तुमच्या खात्याचे रक्षण करण्यासाठी, जेव्हा दुसरे कोणी तुमच्या फोन नंबरसह WhatsApp खात्याची नोंदणी करण्याचा प्रयत्न करत असेल तेव्हा WhatsApp तुम्हाला पुश नोटिफिकेशन पाठवेल. तुमचे खाते संरक्षित ठेवण्यासाठी तुमचा व्हेरिफिकेशन कोड कोणाबरोबरही शेअर करू नका.

जेव्हा तुम्ही ही सूचना प्राप्त करता तेव्हा याचा अर्थ असा आहे की एखाद्याने तुमचा फोन नंबर एंटर केला आहे आणि नोंदणी कोडची विनंती केली आहे. दुसर्‍या वापरकर्त्याने नोंदणीसाठी स्वत:चा क्रमांक एंटर करण्याचा प्रयत्न करीत असताना आपल्या नंबरवर चुकीचा टाइप केला असेल तेव्हा हे घडू शकते किंवा दुसरे कोणी तुमचे खाते ताब्यात घेण्याचा प्रयत्न करत असेल, तेव्हा देखील हे घडते.

तुम्ही तुमचा WhatsApp एसएमएस व्हेरिफिकेशन कोड इतरांशी शेअर करू नका, अगदी ते जवळचे मित्र किंवा नातेवाईक असले तरीही. जेव्हा दुसरे कोणी तुमचे खाते ताब्यात घेण्याचा प्रयत्न करत असेल तेव्हा त्यांनी तुमच्या फोन नंबरवर एसएमएस रजिस्ट्रेशन कोड पाठवणे गरजेचे असते. या कोड शिवाय आपला नंबर सत्यापित करण्याचा प्रयत्न करणारा कोणताही वापरकर्ता व्हेरिफिकेशन प्रक्रिया पूर्ण करू शकत नाही आणि WhatsApp वर आपला फोन नंबर वापरू शकत नाही. याचा अर्थ तुमचे WhatsApp खाते तुमच्या नियंत्रणामध्ये राहील.

टीप

• WhatsApp खात्याची व्हेरिफिकेशन करण्याचा जे कोणी प्रयत्न करीत आहे ती व्यक्ती कोण आहे याचा पाठपुरावा करण्यासाठी WhatsApp कडे पुरेशी माहिती नसते.
• लक्षात घ्या की, WhatsApp हे एन्ड टू एन्ड एन्क्रिप्ट केलेले आहे आणि तुमचे संदेश हे तुमच्या डिव्हाइसवर स्टोअर केलेले असतात त्यामुळे जर कोणी तुमचे खाते ॲक्सेस करत असले तरी त्यांना तुमची जुनी संभाषणे दिसू शकत नाहीत.

माहिती स्रोत

• तुम्ही तुमच्या WhatsApp खात्यात प्रवेश गमावल्यास किंवा कोणीतरी आपले खाते वापरत असल्याचा संशय असल्यास, खाते चोरले जाणे हा लेख वाचा.
• जर तुमचा फोन हरवला असेल किंवा चोरीला गेला असेल तर फोन गहाळ होणे अथवा चोरीला जाणे हा लेख वाचा.
• तुमच्या खात्याची सुरक्षितता वाढविण्यासाठी टू स्टेप व्हेरिफिकेशन सक्षम करा. टू स्टेप व्हेरिफिकेशन वरील लेख वाचा.
• खाते सुरक्षेविषयी अधिक जाणून घेण्यासाठी खाते सुरक्षितता टिपा हा लेख वाचा.