અમને તમારી પ્રાઇવસીની પરવા છે. WhatsAppના બધા મેસેજ અને કૉલ શરૂથી અંત સુધી સુરક્ષિત છે. એનાથી એ વાતની ખાતરી મળે છે કે તમે અને તમે જેની સાથે વાતચીત કરો છો એ જ માત્ર એકબીજાના મેસેજ વાંચી શકે, બીજું કોઈ જ નહિ, WhatsApp પણ નહિ.

તમામ કિસ્સાઓમાં, WhatsApp તમારા મેસેજને શરૂથી અંત સુધીની સુરક્ષા ધરાવતા બિઝનેસને પહોંચાડશે. જોકે એ યાદ રાખવું જરૂરી છે કે જ્યારે તમે કોઈ બિઝનેસનો સંપર્ક કરો છો ત્યારે તેની સાથે સંકળાયેલા ઘણા લોકો તમારા મેસેજ જોઈ શકે છે. એ વિશે વધુ વાત કરીએ તો, WhatsApp Businessની સેવાઓ વાપરતા અમુક બિઝનેસ તેમના વાતચીત વ્યવહારના સંચાલન માટે બીજી કંપનીને રાખી શકે છે - જેમ કે, તમારા મેસેજને સાચવવા, વાંચવા કે તેનો જવાબ આપવા.

તમે જે બિઝનેસ સાથે વાતચીત કરો છો તેઓની એ જવાબદારી છે કે તે પોતાની પ્રાઇવસી પોલિસી મુજબ તમારા મેસેજને સંભાળે. વધુ માહિતી માટે, કૃપા કરીને તે બિઝનેસનો સીધો સંપર્ક કરો.

પસંદગીના દેશોમાં ઉપલબ્ધ WhatsApp પેમેન્ટ, નાણાકીય સંસ્થઓમાં એકાઉન્ટ વચ્ચે ટ્રાન્સફરને શક્ય બનાવે છે. કાર્ડ અને બેંકના નંબરોને ઉચ્ચ ગુણવત્તાવાળા સુરક્ષિત નેટવર્ક પર સાચવવામાં આવે છે. જોકે, નાણાકીય સંસ્થાઓ આ પેમેન્ટને લગતી માહિતી મેળવ્યા વગર પૈસાની લેવડદેવડ પૂરી કરી શકતી ન હોવાથી, આ પેમેન્ટ શરૂથી અંત સુધી સુરક્ષિત કરેલા નથી હોતા.

અમારી શરૂથી અંત સુધીની સુરક્ષાને લગતી પ્રસ્થાપિત રીતો વિશે વધુ માહિતી માટે આ લેખ વાંચો.