آپ غائب ہونے والے پیغامات فعال کر کے WhatsApp پر ایسے پیغامات بھیج سکتے ہیں جو غائب ہو جاتے ہیں۔ فعال ہونے کے بعد، انفرادی یا گروپ چیٹ میں بھیجے گئے نئے پیغامات سات دن بعد غائب ہو جائیں گے۔ حالیہ ترین انتخاب چیٹ میں موجود تمام پیغامات کو کنٹرول کرتا ہے۔ یہ سیٹنگ غائب ہونے والے پیغامات کو فعال کرنے سے پہلے بھیجے گئے یا موصول ہونے والے پیغامات کو متاثر نہیں کرتی ہے۔ انفرادی چیٹ میں دونوں میں سے کوئی بھی صارف غائب ہونے والے پیغامات آن یا آف کر سکتا ہے۔ گروپ چیٹ میں صرف گروپ ایڈمنز ہی غائب ہونے والے پیغامات آن یا آف کر سکتے ہیں۔

• اگر کوئی صارف سات دن میں WhatsApp نہ کھولے تو پیغام غائب ہو جائے گا۔ تاہم جب تک WhatsApp کھولا نہیں جاتا، پیغام کا پیش منظر اطلاعات میں بدستور دکھایا جا سکتا ہے۔
• جب آپ کسی پیغام کا جواب دیتے ہیں تو اس پیغام کا حوالہ دیا جاتا ہے۔ اگر آپ کسی غائب ہونے والے پیغام کا جواب دیتے ہیں تو، منقول ٹیکسٹ چیٹ میں سات دن بعد بھی برقرار رہ سکتا ہے۔
• اگر غائب ہونے والا پیغام کسی ایسی چیٹ میں فارورڈ کیا جاتا ہے جس میں غائب ہونے والے پیغامات آف ہوں تو پیغام اس چیٹ میں غائب نہیں ہوگا۔
• اگر صارف پیغام غائب ہونے سے پہلے بیک اپ بنا لیتا ہے تو غائب ہونے والا پیغام بیک اپ میں شامل ہوگا۔ جب صارف بیک اپ بحال کرے گا تو غائب ہونے والے پیغامات حذف ہو جائیں گے۔

نوٹ: غائب ہونے والے پیغامات صرف قابل اعتبار لوگوں کے ساتھ ہی استعمال کریں۔ مثال کے طور پر، یہ ممکن ہے کہ کوئی شخص:

• غائب ہونے والے پیغام کے غائب ہونے سے پہلے اسے فارورڈ کر دے یا اسکرین شاٹ لے کر محفوظ کر لے۔
• غائب ہونے والے پیغام کے غائب ہونے سے پہلے اس کا مواد کاپی کر کے محفوظ کر لے۔
• کیمرا یا کسی اور آلے کے ذریعے غائب ہونے والے پیغام کے غائب ہونے سے پہلے اس کی تصویر کھینچ لے۔

غائب ہونے والے پیغامات میں موجود میڈیا

ڈیفالٹ طور پر، آپ کو WhatsApp میں موصول ہونے والا میڈیا خود بخود آپ کی تصاویر میں ڈاؤن لوڈ ہو جائے گا۔ اگر غائب ہونے والے پیغامات آن ہیں تو چیٹ میں بھیجا گیا میڈیا غائب ہو جائے گا لیکن خودکار ڈاؤن لوڈ آن ہونے کی صورت میں یہ میڈیا فون میں محفوظ رہے گا۔ آپ WhatsApp کی سیٹنگز > اسٹوریج اور ڈیٹا میں خودکار ڈاؤن لوڈ آف کر سکتے ہیں۔

متعلقہ مضامین:

• غائب ہونے والے پیغامات آن یا آف کرنے کا طریقہ: Android |‏ iPhone |‏ KaiOS | ویب اور ڈیسک ٹاپ
• گروپ میں غائب ہونے والے پیغامات آن یا آف کرنے کا طریقہ: Android ‏| iPhone ‏| KaiOS | ویب اور ڈیسک ٹاپ