व्हिडिओ कॉलिंगचा वापर करून तुम्ही तुमच्या संपर्कांना WhatsApp मधून व्हिडिओ कॉल करू शकता.

व्हिडिओ कॉल करणे

1. ज्या संपर्काला व्हिडिओ कॉल करायचा आहे त्याच्यासोबत वैयक्तिक चॅट सुरू करा.
2. व्हिडिओ कॉल > कॉल वर टॅप करा.

तुम्ही असेही करू शकता, WhatsApp उघडा त्यानंंतर कॉल्स टॅब > नवीन कॉल वर कॉल करा. तुम्हाला ज्या संपर्काला व्हॉइस कॉल करायचा आहे तो शोधा, त्यानंतर व्हिडिओ कॉल वर टॅप करा.

आलेला व्हिडिओ कॉल घेणे

तुमचा फोन लॉक असल्यास, कोणीतरी तुम्हाला व्हिडिओ कॉल केल्यावर तुम्हाला इनकमिंग WhatsApp व्हिडिओ कॉल स्क्रीन दिसेल, जेथे तुम्ही हे करू शकता:

• या चिन्हावर स्वाइप करून कॉल स्वीकारू शकता.
• या चिन्हावर स्वाइप करून कॉल नाकारू शकता.
• या चिन्हावर स्वाइप करून तुम्ही कॉल का उचलू शकत नाही याचे स्पष्टीकरण देणारा तात्काळ मेसेज पाठवू शकता.

तुमचा फोन अनलॉक असल्यास, एखाद्याने तुम्हाला कॉल केल्यावर तुम्हाला इनकमिंग व्हिडिओ कॉल पॉप-अप दिसेल, जेथे तुम्हाला नकार द्या किंवा स्वीकार करा हे पर्याय उपलब्ध असतील.

व्हिडिओ कॉल आणि व्हॉइस कॉल यांच्यात स्विच करणे

व्हिडिओ कॉलमधून व्हॉइस कॉलला स्विच करणे

1. व्हिडिओ कॉल चालू असताना, व्हिडिओ बंद करा वर टॅप करा, ज्यामुळे तुमचे व्हिडिओ कॉलिंग चालू असल्याचे संपर्काला सूचित केले जाईल.
2. दुसरी व्यक्तीदेखील त्यांचा व्हिडिओ बंद करते, तेव्हा तो कॉल आपोआपच व्हॉइस कॉलला स्विच होतो.

व्हॉइस कॉलमधून व्हिडिओ कॉलला स्विच करणे

1. व्हॉइस कॉल चालू असताना, व्हिडिओ कॉल > स्विच करा वर टॅप करा.
2. ज्या व्यक्तीसोबत तुमचा व्हॉइस कॉल सुरू आहे, त्या व्यक्तीला तो कॉल व्हिडिओ कॉलवर स्विच करण्याची विनंती दिसेल. त्यानंतर ती व्यक्ती ती स्विच विनंती स्वीकारू किंवा नाकारू शकते.

ग्रुप व्हिडिओ कॉल करणे

WhatsApp मधील ग्रुप कॉलिंग वापरून एकावेळी कमाल आठ सदस्यांसोबत ग्रुप व्हिडिओ कॉल करणे शक्य आहे.

ग्रुप चॅटमधून ग्रुप व्हिडिओ कॉल करणे

1. तुम्हाला ज्या ग्रुपला व्हिडिओ कॉल करायचा आहे तो ग्रुप उघडा.
2. तुमच्या ग्रुप चॅटमध्ये पाच किंवा त्यापेक्षा जास्त सदस्य सहभागी झालेले असल्यास, ग्रुप कॉल वर टॅप करा.
   • तुमच्या ग्रुप चॅटमध्ये चार किंवा त्यापेक्षा कमी सदस्य सहभागी असल्यास, व्हिडिओ कॉल वर टॅप करा. असे असल्यास, कॉल लगेच सुरू होईल.
3. तुम्हाला ज्या संपर्कांना कॉल करायचा आहे ते संपर्क शोधा, त्यानंतर व्हिडिओ कॉल वर टॅप करा.

‘कॉल्स’ टॅबमधून ग्रुप व्हिडिओ कॉल करणे

1. WhatsApp उघडा आणि कॉल्स टॅबवर टॅप करा.
2. नवीन कॉल > नवीन ग्रुप कॉल वर कॉल करा.
3. तुम्हाला ज्या संपर्कांना कॉल करायचा आहे ते संपर्क शोधा, त्यानंतर व्हिडिओ कॉल वर टॅप करा.

वैयक्तिक चॅटमधून ग्रुप व्हिडिओ कॉल करणे

1. ज्या संपर्कांना व्हिडिओ कॉल करायचा आहे, त्यापैकी एका संपर्कासोबत वैयक्तिक चॅट सुरू करा.
2. व्हिडिओ कॉल वर टॅप करा.
3. संपर्क करणाऱ्याने कॉल स्वीकारल्यावर, सदस्य जोडा वर टॅप करा.
4. तुम्हाला कॉलवर ज्या संपर्काला जोडायचे आहे तो शोधा, त्यानंतर जोडा वर टॅप करा.
5. तुम्हाला आणखी संपर्कांना जोडायचे असल्यास सदस्य जोडा वर टॅप करा.

टीप:

• ग्रुप व्हिडिओ कॉल करत असताना किंवा तो घेताना, तुमच्याकडे आणि तुमच्या संपर्कांकडे उत्तम इंटरनेट कनेक्शन आहे याची खात्री करा. एखाद्या संपर्काकडील कनेक्शन खराब असेल, तर त्यानुसार व्हिडिओ कॉलची गुणवत्तादेखील बदलेल.
• तुम्हाला ग्रुप व्हिडिओ कॉल येतो, तेव्हा तुम्हाला इनकमिंग WhatsApp व्हिडिओ कॉल स्क्रीनवर सध्या कॉलवर असलेले सदस्य दिसतील. ज्या सदस्याने तुम्हाला कॉलमध्ये समाविष्ट केले, त्याचे नाव सर्वात वर दिसेल.
• व्हिडिओ कॉल दरम्यान, तुमच्याकडे व्हिडिओ बंद करा वर टॅप करून तुमचा व्हिडिओ बंद करण्याचा पर्याय उपलब्ध असेल.
• ग्रुप व्हिडिओ कॉल सुरू असताना तुम्हाला कोणत्याही संपर्काला काढता येणार नाही. एखाद्या संपर्काने कॉल समाप्त केला तरच तो कॉलमधून डिस्कनेक्ट होईल.
• कॉल्स टॅबमध्ये ग्रुप व्हिडिओ कॉलचा इतिहास दिसेल. कॉलमध्ये कोण कोण होते हे पाहण्यासाठी तुम्ही 'पूर्वीचे कॉल्स' वर टॅप करू शकता.
• तुम्ही ब्लॉक केलेला एखादा संपर्क तुमच्यासोबत ग्रुप व्हिडिओ कॉलमध्ये आहे असे होऊ शकते. पण लक्षात घ्या की, तुम्ही ब्लॉक केलेल्या संपर्कास किंवा ज्या संपर्काने तुम्हाला ब्लॉक केले आहे त्या संपर्कास तुम्ही कॉलमध्ये समाविष्ट करू शकणार नाही.
• व्हिडिओ कॉलिंग 4.1 किंवा त्यापुढील आवृत्ती असलेल्या Android फोन्सवर उपलब्ध आहे.

संबंधित लेख:

iPhone वर व्हिडिओ कॉल कसा करायचा