آپ ایک ہی قسم کے فون پر سوئچ کر سکتے ہیں جیسے کہ Android سے Android پر یا پھر کسی اور قسم کے فون پر بھی سوئچ کر سکتے ہیں جیسے کہ iPhone سے Android پر۔

ایک ہی قسم کے فون پر سوئچ کریں

اگر آپ ایک ہی قسم کے فون پر سوئچ کر رہے ہیں تو آپ کے پاس اپنی پرانی چیٹس منتقل کرنے کا آپشن موجود ہو سکتا ہے۔ اپنی پرانی چیٹس Android یا iPhone پر منتقل کرنے کے بارے میں مزید جانیں۔

کسی اور قسم کے فون پر سوئچ کریں

اگر آپ کسی اور قسم کے فون پر سوئچ کر رہے ہیں تو:

• آپ کے اکاؤنٹ کی معلومات بشمول آپ کی پروفائل فوٹو، بمتعلق، انفرادی چیٹس، گروپ چیٹس اور سیٹنگز برقرار رہیں گی۔
• آپ کی پرانی چیٹس کی کراس پلیٹ فارم پر منتقلی فی الحال صرف ایسی صورت میں دستیاب ہے جب iPhone iOS آلے سے Samsung Android آلے پر منتقل ہو رہے ہوں، لیکن ہم اسے آنے والے مہینوں میں Android اور iOS دونوں کے صارفین کے لیے دستیاب کریں گے۔ اس مضمون میں ایسا کرنے کے طریقے کے بارے میں مزید جانیں۔

اپنا فون نمبر برقرار رکھیں

اپنے نئے فون میں WhatsApp ڈاؤن لوڈ کریں اور اپنا فون نمبر رجسٹر کریں۔

نئے فون نمبر پر تبدیل کریں

• اپنے نئے فون میں WhatsApp ڈاؤن لوڈ کریں اور اپنا نیا فون نمبر رجسٹر کریں۔
• اپنے پرانے فون نمبر سے وابستہ WhatsApp اکاؤنٹ حذف کریں۔

اگر آپ اپنے پرانے فون نمبر سے وابستہ اکاؤنٹ حذف کرنا بھول جاتے ہیں اور آپ کے پاس اپنے پرانے فون تک رسائی نہیں ہے تو اس فون نمبر سے وابستہ آپ کے اکاؤنٹ کی سبھی معلومات 45 دن کے بعد حذف ہو جائیں گی اگر آپ کے پرانے فون نمبر کا نیا مالک اپنے نئے فون پر WhatsApp فعال کرتا ہے۔

نوٹ: اگر آپ اپنا پرانا فون کسی کو دے دیتے ہیں یا اپنے موبائل کے فراہم کنندہ کو لوٹا دیتے ہیں تو پہلے اس سے اپنا سبھی ڈیٹا، SD کارڈ سمیت اگر قابل اطلاق ہو، صاف کرنا یقینی بنائیں۔ اس طرح یہ بات یقینی بنائی جا سکتی ہے کہ آپ کا کوئی بھی نجی ڈیٹا جیسے کہ آپ کی WhatsApp کی پرانی چیٹس کسی اور کے ہاتھ نہ آئیں۔

متعلقہ مضامین:

• فون نمبرز تبدیل کرنے کے بارے میں
• اپنا فون نمبر تبدیل کرنے کا طریقہ: Android |‏ iPhone
• اپنا فون نمبر تبدیل کرنے سے قاصر ہیں