Unaweza kutuma ujumbe unaotoweka kwenye WhatsApp kwa kuwezesha ujumbe unaotoweka. Baada ya kuwezeshwa, ujumbe mpya unaotumwa kwenye soga ya binafsi au ya kikundi utatoweka baada ya siku saba. Uteuzi wa hivi karibuni unadhibiti ujumbe wote kwenye soga. Mpangilio huu hautaathiri ujumbe wa awali ulioutumwa au kupokelewa kwenye soga. Kwenye soga ya kibinafsi, mtumiaji yeyote anaweza kuwasha au kuzima ujumbe unaotoweka. Kwenye soga ya kikundi, wasimamizi wa kikundi tu ndiyo wanaweza kuwasha au kuzima ujumbe unaotoweka.

• Kama mtumiaji hafungui WhatsApp ndani ya siku saba, ujumbe utatoweka. Hata hivyo, uhakiki wa ujumbe unaweza bado kuonyeshwa kwenye arifa mpaka WhatsApp itakapofunguliwa.
• Unapojibu ujumbe, ujumbe wa awali unanukuliwa. Kama ukijibu ujumbe unaotoweka, ujumbe ulionukuliwa unaweza kubakia kwenye soga baada ya siku saba.
• Kama ujumbe unaotoweka ulisambazwa kwa soga iliyozimwa ujumbe unaotoweka, ujumbe hautatoweka kwenye soga iliyosambazwa.
• Kama mtumiaji akiunda chelezo kabla ya ujumbe kutoweka, ujumbe unaotoweka utajumuishwa kwenye chelezo. Ujumbe unaotoweka utafutwa wakati mtumiaji atakaporejesha kutoka kwa chelezo.

Kumbuka: Tumia ujumbe unaotoweka na watu wanaoaminika tu. Kwa mfano, inawezekana kwa mtu fulani:

• Kusambaza au kupiga picha ya skrini ya ujumbe unaotoweka na kuihifadhi kabla haijatoweka.
• Kunakili na kuhifadhi maudhui kutoka kwa ujumbe unaotoweka kabla haujatoweka.
• Kupiga picha ya ujumbe unaotoweka kwa kamera au vifaa vingine kabla haujatoweka.

Midia kwenye ujumbe unaotoweka

Kwa kawaida, midia unayopokea kwenye WhatsApp itapakuliwa kiotomatiki kwenye picha zako. Kama umewasha hali ya ujumbe unaotoweka, midia inayotumwa kwenye soga itatoweka, lakini itahifadhiwa kwenye simu kama umewasha hali ya kupakua kiotomatiki. Unaweza kuzima hali ya kupakua kiotomatiki kwenye WhatsApp Mipangilio > Hifadhi na Data.

Rasilimali zinazohusiana:

• Jinsi ya kuwasha au kuzima ujumbe unaotoweka: Android | iPhone | KaiOS | Web na Desktop
• Jinsi ya kuwasha au kuzima ujumbe unaotoweka kwenye kikundi: Android | iPhone | KaiOS | Web na Desktop