WhatsApp Business हे एक Android आणि iPhone ॲप आहे जे निःशुल्क डाउनलोड करता येते, ते छोट्या व्यावसायिकांना गृहीत धरून निर्माण केले आहे. WhatsApp Business वापरून ग्राहकांशी संपर्क साधणे सोयीस्कर होण्यासाठी आम्ही अशी काही साधने पुरवीत आहोत ज्यामुळे संदेश आपोआप पाठविले जाणे, त्यांची वर्गवारी केली जाणे आणि काही संदेशांना तात्काळ प्रत्युत्तर पाठविणे हे शक्य होईल. ते मुद्दामच WhatsApp मेसेंजर सारखे तयार केले आहे. त्यामुळे तुम्हाला मेसेंजरवर ज्याची सवय आहे, जसे की संदेश पाठवणे, फोटो पाठवणे तशा प्रकारेच तुम्ही ते वापरू शकता.

आम्ही सध्या ॲप मध्ये प्रदान करत असलेली काही वैशिष्ट्ये खालील प्रमाणे आहेत :

• व्यवसाय प्रोफाइल, असे प्रोफाइल ज्यामध्ये तुमच्या ग्राहकांना तुमचा पत्ता, व्यवसायाची माहिती, ई-मेल ॲड्रेस आणि वेबसाईट याची माहिती मिळेल.
• आकडेवारी, तुमचे किती संदेश यशस्वीरीत्या पाठविले गेले, प्राप्त झाले आणि वाचले गेले याची महत्त्वाची माहिती सांख्यिकीच्या स्वरूपात पाहता येईल.
• संदेश साधने, ग्राहकांना त्वरित उत्तर पाठविता येईल.

Google प्ले स्टोअर आणि App Store येथे ते कसे डाउनलोड करावे हे जाणून घेऊ शकता.

जर तुम्ही व्यावसायिक नसाल तर हे नवीन ॲप स्वतंत्रपणे डाउनलोड करण्याची गरज नाही. तुम्ही तुमचे नेहमीचे WhatsApp Messenger खाते वापरून तुमचा मित्रपरिवार, कुटुंबीय आणि व्यवसायांशी संपर्कात राहू शकता.