Unaweza kuhamia aina ile ile ya simu, kama vile Android kwenda kwenye Android au kuhama kwenda kwenye aina tofauti ya simu, kama vile iPhone kwenda kwenye Android.

Kuhamia kwenye aina ile ile ya simu

Kama unahamia kwenye aina ile ile ya simu, unaweza kuwa na chaguo la kuhamisha historia yako ya soga. Pata maelezo zaidi kuhusu kuhamisha historia yako ya soga kwenye Android au iPhone.

Kuhamia kwenye aina tofauti ya simu

Kama unahamia kwenye aina tofauti ya simu:

• Utaendelea kuwa na taarifa za akaunti yako ikiwa ni pamoja na picha yako ya jalada, maelezo ya kuhusu, soga za binafsi, soga za vikundi na mipangilio.
• Kuhamisha historia yako ya soga kati ya mifumo tofauti ya uendeshaji kwa sasa kunapatikana tu unapohama kutoka kwenye kifaa cha iPhone iOS kwenda kwenye kifaa cha Samsung Android, lakini tutafanya huduma hii ipatikane kwa watumiaji wa Android na iOS katika miezi ijayo. Pata maelezo kuhusu jinsi ya kufanya hili kwenye makala haya.

Kubaki na nambari yako ya simu

Pakua WhatsApp kwenye simu yako mpya halafu usajili nambari yako ya simu.

Kubadili ili utumie nambari mpya ya simu

• Pakua WhatsApp kwenye simu yako mpya kisha usajili nambari yako mpya ya simu.
• Futa akaunti yako ya WhatsApp inayohusishwa na nambari yako ya zamani ya simu.

Ikiwa ulisahau kufuta akaunti yako inayohusihwa na nambari yako ya zamani ya simu na huwezi kuifikia simu yako ya zamani, taarifa zako zote za akaunti zinazohusishwa na nambari hiyo ya simu zitafutwa ikiwa mmiliki mpya wa nambari yako ya zamani ataanza kutumia WhatsApp kwenye simu mpya baada ya siku 45.

Kumbuka: Ukimpa mtu simu yako au ukirudisha simu yako ya zamani kwa mtoa huduma wa vifaa vya mkononi, hakikisha kuwa umefuta data yako yote mapema, ikiwa ni pamoja na kwenye kadi ya SD, kama ipo. Kufanya hivyo huhakikisha kuwa hakuna data yako ya binafsi, kama vile historia ya soga zako za WhatsApp, itaangukia kwenye mikono ya mtu mwingine.

Rasilimali zinazohusiana:

• Kuhusu kubadilisha nambari za simu
• Jinsi ya kubadilisha nambari yako ya simu kwenye: Android | iPhone
• Imeshindwa kubadilisha nambari ya simu