ચેટ આર્કાઇવ કરવાની સુવિધા તમે તમારી ચેટની સ્ક્રીનમાંથી વાતચીતને આર્કાઇવ કરવાની અને જરૂર પડે ત્યારે એને ફરી જોવાની સગવડ આપે છે. તમે તમારી વાતચીતને સારી રીતે ગોઠવવા ગ્રૂપ અને વ્યકતિગત ચેટને આર્કાઇવ કરી શકો છો.

નોંધ: ચેટ આર્કાઇવ કરવાથી ચેટ રદ થતી નથી કે તમારા SD કાર્ડમાં બેકઅપ તરીકે લેવાતી નથી.

કોઈ ચેટને આર્કાઇવ કરવા માટે

1. ચેટ સ્ક્રીન પર, જે ચેટને આર્કાઇવ કરવાની ઇચ્છા હોય એના પર દબાવો અને પકડી રાખો.
2. બારની ઉપરની બાજુએ, આર્કાઇવ કરો પર દબાવો.

તમારી ચેટ હવે આર્કાઇવ થઈ ગઈ છે અને તમારી ચેટ સ્ક્રીન પર દેખાશે નહિ.

કોઈ ચેટને આર્કાઇવમાંથી હટાવવા માટે

1. ચેટ સ્ક્રીનની છેક નીચેની બાજુએ સરકાવો અને આર્કાઇવ કરેલ પર દબાવો.
2. તમે જે ચેટને આર્કાઇવમાંથી હટાવવા ચાહતા હો, એના પર દબાવો અને પકડી રાખો.
3. બારની ઉપરની બાજુએ, આર્કાઇવમાંથી હટાવો પર દબાવો.

બધી ચેટને આર્કાઇવ કરવા માટે

1. ચેટ સ્ક્રીનમાં,વધુ વિકલ્પો > સેટિંગ પર દબાવો.
2. ચેટ > ચેટનો ઇતિહાસ > બધી ચેટ આર્કાઇવ કરો પર દબાવો.

જ્યારે તમને એ વાતચીતમાં કોઈ નવો મેસેજ મળશે, ત્યારે આર્કાઇવ કરેલી ચેટ પણ દેખાશે.

આર્કાઇવ ચેટ કેવી રીતે વાપરવી એના વિશે આના ઉપર વધુ શીખો: iPhone | Windows Phone | WhatsApp Web