ہم کس طرح آپ کی مدد کر سکتے ہیں؟
افواہوں اور غلط خبروں کو پھیلنے سے روکنے میں مدد کرنے کیلئے ٹپس
فارورڈ شدہ پیغام کو پہچانیں
‘فارورڈ شدہ’ لیبل والے پیغامات آپ کو یہ تعین کرنے میں مدد دیتے ہیں کہ آیا آپ کے دوست یا رشتہ دار نے اس پیغام کو خود لکھا ہے یا پھر یہ اصلاً کسی اور کی جانب سے آیا ہے۔ جب کوئی پیغام ایک صارف سے دوسرے صارف تک پانچ سے زیادہ بار فارورڈ کیا جاتا ہے تو اس کی نشاندہی ایک دوہرے تیر کے آئیکن
سے ہوتی ہے۔ اگر آپ کو یہ معلوم نہ ہو کہ اصل پیغام کس نے لکھا ہے تو حقائق کو دوبارہ چیک کر لیں۔ پیغامات فارورڈ کرنے کے بارے میں مزید جاننے کیلئے براہ کرم یہ مضامین پڑھیں۔
تصاویر اور میڈیا کو دھیان سے چیک کریں
تصاویر، آڈیوز ریکارڈنگز اور ویڈیوز میں آپ کو گمراہ کرنے کیلئے ترمیم کی جا سکتی ہے۔ مصدقہ خبر رساں ذرائع دیکھ کر پتہ لگائیں کہ آیا یہ کہانی اور بھی کہیں رپورٹ ہوئی ہے۔ جب کوئی کہانی متعدد جگہوں پر رپورٹ ہوئی ہو تو اس کے سچ ہونے امکانات بڑھ جاتے ہیں۔
مختلف نظر آنے والے پیغامات سے محتاط رہیں
آپ کو موصول ہونے والے دھوکے بازیوں اور جعلی خبروں پر مشتمل کئی پیغامات یا ویب سائٹ لنکس میں ہجے کی غلطیاں ہوتی ہیں۔ ان علامات پر نظر رکھیں تاکہ آپ معلومات کی درستگی چیک کر سکیں۔ دھوکا دینے والے پیغامات کے بارے میں مزید معلومات کے لیے براہ کرم یہ مضمون پڑھیں۔
اپنے تعصبات کو چیک کریں
ایسی معلومات سے محتاط رہیں جو آپ کے پہلے سے موجود عقائد کی توثیق کرتی ہو اور ایسی معلومات شیئر کرنے سے پہلے حقائق کا جائزہ لے لیں۔ ایسی کہانیاں جن پر یقین کرنا مشکل ہو اکثر جھوٹی ہوتی ہیں۔
جعلی خبریں اکثر وائرل ہو جاتی ہیں
اگر کوئی پیغام بہت بار شیئر ہوا ہو تو اس کا مطلب یہ نہیں کہ وہ سچا ہے۔ پیغام کو اس لیے فارورڈ نہ کریں کیونکہ ارسال کنندہ نے آپ کو فارورڈ کرنے کیلئے اکسایا ہے۔ اگر آپ کو کوئی ایسی چیز دکھائی دے جو جعلی ہو تو جس شخص نے وہ آپ کو بھیجی ہے اسے بتائیں اور اسے شیئر کرنے سے پہلے معلومات کی توثیق کرنے کا کہیں۔ اگر کوئی گروپ یا رابطہ مستقل طور پر جعلی خبریں بھیج رہا ہو تو اسے رپورٹ کریں۔ کسی رابطے یا گروپ کو رپورٹ کرنے کا طریقہ سیکھنے کیلئے یہ مضمون پڑھیں۔
دیگر ذرائع سے توثیق کریں
اگر آپ کو ابھی بھی ٹھیک سے معلوم نہ ہو کہ پیغام سچا ہے تو آن لائن حقائق تلاش کریں اور کہانی کا ماخذ دیکھنے کیلئے قابل بھروسہ خبروں کی سائٹس چیک کریں۔ اگر آپ کو پھر بھی شک ہو تو مزید معلومات کیلئے حقائق چیک کرنے والوں یا اپنے بھروسے کے لوگوں سے پوچھیں۔
اہم: اگر آپ کو ایسا محسوس ہوتا ہے کہ کوئی جذباتی یا جسمانی خطرے میں ہے تو براہ کرم اپنے مقامی قانون نافذ کرنے والے حکام سے رابطہ کریں۔ مقامی قانون نافذ کرنے والے حکام ایسی صورتوں میں مدد فراہم کرنے کیلئے تیار ہوتے ہیں۔