نشریاتی فہرست خصوصیت کے ساتھ، آپ ایک پیغام، بیک وقت، کئی روابط کو بھیج سکتے ہیں۔

نشریاتی فہرست پیغام وصول کنندگان کی حفظ کی ہوئی فہرست ہوتی ہے جس میں انہیں بارہا چنے بغیر ہی آپ نشریاتی پیغامات بھیج سکتے ہپیں۔

نشریاتی فہرست کی تخلیق

نشریاتی فہرست کو خلق کرنے کے لیے:

1. پہلے WhatsApp کھولیں۔
2. باتیں اسکرین پر > مینیو بٹن > نئی نشریات پر جائیں۔
3. + پرٹیپ کریں یا اپنی رابطہ فہرست میں سے ناموں کا انتخاب کرنے کے لیے روابط کے ناموں کو ٹائپ کریں۔
4. ہو گیا پر ٹیپ کریں۔
5. بنائیں پر ٹیپ کریں۔

یہ نشریات کے وصول کنندگان کی ایک نئی فہرست بنا دیگا۔ جب آپ کسی نشریاتی فیرست کو پیغام بھیجیں گے، تو اس فہرست میں شامل تمام افراد کو وہ پیغام بھیجا جائیگا۔ وصول کنندگان اس پیغام کو ایک عام پیغام کی صورت وصول کریں گے۔ جب وہ جواب دیں گے، تو وہ ایک عام سے پیغام کی صورت آپ کی باتیں اسکرین پر نمودار ہوگا؛ ان کے جوابات نشریاتی فہرست میں شامل دیگر افراد کو نہیں بھیجے جائیں گے۔

توجہ: صرف وہ روابط جنہوں نے آپ کو اپنی پتہ کتاب میں شامل کیا ہو وہ ہی آپ کے نشریاتی پیغام کو وصول کریں گے۔ اگر آپ کے رابطے کو آپ کے نشریاتی پیغامات نہیں مل رہے، تو اس بات کا اطمینان کر لیں کہ انہوں نے آپ کو اپنی پتہ کتاب میں شامل کر رکھا ہے۔ نشریاتی پیغامات ایک تا کثیر ابلاغیت کا نمونہ ہوتے ہیں۔ اگر آپ اپنے وصول کنندگان کا گروہ گفتگو میں شریک ہونا گوارا کرتے ہیں، تو آپ کو چاہیئے کہ ایک گروہ بات شروع کریں۔

نشریاتی فہرست کی ترمیم کرنا

1. نشریاتی فہرست کو کھولیں۔
2. مینیو بٹن > نشریاتی فہرست کی معلومات پر ٹیپ کریں۔
3. نشریاتی فہرست کی معلومات کی اسکرین پر آپ:
   • اپنی نشریاتی فہرست کا عنوان قلم کے نشان (آئیکن) پر ٹیپ کر کے تبدیل کر سکتے ہیں۔
   • وصول کنندہ کو شامل کریں۔۔۔ بٹن پر ٹیپ کر کے وصول کنندگان کو فہرست میں شامل کر سکتے ہیں۔
   • وصول کنندگان کو ٹیپ کر کے رکھنے کے بعد {وصول کنندہ} کو نشریاتی فہرست سے نکالیں کا انتخاب کر کے وصول کنندگان کو نکال سکتے ہیں۔

نشریاتی فہرست کو مٹانا

1. باتوں کے مینیو سے جس نشریاتی فہرست کو مٹانا ہو اسے ٹیپ کر کے دبا کر رکھیں۔
2. نشریاتی فہرست مٹائیں پر ٹیپ کریں۔
3. مٹائیں کو ٹیپ کریں۔

نشریاتی فہرست کے استعمال کے متعلق یہاں سے مزید جانکاری لیں: iPhone | Windows Phone