ગ્રૂપ કૉલિંગની સુવિધાથી વધુમાં વધુ આઠ સભ્યો WhatsApp વાપરીને એકબીજાને વીડિયો કૉલ કરી શકે છે. જ્યારે તમને ગ્રૂપ વીડિયો કૉલ આવે, ત્યારે WhatsApp ગ્રૂપ વીડિયો કૉલની સ્ક્રીન પર તે કૉલમાં હોય એ બધા સભ્યો દેખાશે, અને લિસ્ટમાં પહેલા દેખાતા સંપર્કે તમને ઉમેર્યા હશે. પહેલાંના બધા ગ્રૂપ વીડિયો કૉલ કૉલ ટેબમાં દેખાશે. કૉલમાં ભાગ લેનારા દરેક સભ્યને જોવા માટે તમે પહેલાંના બધા કૉલ પર દબાવી શકો છો. જો છૂટી ગયેલો કૉલ હજી પણ ચાલુ હોય, તો તમે તેમાં જોડાઈ પણ શકો છો.

ગ્રૂપમાં વીડિયો કૉલ કરવા વિશે

ગ્રૂપ ચેટમાંથી ગ્રૂપ વીડિયો કૉલ કરવા માટે

1. તમારે જે ગ્રૂપમાં વીડિયો કૉલ કરવો હોય તે WhatsApp ગ્રૂપ ચેટને ખોલો.
2. જો તમારી ગ્રૂપ ચેટમાં 33 કે તેથી વધુ સભ્યો હોય, તો ગ્રૂપ કૉલ પર દબાવો.
• જો તમારા ગ્રૂપ ચેટમાં 32 કે તેથી ઓછા સભ્યો હોય, તો વીડિયો કૉલ પર દબાવો અને તમારા નિર્ણયની ખાતરી કરો. પહેલા સાત લોકો કે જેઓ જવાબ આપે છે તે કૉલમાં જોડાઈ શકે છે અને ફક્ત ગ્રૂપના સભ્યો જ ભાગ લઈ શકે છે.
3. તમે કૉલમાં ઉમેરવા માગતા હો એવા સંપર્કો શોધો, પછી વીડિયો કૉલ પર દબાવો.

કૉલ ટેબમાંથી ગ્રૂપ વીડિયો કૉલ કરવા માટે

1. WhatsApp ખોલો, પછી કૉલ ટેબ પર દબાવો.
2. નવો કૉલ > નવો ગ્રૂપ કૉલ પર દબાવો.
3. તમે કૉલમાં ઉમેરવા માગતા હો એવા સંપર્કો શોધો, પછી વીડિયો કૉલ પર દબાવો.

વ્યક્તિગત ચેટમાંથી ગ્રૂપ વીડિયો કૉલ કરવા માટે

1. તમે જેમને વીડિયો કૉલ કરવા માગતા હો તેવા કોઈ એક સંપર્ક સાથેની WhatsApp ચેટને ખોલો.
2. વીડિયો કૉલ પર દબાવો.
3. એક વાર સંપર્ક કૉલ સ્વીકારે લે, એટલે ખોલો > સભ્યને ઉમેરો પર દબાવો.
4. તમે કૉલમાં ઉમેરવા માગતા હો એવો બીજો સંપર્ક શોધો, પછી ઉમેરો પર દબાવો.
5. જો તમે વધુ સંપર્કોને ઉમેરવા માગતા હો, તો સભ્યને ઉમેરો પર દબાવો.

ગ્રૂપ વીડિયો કૉલમાં જોડાવા વિશે

ઇનકમિંગ ગ્રૂપ વીડિયો કૉલમાં જોડાવા માટે

1. જ્યારે કોઈ વ્યક્તિ તમને ગ્રૂપ વીડિયો કૉલમાં જોડાવા માટે આમંત્રિત કરે ત્યારે તમને નોટિફિકેશન મળશે.
2. જો તમે જોડાઈ ન શકતા હો, તો અવગણો પર દબાવો. કૉલની માહિતી સ્ક્રીનને ખોલવા માટે, જોડાઓ પર દબાવો.
3. કૉલ મેનૂમાંથી, તમે કૉલમાં ભાગ લેનારા સભ્યો અને અન્ય આમંત્રિતોનો પ્રિવ્યૂ જોઈ શકો છો.
4. કૉલમાં જોડાવા માટે જોડાઓ પર દબાવો.
5. કૉલમાં હો તે વખતે, કૉલની માહિતી સ્ક્રીનને ખોલવા માટે ખોલો પર દબાવો.
• કૉલમાં વધુ સંપર્કોને ઉમેરવા માટે સભ્યને ઉમેરો પર દબાવો.
• પહેલાંથી આમંત્રિત કરવામાં આવેલા લોકોને નોટિફિકેશન મોકલવા માટે રિંગ કરો પર દબાવો.

છૂટી ગયેલા ગ્રૂપ વીડિયો કૉલમાં જોડાવા માટે

1. WhatsApp ખોલો, પછી કૉલ ટેબ પર દબાવો.
2. જો કૉલ કોઈ ગ્રૂપ ચેટથી શરૂ થયો હોય, તો તમે તે ચેટ ખોલી અને જોડાઓ પર દબાવીને જોડાઈ શકો છો.
3. જો કૉલ ચાલુ હોય, તો તમે જોડાવા ઇચ્છો તે કૉલ પર દબાવો. આમ કરવાથી કૉલની માહિતી સ્ક્રીન ખુલશે.
4. કૉલ મેનૂમાંથી, જોડાઓ પર દબાવો.

• એક વારમાં એક કૉલમાં ફક્ત આઠ સભ્યો એક્ટિવ હોઈ શકે છે.
• ખાતરી કરો કે ગ્રૂપ વીડિયો કૉલ કરતી કે મેળવતી વખતે, તમારા અને તમારા સંપર્કો પાસે સારું ઇન્ટરનેટ કનેક્શન હોય. વીડિયો કૉલની ગુણવત્તાનો આધાર સૌથી ખરાબ કનેક્શન ધરાવતા સંપર્ક પર રહેશે.
• ગ્રૂપ વીડિયો કૉલ દરમિયાન, તમારી પાસે વીડિયો બંધ કરો પર દબાવીને વીડિયો બંધ કરવાનો વિકલ્પ હોય છે.
• ગ્રૂપ વીડિયો કૉલ પર હો ત્યારે તમે કોઈ પણ સંપર્કને એ કૉલમાંથી દૂર કરી શકશો નહિ. એ કૉલમાંથી બહાર નીકળવા માટે, તે સંપર્કે પોતે તેમના કૉલને કાપવો પડશે.
• બની શકે કે જેની સાથે તમે સંપર્ક તોડ્યો હોય એ વ્યક્તિ ગ્રૂપ વીડિયો કૉલમાં હોય, પણ તમે કે તમારી સાથે સંપર્ક તોડેલી વ્યક્તિ એકબીજાને કૉલમાં ઉમેરી શકશે નહિ.
• વીડિયો કૉલિંગની સુવિધા Android 4.1 કે તેનાથી નવું વર્ઝન ધરાવતા ફોન પર જ ઉપલબ્ધ છે.

સંબંધિત લેખો:

• Android | iPhone પર વીડિયો કૉલ કેવી રીતે કરવો
• iPhone પર ગ્રૂપ વીડિયો કૉલ કેવી રીતે કરવો