતા હોવાથી, તમે બેફિકર રહી શકો છો કે તમારો કૉલ કે મેસેજ કોઈ આંતરી રહ્યું નથી.

જો કોડ મેળ ન ખાતા હોય, તો બની શકે કે તમે કોઈ અલગ સંપર્કનો કોડ અથવા તો અલગ નંબર સ્કેન કરી રહ્યા હો. જો તમારા સંપર્કે હમણાં જ WhatsApp ફરી ઇન્સ્ટોલ કર્યું હોય અથવા તો ફોન બદલ્યો હોય, તો અમે તમને તમારા સંપર્કને નવો મેસેજ મોકલીને કોડ રિફ્રેશ કર્યા પછી સ્કેન કરવાની ભલામણ કરીએ છીએ.

સુરક્ષા કોડ બદલવા વિશે આ લેખમાં વધુ શીખો.

જો તમે અને તમારો સંપર્ક એકબીજાની સાથે ન હો, તો તમે તેઓને 60 અંકનો નંબર મોકલી શકો છો. એક વાર તમારા સંપર્કને કોડ મળી જાય એટલે તેમને જણાવો કે કોડને લખી લે અને તેને ડેટા કવચ નીચે સંપર્ક માહિતી સ્ક્રીન પર દેખાતા 60 અંકના નંબર સાથે સરખાવી લે. Android અને iPhone માટે 60 અંકનો નંબર SMS, ઇમેઇલ વગેરેથી મોકલવા માટે તમે સુરક્ષા કોડની ખાતરી કરો સ્ક્રીન પર આવેલું શેર કરો બટન વાપરી શકો છો.

શું બિઝનેસને કરેલા મારા કૉલ અને મેસેજ શરૂથી અંત સુધી સુરક્ષિત છે?

WhatsAppના બધા મેસેજ અને કૉલ શરૂથી અંત સુધી સુરક્ષિત છે. જોકે એ યાદ રાખવું જરૂરી છે કે જ્યારે તમે કોઈ બિઝનેસનો સંપર્ક કરો છો ત્યારે તેની સાથે સંકળાયેલા ઘણા લોકો તમારા મેસેજ જોઈ શકે છે. કોઈ બિઝનેસ તેમના વાતચીત વ્યવહારના સંચાલન માટે બીજી કંપનીને રાખી શકે છે - જેમ કે, તમારા મેસેજને સાચવવા, વાંચવા કે તેનો જવાબ આપવા.

તમે જે બિઝનેસ સાથે વાતચીત કરો છો તેઓની એ જવાબદારી છે કે તે પોતાની પ્રાઇવસી પોલિસી મુજબ તમારા મેસેજને સંભાળે. વધુ માહિતી માટે, કૃપા કરીને તે બિઝનેસનો સીધો સંપર્ક કરો. આ લેખમાં બિઝનેસ મેસેજની શરૂથી અંત સુધીની સુરક્ષા વિશે વધુ જાણો.

WhatsApp શા માટે શરૂથી અંત સુધીની સુરક્ષા પૂરી પાડે છે અને લોકોને સુરક્ષિત રાખવા માટે તેનું શું મહત્ત્વ છે?

WhatsApp જે સેવા પૂરી પાડે છે તેના માટે સુરક્ષા ખૂબ અગત્યની છે. અમે 2016માં WhatsApp પર કરાતા બધા મેસેજ અને કૉલ માટે ‘શરૂથી અંત સુધી સુરક્ષિત’ સુવિધા લાગુ કરી દીધી હતી. જેથી, કોઈની પણ પાસે તમારી વાતચીત આંતરવાનો વિકલ્પ ન રહે, તેમાં અમે પણ સામેલ છીએ. ત્યારથી, ડિજિટલ સુરક્ષા વધુ અગત્યની થઈ ગઈ છે. અમે ઘણા એવા દાખલાઓ જોયા છેે જેમાં અપરાધી હેકર દ્વારા ગેરકાયદેસર રીતે ખાનગી ડેટા પડાવીને ટેક્નોલોજીના દુરુપયોગથી તે ચોરાયેલી માહિતી વાપરીને લોકોને હેરાન કરાયા હોય. તેથી, જેમ જેમ અમે નવી સુવિધાઓ - જેવી કે વીડિયો કૉલિંગ અને સ્ટેટસ બહાર પાડી, તેમ તેમ અમે આ સુવિધાઓ માટે પણ શરૂથી અંત સુધી સુરક્ષા પૂરી પાડી છે.

WhatsApp પોતે, WhatsApp પર કરાતા મેસેજનું લખાણ વાંચવાની કે કૉલ સાંભળવાની ક્ષમતા ધરાવતું નથી. આનું કારણ એ છે કે, WhatsApp પર તમે મોકલેલા મેસેજનું ડેટા કવચ માત્ર તમારા ડિવાઇસ પર જ ખોલી કે બંધ કરી શકાય છે. કોઈ મેસેજ તમારા ડિવાઇસ પરથી જાય તે પહેલાં, તે મેસેજના લખાણને કોડમાં બદલીને તેને લૉક કરવામાં આવે છે અને માત્ર મેળવનાર પાસે તેની ચાવી હોય છે. આ ઉપરાંત, મોકલાતા દરેક મેસેજ માટે ચાવી અલગ હોય છે. આ પ્રક્રિયા પડદા પાછળ ચાલતી હોય, ત્યારે તમે તમારા ડિવાઇસ પર સુરક્ષા ખાતરીનો કોડ ચકાસીને તમારી વાતચીત સુરક્ષિત છે કે નહિ તેની ખાતરી કરી શકો છો. તમે આ બધું કેવી રીતે કામ કરે છે તેના વિશે વધુ જાણકારી અમારા શ્વેતપત્રમાંથી મેળવી શકો છો.

સ્વાભાવિક રીતે, કાયદાના અમલને લાગતાં કામો માટે લોકો શરૂથી અંત સુધીની સુરક્ષા શું છે તે પૂછે છે. દુનિયાભરની સરકારી એજન્સીઓ દ્વારા લોકોની સુરક્ષા માટે કરાતા કામોને WhatsApp બિરદાવે છે. અમે, લાગુ થતા કાયદા અને પોલિસી મુજબ સરકારી એજન્સીઓ પાસેથી આવતી વિનંતીઓની કાળજીપૂર્વક સમીક્ષા કરીને તેનો કાયદેસર જવાબ આપીએ છીએ અને ઇમર્જન્સી વિનંતીઓને જવાબ આપવમાં પ્રાથમિકતા આપીએ છીએ. અમારા શૈક્ષણિક પ્રયત્નોના ભાગરૂપે, સરકારી એજન્સીઓને માહિતગાર કરવા અમે અમારા દ્વારા ભેગી કરાતી મર્યાદિત માહિતી વિશે અને સરકારી એજન્સીઓ WhatsApp પાસેથી માહિતી મેળવવા કેવી રીતે સંપર્ક કરી શકે તે વિશે જાણકારી પ્રકાશિત કરી હતી, જે તમે અહીં વાંચી શકો છો.

WhatsApp પર સુરક્ષા વિશે વધુ જાણવા માટે કૃપા કરીને WhatsApp સુરક્ષાની મુલાકાત લો.