गोपनीयता आणि सुरक्षा आमच्या रक्तात भिनलेली आहे आणि त्यासाठीच आम्ही एन्ड टू एन्ड एन्क्रिप्शनची सुरक्षा देऊ करतो. एन्ड टू एन्ड एन्क्रिप्शनची सुरक्षा लाभलेले मेसेजेस, फोटो, व्हिडिओ, व्हॉइस मेसेजेस, डॉक्युमेंट्स, स्टेटस अपडेट्स आणि कॉल्स चुकीच्या व्यक्तीच्या हातात पडत नाहीत.
तुम्ही ज्या व्यक्तीशी संभाषण करत आहात ती व्यक्ती आणि खुद्द तुम्ही, हेच फक्त ते संभाषण वाचू अथवा ऐकू शकतात, अन्य कोणीही नाही, अगदी WhatsApp देखील नाही - अशी ग्वाही WhatsApp चे एन्ड टू एन्ड एन्क्रिप्शन देते. तुमचे मेसेजेस हे एका कुलुपाने सुरक्षित केलेले असतात आणि केवळ तुम्ही व तुम्ही ज्यांना मेसेज पाठवला आहे ती व्यक्ती, यांच्याकडेच ते कुलूप उघडून मेसेजेस वाचण्याची विशिष्ट किल्ली असते. अधिक सुरक्षेसाठी तुम्ही पाठवत असलेल्या प्रत्येक मेसेजला वेगवेगळे कुलूप आणि किल्ली असते. हे सर्व आपोआप होते: यासाठी कोणतेही नवीन सेटिंग सुरू करावे लागत नाही किंवा तुमचे चॅट सुरक्षित ठेवण्यासाठी गुप्त चॅट सेट करावे लागत नाही.
टीप: एन्ड टू एन्ड एन्क्रिप्शन नेहमीच सुरू असते. एन्ड टू एन्ड एन्क्रिप्शन कोणत्याही प्रकारे बंद करता येत नाही.
WhatsApp वरील 'पेमेंट्स' हे फीचर काही निवडक देशांमध्येच उपलब्ध आहे आणि ते एका बॅंक खात्यामधून दुसऱ्या बॅंक खात्यात WhatsApp ने पैसे ट्रान्सफर करण्याची सुविधा देते. कार्डचा नंबर आणि बॅंकेशी संबंधित नंबर्स हे एन्क्रिप्ट केलेल्या आणि उच्च सुरक्षा लाभलेल्या नेटवर्कवर स्टोअर केलेले असतात. मात्र, बॅंकांना पेमेंट्सशी संबंधित व्यवहारावर प्रक्रिया करण्यासाठी पेमेंट्सशी संबंधित माहिती लागते. त्यामुळे, ही पेमेंट्स एन्ड टू एन्ड एन्क्रिप्शनने सुरक्षित केलेली नसतात.
तुम्ही पाठवत असलेले मेसेजेस आणि कॉल्स हे एन्ड टू एन्ड एन्क्रिप्शनने सुरक्षित आहेत का हे पडताळून पाहण्यासाठी तुमच्या प्रत्येक चॅटला एक स्वतंत्र सुरक्षा कोड असतो.
टीप: पडताळणी प्रक्रिया पर्यायी आहे आणि ती तुमचे मेसेजेस एन्ड टू एन्ड एन्क्रिप्शनने सुरक्षित आहेत का हे तपासण्यासाठी वापरली जाते.
हा कोड तुम्हाला संपर्क माहिती स्क्रीनमध्ये क्यु आर कोड आणि ६०-अंकी कोड अशा दोन्ही स्वरूपात मिळू शकतो. प्रत्येक चॅटसाठी एक युनिक कोड असतो. तुम्ही ज्यांना मेसेजेस पाठवत आहात त्या व्यक्तीसोबत कोडची तुलना करून तुम्ही पाठवलेले मेसेजेस एन्ड टू एन्ड एन्क्रिप्शनने सुरक्षित आहेत याची पडताळणी करता येते. सिक्युरिटी कोड म्हणजे तुमच्यासोबत शेअर केलेली, तुम्हाला दिसू शकणारी एक खास किल्ली असते. खरी किल्ली हरवू शकते, पण काळजी करू नका, ही किल्ली नेहमीच गुप्त ठेवली जाते.
तुम्ही आणि तुमचा एखादा संपर्क एकमेकांच्या बाजूला असाल तर, तुम्ही एकमेकांचे क्यु आर कोड स्कॅन करून शकता किंवा ६० अंकी कोड प्रत्यक्ष पडताळून पाहू शकता. तुम्ही क्यु आर कोड स्कॅन केला आणि कोड सारखाच असेल तर, हिरवी बरोबरची खूण दिसेल. ते सारखे असल्याने त्या व्यक्तीखेरिज दुसरे कोणीही तुमचे मेसेजेस किंवा कॉल्स हस्तक्षेप करून वाचू किंवा ऐकू शकत नाही याची खात्री पटते आणि याप्रकारे तुम्ही एन्ड टू एन्ड एन्क्रिशनची पडताळणी करू शकता.
कोड सारखे नसतील तर, तुम्ही दुसऱ्याच एखाद्या संपर्काचा किंवा फोन नंबरचा कोड स्कॅन करत आहात असे असू शकते. तुमच्या संपर्काने अलीकडेच WhatsApp परत इंस्टॉल केले असेल किंवा फोन बदलला असेल तर, तुम्ही त्यांना नवीन मेसेज पाठवून आणि नंतर कोड स्कॅन करून कोड रिफ्रेश करावा असे आम्ही सुचवतो.
सुरक्षा कोड बदलण्याविषयी अधिक जाणून घेण्यासाठी हा लेख पाहा.
