کاروباری پیغامات کے لیے پرائیویسی اور سیکیورٹی
کاروباری پیغام رسانی
WhatsApp پر ہر پیغام سگنل اینکرپشن کے اسی پروٹوکول کے ذریعے محفوظ کیا جاتا ہے جو پیغامات کو آپ کے آلے سے بھیجے جانے سے قبل محفوظ کرتا ہے۔ جب آپ WhatsApp Business اکاؤنٹ پر پیغام بھیجتے ہیں تو آپ کا پیغام کاروبار کی منتخب کردہ منزل تک محفوظ طریقے سے پہنچایا جاتا ہے۔
WhatsApp ایسے کاروباروں کے ساتھ چیٹس کو اینڈ ٹو اینڈ اینکرپٹڈ تصور کرتا ہے جو WhatsApp Business ایپ کا استعمال کرتے ہیں یا کسٹمر کے پیغامات کا خود ہی نظم اور انہیں اسٹور کرتے ہیں۔ جب پیغام موصول ہوتا ہے تو اس پر کاروبار کی پرائیویسی کے اپنے طریقہ کار کا اطلاق ہو گا۔ کاروبار پیغام پر کارروائی کرنے اور اس کا جواب دینے کے لیے کئی ملازمین یا یہاں تک کہ دیگر وینڈرز کو بھی متعین کر سکتے ہیں۔
کچھ کاروبار 1 پیغامات کو محفوظ طریقے سے اسٹور کرنے اور صارفین کو جواب دینے کے لیے WhatsApp کی پیرنٹ کمپنی، Meta، کا انتخاب کر سکیں گے۔ اگرچہ Facebook کسی کے ذاتی Facebook اکاؤنٹ میں کاروبار کے ساتھ آپ کے پیغامات نہیں دکھائے گا اور نہ ہی خود بخود آپ کے پیغامات کو استعمال کر کے آپ کو نظر آنے والے اشتہارات کو ذاتی نوعیت کا بنائے گا، لیکن کاروبار موصول ہونے والی چیٹس کو اپنی مارکیٹنگ کے مقاصد کے لیے استعمال کر سکیں گے، جس میں Meta پر تشہیر شامل ہو سکتی ہے۔ آپ کبھی بھی اس کاروبار سے اس کی پرائیویسی کے طریقوں کے بارے میں مزید معلومات کے لیے رابطہ کر سکتے ہیں۔
اہم: صارف کو تبدیلی دکھائے بغیر کسی بھی اینڈ ٹو اینڈ اینکرپٹڈ چیٹ کی اینکرپشن کا اسٹیٹس تبدیل نہیں ہو سکتا۔ کون سی چیٹس اینڈ ٹو اینڈ اینکرپٹڈ ہیں اس بارے میں مزید معلومات کے لیے، براہ کرم ہمارا وائٹ پیپر پڑھیں۔
کنٹرول آپ کے پاس ہے
WhatsApp یہ یقینی بنانا چاہتا ہے کہ آپ کو معلوم رہے کہ آپ کے پیغامات کا نظم کس طرح ہو رہا ہے۔ اگر آپ کسی شخص یا کاروبار سے پیغامات وصول نہیں کرنا چاہتے ہیں تو آپ انہیں کبھی بھی چیٹ سے براہ راست بلاک کر سکتے ہیں یا انہیں اپنے روابط کی فہرست سے حذف کر سکتے ہیں۔ ہم اس بات کو یقینی بنانا چاہتے ہیں کہ آپ یہ جانیں کہ آپ کے پیغامات کو کس طرح سنبھالا جا رہا ہے اور آپ کے پاس اپنے لیے درست فیصلے کرنے کے لیے اختیارات موجود ہیں۔
1 2021 میں۔