તમે મોકલેલા મેસેજની બાજુમાં ખરાની નિશાનીઓ દેખાશે. દરેક નિશાનીનો અર્થ આ પ્રમાણે છેે:

• મેસેજ સફળતાપૂર્વક મોકલાયો છે.
• મેસેજ સફળતાપૂર્વક મેળવનારના ફોન પર પહોંચી ગયો છે.
• મેળવનારે મેસેજ વાંચી લીધો છે.

કોઈ ગ્રૂપ ચેટમાં, બીજી ખરાની નિશાની ત્યારે દેખાશે, જ્યારે ગ્રૂપના તમામ સભ્યોને મેસેજ મળ્યો હશે. ખરાની બે વાદળી નિશાનીઓ ત્યારે દેખાશે જ્યારે ગ્રૂપના તમામ સભ્યોએ મેસેજ વાંચી લીધો હશે.

મેસેજની માહિતી

કોઈ પણ મેસેજ જે તમે મોકલો એના માટે, તમે એક મેસેજની માહિતી સ્ક્રીન જોઈ શકશો, જે દેખાડશે કે તમારો મેસેજને ક્યારે પહોંચાડવામાં આવ્યો અને મેળવનાર દ્વારા ક્યારે વાંચવામાં કે પ્લે કરવામાં આવ્યો.

મેસેજની માહિતી સ્ક્રીન જોવા માટે:

1. કોઈ સંપર્ક સાથેની કે કોઈ ગ્રૂપ સાથેની ચેટ ખોલો.
2. તમે મોકલેલા મેસેજ પર દબાવી રાખો.
3. મેનુમાંથી માહિતી પસંદ કરો.

મેસેજની માહિતી સ્ક્રીન આ દેખાડશે:

• પહોંચાડાયો જ્યારે તમારો મેસેજ તમારા મેળવનારના ફોન પર પહોંચાડાય, પરંતુ મેળવનારે હજી એને જોયો ન હોય.
• જોયું અથવા વાંચ્યું જ્યારે તમારો મેસેજ તમારા મેળવનાર વાંચશે કે જોશે ત્યારે. વોઇસ મેસેજ માટે, મેળવનારે તેને જોયો હોય પણ પ્લે કર્યો ન હોય.
• પ્લે કર્યો જ્યારે મેળવનારે તમારો વોઇસ મેસેજ પ્લે કર્યો હોય.

નોંધ: જ્યારે કોઈ સભ્ય ગ્રૂપ છોડીને જાય, તો પણ મેસેજની માહિતી સ્ક્રીન પર જ્યાં બધાં સભ્યોની માહિતી અપાય છે, ત્યાં ગ્રૂપ છોડનારા સભ્યોની માહિતી પણ દેખાશે.

મેસેજ માહિતી સ્ક્રીન વિશે અહીં વધુ શીખો: Android | iPhone

વંચાયાની ખાતરી ન દેખાવી

જો તમને તમારા મેસેજની બાજુમાં ખરાની બે વાદળી નિશાનીઓ ન દેખાય, તો તેના આ કારણો હોઈ શકે છે:

• તમે કે તમારા મેળવનારે કદાચ પ્રાઇવસી સેટિંગમાં વંચાયાની ખાતરી બંધ રાખી હોય.
• મેળવનારે તમારી સાથે કદાચ સંપર્ક તોડ્યો હોય.
• મેળવનારનો ફોન કદાચ બંધ હોય.
• મેળવનારે કદાચ તમારી ચેટ ખોલી ના હોય.
• તમે કે તમારા મેળવનાર કદાચ કનેક્શન સમસ્યાઓ અનુભવી રહ્યા હોય.

વંચાયાની ખાતરી બંધ કરવા

વંચાયાની ખાતરી બંધ કરવા માટે, સેટિંગ > એકાઉન્ટ > પ્રાઇવસી પર જઓ અને વંચાયાની ખાતરી બંધ કરો.

નોંધ: આવું કરવાથી ગ્રૂપ ચેટ માટે વંચાયાની ખાતરી અથવા તો વોઇસ મેસેજ માટે પ્લે કર્યાની ખાતરી બંધ નહિ થાય. આવાં સેટિંગને બંધ કરવાનો કોઈ રસ્તો નથી.