तुम्ही आणि तुमचा एखादा संपर्क एकमेकांच्या बाजूला नसाल तर, तुम्ही त्यांना ६० अंकी कोड पाठवू शकता. कोड पाठवल्यानंतर संपर्कास तसे कळवा. संपर्कास तो कोड मिळाला की त्यांनी तो लिहून घेणे आणि तो व एन्क्रिप्शन च्या खाली दिसणारा ६० अंकी कोड सारखाच आहे याची खात्री करून घेणे आवश्यक असते. Android आणि iPhone फोन वर सुरक्षा कोड सत्यापन स्क्रीनवर शेअर करा बटण वापरून तुम्ही ६० अंकी कोड एसएमएस, ई-मेल, इत्यादी मार्फत पाठवू शकता.
WhatsApp वरून पाठवले जाणारे सर्व मेसेजेस आणि केले जाणारे सर्व कॉल्स एन्ड टू एन्ड एन्क्रिप्शनने सुरक्षित असतात. मात्र, तुम्ही एखाद्या बिझनेसशी संपर्क साधता तेव्हा त्या बिझनेसशी निगडीत अनेक लोक तुमचे मेसेजेस पाहू शकतात हे लक्षात घेणे गरजेचे आहे. मात्र काही वेळेस, एखादा बिझनेस तुम्ही पाठवलेले मेसेजेस स्टोअर करणे, ते वाचणे किंवा त्यांना उत्तर पाठवणे ही कामे दुसऱ्या कंपनीला देऊ शकतो.
अशा वेळी तुमच्या मेसेजेसच्या बाबतीत गोपनीयता धोरणाचे पालन होईल याची खात्री करणे ही त्या बिझनेसची जबाबदारी आहे. अधिक माहितीसाठी कृपया त्या बिझनेसशी थेट संपर्क साधा. बिझनेस मेसेजेसच्या एन्ड टू एन्ड एन्क्रिप्शनविषयी अधिक जाणून घेण्यासाठी हा लेख वाचा.
सुरक्षितता हा WhatsApp च्या सेवेचा गाभा आहे. त्यामुळे तुमच्या संभाषणाचा आशय कोणालाही कळू नये, अगदी आम्हालाही नाही. म्हणून आम्ही २०१६ मध्ये एन्ड टू एन्ड एन्क्रिप्शन वापरून WhatsApp वरील कॉल्स आणि मेसेजेस सुरक्षित करण्याचे काम पूर्ण केले. तेव्हापासून, डिजिटल सुरक्षेला अजूनच महत्त्व प्राप्त झाले. हॅकर्सनी तंत्रज्ञानाचा गैरवापर करून लोकांची खाजगी माहिती मिळवली आणि त्या चोरलेल्या माहितीचा वापर करून लोकांना फसवले, अशी कितीतरी उदाहरणे आम्ही पाहिलेली आहेत. त्यामुळेच, आम्ही आमच्या नव्या फीचर्समध्येही - जसे की, व्हिडिओ कॉलिंग, स्टेटस अपडेट - एन्ड टू एन्ड एन्क्रिप्शनची सुरक्षा पुरवलेली आहे.
WhatsApp तुमचे मेसेजेस वाचू शकत नाही किंवा तुमचे कॉल ऐकू शकत नाही. कारण, WhatsApp वरून पाठवलेल्या मेसेजेसचे एन्क्रिप्शन आणि डिक्रिप्शन पूर्णपणे तुमच्या डिव्हाइसवर होते. एखादा मेसेज डिव्हाइसमधून बाहेर पडण्याआगोदर एका क्रिप्टोग्राफिक कुलुपाने सुरक्षित केला जातो आणि त्याची किल्ली फक्त प्राप्तकर्त्याकडे असते. शिवाय, ही किल्ली प्रत्येक मेसेजसाठी वेगळी असते. हे सर्व जरी पार्श्वभूमीमध्ये होत असले तरी, तुम्ही तुमच्या डिव्हाइसवरील सुरक्षा कोड तपासून तुमची संभाषणे सुरक्षित आहेत का याची खात्री करू शकता. हे कसे काम करते याबद्दल अधिक माहिती मिळवण्यासाठी आमचा व्हाइट पेपर पहा.
साहजिकच आहे की, कायद्याच्या अंमलबजावणीच्या दृष्टीकोनातून एन्ड टू एन्ड टू एन्ड एन्क्रिप्शनचा वापर कसा करता येईल अशी विचारणा लोकांनी आमच्याकडे केली. जगभरात लोकांना सुरक्षित ठेवण्यासाठी कायदा व्यवस्था ज्याप्रकारचे काम करते त्याचा WhatsApp ला आदरच वाटतो. कायदा अंमलबजावणी संस्थांतर्फे येणाऱ्या विनंत्यांचे लागू असलेले कायदे आणि धोरणांनुसार पुनरावलोकन केले जाते आणि त्यांची शहानिशा करून मग त्यांना उत्तर दिले जाते. उत्तर देताना आम्ही आणीबाणी स्वरूपाच्या विनंत्यांना प्रथम प्राधान्य देतो. सामाजिक शिक्षणाचा एक भाग म्हणून आम्ही मर्यादित स्वरूपावर गोळा करतो ती माहिती आणि या संस्थांना WhatsApp ची मदत हवी असल्यास काय करावे याबद्दलची माहिती कायदा अंमलबजावणी संस्थांसाठी प्रकाशित केली आहे. त्याबद्दल अधिक जाणून घेण्यासाठी येथे जा.
WhatsApp वरील सुरक्षा याविषयी अधिक जाणून घेण्यासाठी कृपया WhatsApp सुरक्षा पेजला भेट द्या.